1 Bakorinthe 11:32 - BIBELE

³² Empa re a tsuwa, mme re otlwa ke Morena, e le hore re tle re se ke ra ahlolwa mmoho le lefatshe.

Sesotho 1909/1961 (SO)

³² Empa ha re ahlolwa, re lauwa ke Morena, re tle re se ke ra tsuwa le lefatshe.

Baasraak Sotho NT

³² Empa ha re ahlolwa, re lauwa ke Morena, hore re tle re se ke ra tsuwa le lefatshe.

Contemporary Southern Sotho Bible 2024

³² Empa ha re ahlolwa, re lauwa ke Morena, hore re tle re se ke ra tsuwa le lefatshe.

1 Bakorinthe 11:32 Referencias Cruzadas

2 Samuele 7:14

Ke tla ba ntatae, mme yena e be mora wa ka, empa haeba a ka etsa bokgopo, ke tla mo otla ka thupa e kgalemelang bana, le ka meupa eo batho ba e shapang bana ba bona.

Dipesaleme 118:18

Morena o nkgalemetse, empa ha a a ka a nneela lefu.

Isaia 1:5

Le sa tla boela le otlwa hokae, ha le ntse le pheella ho mo fetohela? Hlooho yohle e se tletse maoma, mmele wohle le wona o a kula.

Jeremia 7:28

Empa wena o tlo re ho bona: ‘Setjhaba sena ke se sa hlompheng lentswe la Morena Modimo wa sona, se sa utlweng ha se kgalemelwa, nnete e fedile, mme ha e sa le eo melomong ya sona.’ ”

Sofonia 3:2

Motse ona ha o mamele keletso, kgalemelo le yona ha o e amohele; esita le Morena ha o mo tshepe, ha o ikatametse ho Modimo wa wona.

Baroma 3:19

Jwale re tseba hore tsohle tseo Molao wa Moshe o di bolelang, o di bolella ba leng tlasa Molao oo, hore ho se be ya ka itatolang, mme lefatshe lohle le tle le be tlasa kahlolo ya Modimo.

Baroma 5:16

Hape mpho eo ha e tshwane le sebe sa motho eo a le mong, Adama, hobane kahlolo e latetseng sebe seo se le seng e bile kotlo, athe mpho ya mohau e latetseng ditshito tse ngata e bile tokafatso.

1 Bakorinthe 1:20

Jwale mohlalefi o tla fella kae? Morutehi yena? Sengangele sa tsa lefatshe sona? Ana Modimo ha a ka a bontsha hore bohlale ba lefatshe ke bothoto?

1 Bakorinthe 1:21

Erekaha lefatshe, ka bohlale ba lona, le sitilwe ho tseba Modimo ka mesebetsi ya bohlale ba hae, ka hona ba dumelang, Modimo o kgahlilwe ke ho ba pholosa ka bothoto ba molaetsa ona oo re o phatlalatsang.

1 Bakorinthe 11:30

Ke ka baka leo ho nang le ba bangata hara lona, ba kulang le ba fokolang, mme ba bangata ba se ba shwele.

1 Bakorinthe 11:31

Hoja re ye re itlhahlobe pele, Modimo o ne a ke ke a re ahlola.

1 Bakorinthe 11:33

Ha ho le jwalo, bana beso, ha le phuthehela ho ja, fanang sebaka.

Deuteronoma 8:5

Tsebelang ka dipelong tsa lona hore, jwalokaha ntata a kgalemela mora wa hae, le Morena Modimo wa lona, o le kgalemela jwalo.

1 Timothea 1:20

Hara bona ho na le Hemenaiose le Alekesandere, bao ke ba neetseng Satane, ba tle ba ithute ho se nyefole.

1 Johanne 5:19

Re a tseba hore re ba Modimo, le hore lefatshe lohle le pusong ya E Mobe.

Tshenolo 3:19

“Bohle bao ke ba ratang ke a ba kgalemela, mme ke a ba otla. Tjheseha he, mme o bake.