Jobo 25:2 - Sesotho 1909/1961 (SO)

² O na le mmuso le boholo bo tshabehang, o tiisa kgotso nqalong tse phahamileng tsa wona.

BIBELE

² “Puso le tshabo di tswa ho Modimo, ke mothei wa kgotso mahodimong a hae a hodimo.

Jobo 25:2 Referencias Cruzadas

Jobo 16:19

Le jwale, bonang, paki ya ka e mahodimong, mme molatoledi wa ka o nqalong tse hodimodimo.

Jobo 25:1

Yaba Bildade wa Shua o fetola, a re:

Jobo 31:2

Hobane ke be nka bona kabelo e jwang hodimo ho Modimo, mme ke be nka bona lefa lefe lehodimong ho Ya matla wohle?

Jobo 36:22

Bona, Modimo o phahamile ka matla a wona; na moruti o teng ya kang wona?

Jobo 36:5

Bona, Modimo o matla, empa ha o nyedise motho; o moholo ka matla a kutlwisiso ya wona.

Jobo 37:23

Re ke ke ra finyella ho Ya matla wohle; o phahamile ka matla le ka toka, le ka ho loka ho sa kgelosweng.

Jobo 42:2

Ke a tseba hobane ha o sitwe ke letho, le hoba ha ho morero oo o ke keng wa o phetha.

Dipesaleme 66:3

Ereng ho Modimo: Mesebetsi ya hao e tshabeha hakakang! Ka baka la boholo ba matla a hao, dira tsa hao di ipea katlase ho wena;

Dipesaleme 76:8

O boletse tsuo o le mahodimong; lefatshe la tshoha, la ba la kgutsa,

Isaia 57:15

Hobane ho itswe ke Mookamedi ya hodimodimo, eo bodulo ba hae e leng bo sa feleng, ya bitswang Mohalaledi: Ke ahile nqalong e phahameng, e halalelang; hape, ke ahile le ya tepeletseng, le motho ya robehileng pelo, ke tle ke pholose meya ya batho ba robehileng dipelo, ke phedise meya ya ba tepeletseng.

Isaia 57:19

Jehova ya hlahisang teboho melomong ya motho, o re: Kgotso, kgotso ho ya leng hole, le ho ya leng haufi; hobane ke tla mo fodisa.

Mattheu 28:18

Yaba Jesu o atamela, a bua le bona, a re: Ke neilwe borena bohle lehodimong le lefatsheng.

Mattheu 5:9

Ho lehlohonolo ba etsang kgahiso; hobane ba tla rewa bana ba Modimo.

Mattheu 6:13

o se ke wa re isa molekong; o mpe o re lwele ho e mobe; [hobane mmuso ke wa hao, le matla, le kganya ka ho se feleng. Amen!]

BaKolose 1:20

le ho busetsa dintho tsohle kgotsong ya Modimo ka yena, leha e le tse lefatsheng, leha e le tse mahodimong, kahobane e le yena ya entseng kgotso ka madi a sefapano sa hae.

Yuda 1:25

ho Modimo o nnotshi, Mmoloki wa rona, e be kganya, le boholo, le matla, le borena, ka Morena wa rona Jesu Kreste, jwale le kamehleng le mehla! Amen!

Tshenolo 6:16

ba re ho dithaba le ho mafika: Re weleng hodimo, le re pate pela sefahleho sa ya dutseng teroneng le pela bohale ba Konyana.