Levitike 4:28 - Sesotho 1909/1961 (SO)

²⁸ Etlare ha a lemoswa sebe seo a se entseng, o tla hlahisa sehlabelo bakeng sa sebe seo a se entseng, e le podi e tshehadi, e se nang sekodi.

BIBELE

²⁸ Ha a elellwa sebe sena seo a se entseng, o tla tlisa nyehelo ya podi ya sethole, e se nang sepha, ka baka la sebe sa hae.

Levitike 4:28 Referencias Cruzadas

Genese 3:15

Ke tla bea hloyano mahareng a hao le mosadi, le mahareng a peo ya hao le peo ya hae; peo eo e tla o kgoba hlooho, mme o tla e loma serethe.

Dipesaleme 90:8

O bea makgopo a rona pela hao, le dibe tsa rona tse patilweng o di bea leseding la sefahleho sa hao.

Isaia 7:14

Ka baka leo, Morena o tla le fa pontsho, e le yena: Bonang, morwetsana o tla emola, a tswale mora, mme o tla mo rea lebitso la Emmanuele (Modimo o na le rona).

Jeremia 31:22

O tla nne o phaile ho isa hokae, mokwenehi? Hobane Jehova o ya bopa ntho e ntjha lefatsheng: mosadi o ya teela monna hare.

Levitike 4:14

etlare ha sebe se entsweng se lemohuwa, phutheho e tla hlahisa pohwana bakeng sa sebe, mme e tla tliswa pela tente ya pokano.

Levitike 4:23

Etlare ha e bontshwa sebe seo e se entseng, e tla hlahisa podi e tona e se nang sekodi, e be sehlabelo sa yona.

Levitike 4:3

Ha ekaba ya entseng sebe ke moprista ya tlotsitsweng, mme kahoo a dihetse batho molatong, o tla hlahisetsa Jehova pohwana e se nang sekodi ka baka la sebe seo a se entseng, e le sehlabelo sa sebe.

Levitike 4:32

Ha ekaba a hlahisa nku ya sehlabelo sa sebe, o tla hlahisa e tshehadi, e sa nang sekodi.

Levitike 5:6

o tla hlahisetsa Jehova sehlabelo sa molato ka baka le sebe seo a se entseng, e be sa ntho e tshehadi ya tse kgutshwane, kapa nku, kapa podi, e be sehlabelo sa sebe, hore moprista a mo etsetse pheko ya sebe sa hae.

Baroma 8:3

Hobane se neng se sita molao, ke ho fokodiswa ke nama, Modimo o se entse ha o romile Mora wa wona ka nama e tshwanang le ya baetsadibe, le ka baka la sebe, mme o tswile sebe nameng;

Bagalata 3:28

Ha ho sa le Mojuda, leha e le Mogerike; ha ho sa le ya ruilweng, leha e le ya sa ruwang; ha ho sa le monna, leha e le mosadi; hobane kaofela ha lona le ntho e le nngwe ho Jesu Kreste.