Isaia 10:24 - Sesotho 1909/1961 (SO)

²⁴ Ka baka leo, Morena, Jehova wa makgotla, o re: Wena setjhaba sa ka se ahileng Sione, o se ke wa tshoha Assiria, leha a o otla ka thupa, a emisitse molamu ho wena, jwalokaha ho kile ha etswa Egepeta.

BIBELE

²⁴ Ka baka leo, Morena, Morena wa mabotho, o re: “Lona tjhaba sa ka se phelang Sione, le se ke la tshaba Baasiria, bona ba le otlang ka molamu, ba le phahamisetsang koto jwalokaha Egepeta e ile ya etsa.

Isaia 10:24 Referencias Cruzadas

2 Marena 19:6

Esaia a re ho bona: Eyang, le bolelle monga lona, le re: Ho itswe ke Jehova: O se ke wa tshaba mantswe ao o a utlwileng, ao batho ba morena wa Assiria ba nnyefotseng ka wona.

Eksoda 14:9

Baegepeta ba ba phallela, mme mapere le makoloi kaofela a Faro le bapalami ba hae le sera sa hae kaofela ba ba fihlela ba emisitse pela lewatle, pela Pi-Hahirothe, malebana le Baale-Tsefone.

Eksoda 5:14

Ba shapa balaedi ba bana ba Iseraele, ba beilweng hodima bona ke bahlahlobi ba Faro, ba re: Ke ka baka lang ha le sa ka la phetha mosebetsi wa lona wa ho etsa setene maobane le kajeno jwaloka pele?

Isaia 10:5

Ho madimabe Assiria, thupa ya bohale ba ka, leha ke beile molamu wa kgalefo ya ka matsohong a hae!

Isaia 12:2

Bonang, Modimo ke poloko ya ka, ke na le tshepo, nke ke ka tshaba letho; hobane Jehova, Jehova ke matla a ka le sefela sa ka; o ikentse Mmoloki wa ka.

Isaia 12:6

Lona ba ahileng Sione, le nyakalle, le ithabele ka difela, hobane o moholo hara lona, Mohalaledi wa Iseraele.

Isaia 14:29

Wena naha ya Filistia, o se ke wa thaba, ke hobane thupa e neng e o otla e robehile; hobane motsong wa noha ho tla tswa qowane, mme tholwana ya yona e tla ba drakone e fofang.

Isaia 27:7

Na o re, Jehova o otlile Iseraele ka dikotlo tse kang tseo bahlorisi ba hae ba otlilweng ka tsona, kapa na o mmolaile jwalokaha a bolaile ba mmolaileng na?

Isaia 30:19

Hobane setjhaba se tla nne se ahe Sione le Jerusalema; ha o sa na ho lla; ha a ka utlwa hobane o howeletsa ho yena, o tla o hauhela; a re a sa utlwa pitso ya hao a o arabe.

Isaia 30:32

Mme hohle moo thupa ya Jehova eo a tlang ho mo otla ka yona e tlang ho ya le teng, meropa le diharepa di tla duma; mme o tla mo otla ka matla.

Isaia 35:4

Ereng ho ba dipelo di tshohileng: Betang pelo, le se ke la tshaba! Bonang, Modimo wa lona o tla ka phetetso, e leng ho putsa ha Modimo; o tla tla, o le boloke.

Isaia 37:22

ke ena taba eo Jehova a e bolelang hodima hae: Morwetsana, moradi wa Sione, o a o nyedisa, o tsheha ka wena; moradi wa Jerusalema o o tsokolletsa hlooho.

Isaia 37:6

Esaia a re ho bona: Le bolelle monga lona, le re: Ho itswe ke Jehova: O se ke wa tshoha mantswe ao o a utlwileng, ao bahlanka ba morena wa Assiria ba nnyefotseng ka wona.

Isaia 4:3

E mong le e mong ho ba siilweng Sione, le ba setseng Jerusalema, ba tla bitswa bahalaledi, e leng bohle ba ngodilweng bukeng ya ba phelang Jerusalema;

Isaia 46:13

Ke atameditse ho loka ha ka: Ha ho hole; le poloko ya ka; e ke ke ya dieha. Ke tla bea poloko ya ka Sione, le kganya ya ka hodima Iseraele.

Isaia 51:13

Ho ya kang, ha o ka lebala Jehova, Mmopi wa hao, ya adileng mahodimo, ya theileng lefatshe? Ke ka baka lang ha o tshohile kamehla ka ditshiu tsohle ka kgalefo ya mohlorisi ha a itokisa ho lwana? E kae jwale, kgalefo ya mohlorisi?

Isaia 61:3

ho behela ba llang ba Sione hobane ba tla newa moqhaka sebakeng sa molora, ole ya thabo sebakeng sa bofifi, kobo ya kganya sebakeng sa moya o tepeletseng, hore ba tle ba bitswe dieike tsa ho loka, le lehlomela la Jehova le tlang ho mo tlotlisa.

Isaia 7:4

Ere ho yena: O itebele, empa o itulele, pelo ya hao e se ke ya fokodiswa ke dirumula tseo tse pedi tse kubellang; se tshabe bohale bo tjhesang ba Retsine, le ba Siria, le ba mora Remalia.

Isaia 9:4

Hobane joko eo se neng se e jara, le thupa e neng e otla mahetla a sona, le molamu wa mohlorisi wa sona, a di robile jwalokaha o entse mohla Midiane.

Mikea 5:5

Ke yena ya tla re batlela kgotso. Etlare ha Moassiria a kena naheng ya rona, mme a hata matlung a rona a borena, re tla bea badisa ba supileng le marena a batho a robileng meno e le mmedi ho mo thibela.