Jobo 22:14 - Sesotho 1909/1961 (SO)

¹⁴ Maru a o kwahetse hore o sitwe ho bona; bokgwidikweng ba lehodimo, ke moo o haolang teng.

BIBELE

¹⁴ O hara lesira la maru, a ke ke a tseba ho bona, ha a ntsa ralotsa hopong la lehodimo.’

Jobo 22:14 Referencias Cruzadas

Jobo 26:9

O kwahela metheo ya terone ya wona, o e apesa ka maru a wona.

Jobo 34:22

Ha ho lefifi, ha ho moriti o motsho, moo ba sebetsang bokgopo ba ka ipatang teng.

Dipesaleme 33:14

Nqalong ya bodulo ba hae o lemoha baahi ba lefatshe kaofela.

Dipesaleme 97:2

Maru le botsho di mo teetse hare; ho loka le kahlolo ke motheo wa terone ya hae.

Isaia 40:22

Ke yena ya nang le terone ya hae hodima phikoloho ya lefatshe, leo ba ahileng ho lona ba leng ho yena jwaloka ditsie; ke yena ya menollang mahodimo jwaloka lesela le lesesane la kase, mme o a phutholla jwaloka tente ya ho aha teng.

Jeremia 23:24

Na motho a ka ya a pateha sephiring, hore ke se ke ka mmona, ho bolela Jehova? Ha ke re, mahodimo le lefatshe a tletse nna, ho bolela Jehova?

Amose 9:6

O haha matlo a hae a phahameng lehodimong; o bea lehodimo ho ba marulelo a hae hodima lefatshe; o bitsa metsi a lewatle, a a tshollele hodima lefatshe: lebitso la hae ke Jehova.