Jobo 9:17 - Sesotho 1909/1961 (SO)

¹⁷ wona o ntubang ka sefefo, o atisang maqeba a ka feelafeela!

BIBELE

¹⁷ A ka mpidila ka sefefo sa kganyapa, a nkekeletsa maqeba ho se lebaka.

Jobo 9:17 Referencias Cruzadas

Jobo 10:8

Matsoho a hao a mpopile, a mphethisitse kahohle: athe o rata ho mpshatla!

Jobo 16:12

Ke ne ke phela hantle, empa o nthobile; o ntshwere ka molala, o nthobakile; o mpeile sebeo sa ho phosa ha wona.

Jobo 16:14

wa nntsha leqeba hodima leqeba, wa mphallela jwaloka mohale.

Jobo 16:17

Leha ho le jwalo, ha ke pate letho le sa lokang letsohong la ka, thapelo ya ka e hlwekile.

Jobo 2:13

Yaba ba dula le yena fatshe ka matsatsi a supileng le masiu a supileng, ho se ya isang lentswe ho yena, ka ho bona hoba bohloko ba hae bo le boholo haholo.

Jobo 2:3

Jehova a re ho Satane: Na o lemohile Jobo, mohlanka wa ka, na? Hobane ha ho ya jwaloka yena lefatsheng, ya tsamayang ka ho loka le ka bokgabane, ya tshabang Modimo, ya sesefang bobe; o sa tiiseditse tokeng ya hae, leha o ntlhohlelleditse ho mo etsa hampe feela.

Jobo 2:7

Yaba Satane o tloha pela Jehova, mme a otla Jobo ka mathopa a bohale, ho nka bohatong ba maoto ho isa hara hlooho.

Jobo 27:2

Ka Modimo o phelang, o nkamohileng ho loka ha ka, le ka Ya matla wohle ya hlokofaditseng moya wa ka,

Jobo 30:22

o nkukile ka moya wa sefefo, o ya le nna, hore ke tle ke dikele mororong wa moya.

Jobo 33:10

bonang, Modimo o batla sebaka sa ho nqala, o ntadimile jwaloka hoja ke le sera ho wona;

Jobo 34:6

ke etswa motho ya leshano, ha ke emela toka ya ka; ke hlabilwe ka motsu o bolayang, ke se na molato.

Jobo 9:16

Le hoja o ka araba mohoo wa ka, nka sitwa ho dumela hore o ka utlwa lentswe la ka;

Dipesaleme 25:3

E mong le e mong ya itshepetseng wena, a ke ke a swaba; tshwabo ke ya ba iketsetsang bolotsana ka boomo.

Dipesaleme 29:5

Lentswe la Jehova le robakanya dikedare; Jehova o robakanya dikedare tsa Lebanone,

Dipesaleme 42:7

Bodiba bo arabelana le bodiba bo bong modumong wa phororo tsa hao; merwallo ya hao kaofela le maqhubu a hao wohle a fetile hodima ka.

Dipesaleme 83:15

O ba lelekise jwalo ka sefefo sa hao, o ba tshose ka moya wa hao wa letsukutsuku!

Isaia 28:17

Ke tla etsa tokelo molao, ho loka e be tokiso; mme sefako se tla ya le setshabelo sa leshano, metsi a hlakole tshirelo ya lona.

Jeremia 23:19

Bonang, sefefo sa Jehova ke seo, kgalefo e tjhesang e tswetse ntle, sefefo se tsokotsehang se tla tsokotseha dihloohong tsa ba babe.

Ezekiele 13:13

Ha ho le jwalo, Morena Jehova o re: Kgalefong ya ka, ke tla pukisa moya wa difefo; bohaleng ba ka, dikgohola di tla matha, kgalefong ya ka, majwe a sefako a tla wa ho timeletsa ruri.

Mattheu 12:20

ha a ka ke a roba lehlaka le tenyetsehileng, a ke ke a tima lebonenyana le kubellang, e be a etse hore ho loka ho hlole.

Mattheu 7:27

mme pula ya theoha, phororo tsa tla, le meya ya foka, ya otla ntlo eo, mme ya wa, mme ho wa ha yona ya eba ho hoholo.

Johanne 15:25

Empa e le hore lentswe le ngodilweng molaong wa bona le etsahale, le reng: Ba ntlhoile feela.

Johanne 9:3

Jesu a araba, a re: Ha ho a sitwa yena, leha e le batswadi ba hae, empa e le hore mesebetsi ya Modimo e bonahatswe ka yena.