Genese 27:19 - Sesotho 1909/1961 (SO)

¹⁹ Jakobo a re ho ntatae: Ke nna Esau, letsibolo la hao; ke entse kamoo o ntaetseng kateng; tsoha he, o dule, o je se tsomilweng ke nna, moya wa hao o tle o ntlhohonolofatse.

BIBELE

¹⁹ Jakobo a re ho ntatae: “Ke nna Esau, matsibolo a hao, mme ke entse kamoo o ntaetseng kateng. Ako tsohe hle, o dule, o je nama ya tseo ke tswa di tsoma, o tle o ntlhohonolofatse.”

Genese 27:19 Referencias Cruzadas

Genese 25:25

wa pele a tswa a le mofubedu kahohle, a tshwana le kobo ya boya, mme ba mo rea lebitso la Esau.

Genese 25:28

Isaaka a rata Esau, kahobane a ne a eja dinama tse tsomilweng ke yena, mme Rebeka a rata Jakobo.

Genese 27:18

Yaba o ya ho ntatae, a re: Ntate! A re: Ke nna enwa; o mang, mora ka?

Genese 27:21

Isaaka a re ho Jakobo: Ako atamele, ke o phopholetse, mora wa ka, ke tle ke tsebe hore na o fela o le mora wa ka Esau, kapa ha o yena.

Genese 27:31

Le yena a lokisa nama e hlabosang, a e tlisa ho ntatae, a re ho ntatae: Ntate a ke a tsohe, a je se tsomilweng ke mora hae, hore moya wa hao o ntlhohonolofatse.

Genese 27:35

A re: Moenao o tlile ka mano, o inketse lehlohonolo la hao.

Genese 27:4

o nketsetse nama e hlabosang, eo ke e ratang, o ntlisetse yona, ke je, moya wa ka o tle o o hlohonolofatse, ke eso ho shwe.

Genese 27:45

mme etlare ha bohale ba moholwane wa hao bo o tlohela, mme a lebala seo o mo entseng sona, ke hona ke tla romela ho o lata. Nka timellwa jwang ke lona ba babedi ka tsatsi le le leng?

1 Marena 13:18

Yaba eo o re: Le nna ke moporofeta jwaloka wena; lengeloi le mpoleletse taelo ya Jehova, la re: Mo kgutlise, a ye ha hao, a je bohobe, a nwe metsi. Athe o ne a mo thetsa.

1 Marena 14:2

Jeroboame a re ho mosadi wa hae: Tloha, o ikgakanye, ho tle ho se ke ha tsejwa hobane o mosadi wa Jeroboame; o ye Silo; bona, moporofeta Akija o hona teng; ke yena ya neng a mpolelle hore ke tla ba morena wa setjhaba sena.

Isaia 28:15

Le itse: Re entse selekane le lefu, re na le kopano le nqalo ya bafu; leha kotlo e tlang jwaloka morwallo e ka tla kwano, e ke ke ya re etsa letho, hobane re entse leshano setshabelo sa rona, mme thetso ke tshirelo ya rona.