Jobo 12:13 - Sesotho 1909/1961 (SO)

¹³ Ho wona Modimo ho dutse bohlale le matla; o na le kelello le kutlwisiso.

BIBELE

¹³ “Empa bohlale le matla tsona ke tsa Modimo, ke yena monga kelello le kutlwisiso;

Jobo 12:13 Referencias Cruzadas

Jobo 11:6

ho o senolela diphiri tsa bohlale ba wona, bo tebileng, bo fetang kutlwisiso ya rona, o ka be o bona hoba bakeng sa hao Modimo o lebetse boholo ba sebe sa hao.

Jobo 12:16

Ho wona ho dutse matla le bohlale; ya kgelohileng le ya kgelosang ba matleng a wona.

Jobo 26:12

Ka matla a wona a kokomosa lewatle, ka bohlale ba wona o kokobetsa ho phahama ha lona.

Jobo 36:5

Bona, Modimo o matla, empa ha o nyedise motho; o moholo ka matla a kutlwisiso ya wona.

Jobo 38:36

Ke mang ya neileng pelo ya motho bohlale, ke mang ya neileng moya wa hae kutlwisiso?

Jobo 9:4

Kelellong o bohlale, matleng o matla ho fetisa; ke mang ya ka hanyetsanang le wona, a pholoha?

Dipesaleme 147:5

Morena wa rona o moholo, matla a hae a maholo ka ho fetisisa; kutlwisiso ya hae ha e na ho lekanngwa.

Diproverbia 8:14

keletso le hlalefo ke tsa ka, le wona masene le matla a ho nna.

Isaia 31:2

Athe le yena o bohlale, ke kahoo a tlisang mahlomola, mme ha a kgutlise mantswe a hae; ntlo ya ba etsang hampe o tla e tsohela matla, le bona ba thusanang le ba sebetsang bokgopo.

Isaia 46:10

Ke nna, haesale ho hlaheng, ke bolelang tse tlang ho tla, le kgale ke boletse tse esong ho hlahe. Ke re: Morero wa ka o tla tiya, ke tla phetha thato ya ka kaofela.

Jeremia 10:12

Ke wona o entseng lefatshe ka matla a wona, o lokisitse lefatshe le ahilweng ka bohlale ba wona, ka hlalefo ya wona o sarolotse mahodimo.

Daniele 2:20

Daniele a re: Ho bokwe lebitso la Modimo kamehla le mehla, hobane efela o na le bohlale le matla!

Luka 21:15

hobane nna, ke tla le nea molomo le bohlale boo ba ipeileng dira ho lona ba tla sitwa ho bo fetola le ho bo hanyetsa.

Baroma 11:34

Hobane ke mang ya tsebileng kgopolo ya Morena, kapa ke mang e bileng moeletsi wa hae?

1 Bakorinthe 1:24

Empa ho ba bitsitsweng, leha e le ba Bajuda, leha e le ba Bagerike, Kreste ke matla a Modimo le bohlale ba Modimo.

Baefese 1:11

Hape, ke ka ho Kreste re entsweng lefa la wona, kamoo re neng re rerelwe hona pele kateng, ka morero wa ya sebetsang dintho tsohle ka phehello ya thato ya hae;

Baefese 1:8

oo Modimo o re atiseditseng wona ka bohlale bohle le ka kelello yohle;

BaKolose 2:3

eo matlotlo kaofela a bohlale le a tsebo a patilweng ka ho yena.

Jakobo 1:5

Ha e mong ho lona a hloka bohlale, a bo kope ho Modimo, o sitsang bohle ka phano e kgolo, o se na ho kganana, mme o tla bo newa.