Levitike 8:36 - Sesotho 1909/1961 (SO)

³⁶ Aarone le bara ba hae ba etsa tsohle tseo Jehova a neng a di laetse ka Moshe.

BIBELE

³⁶ Arone le bara ba hae ba etsa tsohle tseo Morena a di laetseng Moshe.

Levitike 8:36 Referencias Cruzadas

Eksoda 39:43

Moshe a tadima mosebetsi wohle, mme a fihlela ba o entse jwalokaha Jehova a ne a laetse; ba o etsa jwalo. Yaba Moshe o a ba hlohonolofatsa.

Eksoda 40:16

Moshe a etsa jwalo; a etsa tsohle kamoo Jehova a mo laetseng kateng.

Levitike 8:35

Le tla hlola le dutse motshehare le bosiu ka matsatsi a supileng, monyako wa tente ya pokano, mme le tla etsa seo Jehova a le laetseng sona, hore le se etse, hore le se tlo shwa; hobane ke laetswe jwalo.

Levitike 8:9

A mo rwesa moqhwele hloohong, mme moqhweleng, kapele ho wona, a hloma diadema ya kgauta, e leng lebenyane le kgethehileng, jwalokaha Jehova a ne a laetse Moshe.

Levitike 9:1

Ka letsatsi la boroba meno e le mmedi, Moshe a bitsa Aarone, le bara ba hae, le baholo ba Iseraele, a re ho Aarone:

Deuteronoma 12:32

Iponeleng, le etse tsohle tseo ke le laelang tsona. O se ke wa di eketsa ka letho, mme o se ke wa tlosa letho ho tsona.

Deuteronoma 4:2

Le ke ke la eketsa ka letho hodima lentswe leo ke le laelang lona, hape, le ke ke la le fokotsa, le tla mpe le boloke ditaelo tsa Jehova, Modimo wa lona, tseo ke le laelang tsona.

1 Samuele 15:22

Yaba Samuele o re: Hleka Jehova o kgahlwa ke ditjheso le ke mahlabelo, jwalokaha a kgahlwa ha ho utluwa lentswe la Jehova na? Bona kutlo e fetisa sehlabelo, mme mamelo e fetisa mafura a dipheleu.