Isaia 59:8 - Sesotho 1909/1961 (SO)

⁸ Ha ba tsebe tsela ya kgotso, ho loka ha ho yo mekgweng ya bona; ba iketseditse ditsela tse kgopo; e mong le e mong ya tsamayang ho tsona ha a tsebe kgotso.

BIBELE

⁸ Tsela e isang kgotsong ha ba e tsebe, mehlaleng ya bona toka ha e fumanwe. Tsela tsa bona ke tse matswedintsweke, ya tsamayang ho tsona a ke ke a fumana kgotso.

Isaia 59:8 Referencias Cruzadas

Dipesaleme 125:5

Haele ba kgelohang, ba yang ka ditsela tse tswedikaneng, Jehova a ke a ba timetse hammoho le ba sebetsang bokgopo! Kgotso e be ho Iseraele!

Diproverbia 2:13

ba furaletseng tsela ya ho loka, ba tsamayang ka tsela ya lefifi,

Diproverbia 2:15

bao ditsela tsa bona di kgelohileng, le metsamao ya bona e kgopameng;

Diproverbia 21:8

Motho eo tsela ya hae e leng kgopokgopo, o furallane le botle; empa diketso tsa motho ya kgabane di lokile.

Diproverbia 28:18

Ya tsamayang ho lokeng o tla bolokeha; empa ya kgopo, ya yang ka tsela tse pedi, o tla wela ho e nngwe.

Diproverbia 3:17

Ditsela tsa bona ke ditsela tse kgahlehang, mebila ya bona ke kgotso.

Isaia 48:22

Ha ho kgotso e boloketsweng ba bolotsana, ho bolela Jehova!

Isaia 5:7

Ruri, tshimo ya merara ya Jehova wa makgotla ke ntlo ya Iseraele, banna ba Juda ke ditlama tseo a neng a kgahliswa ke tsona; o ne a lebeletse ho loka, empa a bona hloriso, a lebella kahlolo, empa a bona mohoo wa hloreho.

Isaia 59:11

Re bokolla bohle jwaloka dibere, re lla jwaloka maebakgorwana; re lebeletse ho loka, mme ha ho hlahe; re lebeletse le poloko, mme e a re balehela.

Isaia 59:9

Ke ka baka leo tokiso e leng hole le rona, mme ho loka ho sa fihle ho rona; re lebeletse lesedi, mme bonang, ke lefifi; re lebeletse kganya, mme re tsamaya botshong.

Isaia 65:2

Ke bile ke ntshitse matsoho a ka ka matsatsi wohle, ho a otlollela setjhaba se ikgantshang, se latelang mehopolo ya sona tseleng e kgopo;

Jeremia 5:1

Eyang le diterata tsa Jerusalema, le tadime, le itsebele tsa teng, le batle mapatlelong a teng, ha le ka fumana motho wa sebele, ha e mong a ka ba teng ya etsang ka ho loka, ya phehellang nnete, ke tle ke hauhele motse.

Mattheu 23:23

Ho madimabe lona, bangodi le bafarisi, baikaketsi! hobane le ntsha karolo ya leshome ya kwena le anetha le kumine, mme le siya hoo e leng boholo ba molao, e leng tokiso, le mohau, le tumelo; anthe le ne le tshwanetse ho etsa ntho tsena, le ntse le sa tlohele ho etsa tseno.

Luka 1:79

hore a bonese ba dutseng lefifing le moriting wa lefu, mme a tsamaise maoto a rona tseleng ya kgotso.

Baroma 3:17

ha ba tsebe tsela ya kgotso;