Jobo 40:10 - Sesotho 1909/1961 (SO)

¹⁰ O ikapesa jwaloka boholo le ka bokgabane, o ikgabise ka kganya le ka botle!

BIBELE

¹⁰ Ikgabise he ka tlotla le ka bokgosi, o ikapese ka hlompho le botlotlehi.

Jobo 40:10 Referencias Cruzadas

1 Dikronike 29:11

Oho, Jehova, boholo, le matla, le letlotlo, le hlolo, le kganya, ke tsa hao! Hobane tsohle tse mahodimong le lefatsheng ke tsa hao. Borena le bona ke ba hao, Jehova, mme o phahametse tsohle o le morena.

Jobo 39:19

Na ke wena ya neileng pere matla a yona, ya kgabisitseng molala wa yona ka moetse o fokaelang na?

Dipesaleme 149:4

Hobane Jehova o thabela setjhaba sa hae, o kgabisa bahlomohi ka ho ba pholosa.

Dipesaleme 21:5

Kganya ya hae e kgolo ka baka la thuso ya hao, o mo file bokgabane le boholo;

Dipesaleme 50:2

Sione, botleng bo phethehileng, Modimo o bonahatsa kganya ya wona;

Dipesaleme 93:1

Jehova o a busa, o apere bokgabane; matla ke seaparo sa Jehova le senyepa sa hae; ka baka leo, lefatshe le tiile, le ke ke la sisinyeha.

Eksoda 28:2

O etsetse Aarone, moholwane wa hao, diaparo tse kgethehileng, tsa kganya le tsa khabiso.

Isaia 4:2

Mehleng eo, lehlomela la Jehova le tla hlaha bokgabaneng le kganyeng, tholwana ya lefatshe e be kganya le kgabiso ho Baiseraele ba phonyohileng.

Isaia 59:17

O apere dihlomo tsa hae; ho loka ke tshireletso ya sefuba sa hae; hloohong o rwetse heleme ya poloko; phetetso yona ke seaparo sa hae; poulelo yona ke kobo eo a ipopileng ka yona.

Mattheu 6:13

o se ke wa re isa molekong; o mpe o re lwele ho e mobe; [hobane mmuso ke wa hao, le matla, le kganya ka ho se feleng. Amen!]

1 Bakorinthe 15:54

Mme etlare ha ho bolang hona ho apere ho sa boleng, le ho shwang hona ho apere ho sa shweng, ke moo polelo e ngodilweng e tla phetheha, e itseng: Lefu le metsitswe ke hlolo.