Moeklesia 4:14 - Sesotho 1909/1961 (SO)

¹⁴ Efela ya jwalo o tlile ho rena, a etswa tlung ya baholehuwa; o ne a hlahile ka bofutsana mmusong wa hae.

BIBELE

¹⁴ Mohlomong mohlankana eo o tswa tjhankaneng ho tla ba kgosi, kapa ebe o tswaletswe bofutsaneng, empa a tswallwa mmusong oo e tla ba wa hae.

Moeklesia 4:14 Referencias Cruzadas

Genese 41:14

Yaba Faro o romela ho bitsa Josefa; ba phakisa ba mo ntsha teronkong, mme a beolwa, a apeswa diaparo disele, a tla ho Faro.

2 Marena 24:12

Ebile Jojakine, morena wa Juda, o tswela ho morena wa Babilona, e le yena, le mmae, le bahlanka ba hae, le mahosana a hae, le matona a hae. Morena wa Babilona a mo tshwara ka selemo sa boroba meno e le mmedi sa ho busa ha hae.

2 Marena 24:6

Jojakime a orohela ho bontatae, mme mora hae, Jojakine, ya eba morena tulong tsa hae.

2 Marena 25:7

Bara ba Tsedekia ba bolawa pela mahlo a hae; Tsedekia a ntoo phunngwa mahlo, a tlangwa ka mahlaahlela a koporo, mme a iswa Babilona.

Jobo 5:11

o dudisa batho ba kokobetseng nqalong tse diphahameng, ba llang ba phahamisetswa katlehong.

Moeklesia 4:15

Ke bone bohle ba phelang, ba tsamayang tlasa letsatsi, ha ba latela mohlankana eo ya tshwanetseng ho hlahlama morena boreneng,

KOLI-YA-MALLA 4:20

Eo e neng e le phefumoloho ya dinko tsa rona, e leng motlotsuwa wa Jehova, o tshwasitswe lemeneng la bona, e le eo re neng re re, re tla phela moriting wa hae hara ditjhaba.

Daniele 4:31

Polelo ha e sa le molomong wa morena, lentswe la theoha lehodimong, la re: Morena Nebukadnesare, o tsebiswa hore borena bo ya tloswa ho wena;

1 Samuele 2:8

O ntsha mofutsana ditholeng; o tlosa mofumanehi thotobolong, e le hore a ba dudise hara marena, mme a ba ruise terone ya kganya. Hobane metheo ya lefatshe ke ya Jehova; o tiisitse lefatshe lohle hodima yona.