Nahume 1:9 - Sesotho 1909/1961 (SO)

⁹ Mehopolo ya lona ke efe bakeng sa Jehova? O tla timeletsa ruri; tlokotsi e ke ke ya hlaha habedi.

BIBELE

⁹ Le rera mano afe a ho lwantsha Morena? O tla le timetsa, le timelle ruri! Sera se ke ke sa mo tsohela matla habedi.

Nahume 1:9 Referencias Cruzadas

2 Samuele 20:10

athe Amasa ha a lemohe sabole e ka letsohong le leng la Joabe. Ka yona Joabe a mo hlaba mpeng, a horomeletsa mala a hae fatshe, a se ke a hlaba la bobedi; a shwela teng. Joabe le Abishai ngwanabo ba ntoo phallela Sheba, mora Bikri.

Dipesaleme 21:11

hobane ba o etseditse bolotsana, ba lohile mano, empa ba tla hloka matla;

Dipesaleme 33:10

Jehova o etsa merero ya batho ntho feela; o tshwephola mehopolo ya ditjhaba.

Diproverbia 21:30

Ha ho bohlale, ha ho kelello, ha ho le morero o ka lwantshang Jehova.

Isaia 28:22

Mme jwale, le se ke la nna la soma, mahlaahlela a lona a tle a se ke a tiiswa; hobane ke utlwile ho Morena, Jehova wa makgotla, hore tshenyeho ya lefatshe lohle e rerilwe.

Jeremia 51:64

o re: Babilona o tla tebela jwalo; a ke a se ke a tsoswa ka baka la kotsi tseo ke tlang ho di tlisa hodima hae. Mantswe a Jeremia a kgutla moo.

Ezekiele 21:5

Mme nama yohle e tla tseba hoba nna Jehova ke pshemotse lerumo la ka selateng; le ke la kgutlela ho sona.

Ezekiele 7:5

Morena Jehova o re: Bona, kotsi, kotsi e bohloko e a tla;

Hosea 7:15

Nna ke ba rutile, ke bile ke tiisitse matsoho a bona, athe ba rerile bobe hodima ka.

Nahume 1:11

Ho wena ho tswile ya rerang bobe hodima Jehova, ya eletsang bolotsana.

2 Bakorinthe 10:5

Re diha ka tsona merero le diphahamo tsohle tse phahamelang ho lwantsha tsebo ya Modimo, mme re hapa mehopolo yohle, e tle e utlwe Kreste.

1 Samuele 26:8

Abishai a re ho Davida: Kajeno, Modimo o neetse sera sa hao matsohong a hao; jwale, a nke ke mo hlabe ka lerumo, ke mmolaele fatshe hanghang; nke ke ka hlaba habedi.

1 Samuele 3:12

Mohlang oo, ke tla hlahisetsa Eli tsohle tseo ke di buileng hodima ntlo ya hae, tsa ho qala le tsa ho qetella.