1 Bakorinthe 16:22 - BIBELE

²² Haeba ho ena le ya sa rateng Morena, a ke a rohakehe. Marana tha! Morena, tloo!

Sesotho 1909/1961 (SO)

²² Ekare ha motho a le teng, ya sa rateng Morena Jesu, a be anathema. Maranatha (Morena wa rona o a tla).

Baasraak Sotho NT

²² Ekare ha motho a sa rate Morena Jesu Kreste, e be anathema Maranatha.

Contemporary Southern Sotho Bible 2024

²² Ekare ha motho a sa rate Morena Jesu Kreste, e be anathema Maranatha.

1 Bakorinthe 16:22 Referencias Cruzadas

Sefela sa Salomone 1:7

Ako mpolelle, wena moratuwa wa ka, moo kgulo la mohlape wa hao le leng teng, moo o bothisang mohlape wa hao teng, ha le le hloohong tsa mengala, esere ka fumanwa ke ntse ke lelera, ke o batla hara mehlape ya thaka tsa hao.

Sefela sa Salomone 5:16

Polelo tsa hae tsona ke tse mathe-malodi, athe ha e le yena ke tjaka, o a rateha. Enwa ke yena moratuwa wa ka, enwa ke yena motswalle wa ka, lona baradi ba Jerusalema.

Isaia 5:1

Moratuwa wa ka ke tla mminela sefela, ke binele tshimo ya hae sefela, tshimo ya hae ya morara; moratuwa o ne a ena le tshimo rallaneng le mobu o motle.

Mattheu 10:37

“Ya ratang ntatae kapa mmae ho mpheta ha a ntokele; ya ratang mora kapa moradi ho mpheta ha a ntokele,

Johanne 14:15

“Haeba le a nthata, le tla boloka ditaelo tsa ka.

Johanne 14:21

Ya nang le ditaelo tsa ka, mme a di boloka, ke yena ya nthatang; ya nthatang o tla ratwa ke Ntate, le nna ke tla mo rata, mme ke tla iponahatsa ho yena.”

Johanne 14:23

Jesu a mo araba, a re: “Ha motho a nthata, o tla boloka lentswe la ka, mme Ntate o tla mo rata, re tla tla ho yena, mme re dule ka ho yena.

Johanne 15:24

Ha ke ne ke sa ka ka etsa mesebetsi hara bona, eo ho seng le ya mong ya e entseng, ba ka be ba se na sebe, empa jwale ba bone, mme ba hloile rona le Ntate.

Johanne 16:14

Yena o tla ntlotlisa, hobane o tla nka ho tsa ka, a le tsebise tsona.

Johanne 8:42

Jesu a re ho bona: “Ha Modimo e ne e le Ntata lona, le ka be le nthata, hobane ke tlile ke etswa ho Modimo; ha ke a tla ka bonna, empa ke yena ya nthomileng.

Diketso 23:14

Ba ya ho baprista ba baholo, le ho baholo ba setjhaba, ba re: “Re se re ikanne hore ha re ka ke ra latswa letho, re eso bolaye Paulosi.

Baroma 9:3

Ke ne nka lakatsa hore ke be ya rohakehileng, ya arohantsweng le Kreste, bakeng sa baheso, bao ke leng seng le bona ka tswalo.

1 Bakorinthe 12:3

Ke ka baka leo, ke le tsebisang hore ha ho motho ya nang le Moya o Halalelang ya ka reng: “Jesu o rohakehile;” ebile ha ho motho ya ka reng: “Jesu ke Morena,” ha a se na Moya o Halalelang.

Bagalata 5:6

hobane ha motho a le ho Kreste, lebollo kapa boqai hase letho, empa tabataba ke tumelo e sebetsang ka lerato.

Baefese 6:24

Mohau o ke o be le bohle ba ratang Morena wa rona Jesu Kreste ka lerato le sa feleng.

BaFilipi 4:5

Mosa wa lona o ke o tsejwe ke batho bohle. Morena o haufi.

BaHebheru 6:10

Modimo ha a hloke toka hoo a ka lebalang mosebetsi wa lona, le lerato leo le le bontshitseng ho yena ka ho sebeletsa badumedi, bao le sa ntseng le ba sebeletsa le jwale.

1 Petrose 1:8

yena eo le mo ratang le hoja le sa ka la mmona, mme le hona jwale le dumelang ho yena le hoja le eso mmone. Jwale le nyakaletse ka thabo e ke keng ya bolelwa, e tlotlehang,

1 Petrose 2:7

Ka baka leo, ho lona ba dumelang ke la bohlokwa, empa ho ba sa dumelang, ho thwe: “Lejwe le lahlilweng ke dihahi, le fetohileng lejwe la mantlha,

1 Johanne 4:19

Rona re na le lerato, hobane yena o re ratile pele.

1 Johanne 5:1

Mang le mang ya dumelang hore Jesu ke Kreste o tswetswe ke Modimo, mme mang le mang ya ratang motswadi, o rata le tswala ya hae.

Tshenolo 22:20

Ya pakang tsena o re: “E, ke tla tla kapele.” A ho be jwalo! Tloo, Morena Jesu.