Genese 24:14 - Sesotho 1909/1961 (SO)

¹⁴ A e ke e re, morwetsana eo ke reng ho yena: Ako kokobetse nkgo ya hao, nke ke nwe, mme a re: Nwa, mme ke tla nosa le dikamele tsa hao, e ke e be yena eo o mo laoletseng Isaaka, mohlanka wa hao, mme ke tle ke tsebe kahoo hobane o etseditse mong a ka ka mohau.

BIBELE

¹⁴ Ho ke ho etsahale hore morwetsana eo ke tla re ho yena: ‘Ako role nkgo ya hao ke nwe,’ ebe o re ho nna: ‘Nwa, mme ke tla nwesa le dikamele tsa hao,’ e be yena eo o mo kgethetseng mohlanka wa hao Isaka. Ka hona ke tla tseba hore o hauhetse monga ka.”

Genese 24:14 Referencias Cruzadas

Genese 15:8

Mme a re: Morena Jehova, ke tla tseba kang hoba ke tla le rua?

Genese 24:13

Bona, ke eme pela sediba sa metsi, mme baradi ba batho ba motse ba ya tswela ho kga metsi.

Genese 24:15

Yare a eso ho qete ho bua, a bona Rebeka, ya tswetsweng ke Bethuele, mora wa Milka, mosadi wa Nakore, moena Abrahama, a etswa a jere nkgo ya hae lehetleng la hae.

Genese 24:18

A re: Nwa, monghadi. A phakisa a kokobeletsa nkgo ya hae letsohong la hae, a mo nosa.

Genese 24:19

Eitse hobane a qete ho mo nwesa, a re: Ke tla kgella le dikamele tsa hao, le tsona di ke di nwe, di kgolwe.

Genese 24:43

bona, ke eme pela sediba sa metsi, mme etlere morwetsana ya tswelang ho kga metsi, eo ke reng ho yena: Ako nnose metsinyana nkgong ya hao;

Genese 24:44

mme a re ho nna: Inwelle wena, mme le dikamele tsa hao ke tla di kgella; e ke e be yena mosadi eo Jehova a mo laoletseng mora wa mong a ka!

2 Samuele 20:9

Joabe a re ho Amasa: Ana o sa dutse ka kgotso na, ngwaneso? Joabe a ba a tshwara ditedu tsa Amasa ka letsoho le letona, a re o a mo aka;

2 Samuele 5:24

Etlere ha o utlwa modumo wa diqi dintlheng tsa difate tsa monokotswai, o ke o ba nehelle; hobane etlaba Jehova o se a o eteletse pele, ho ya qhala makgotla a Bafilesta.

Diproverbia 19:14

Ntlo le leruo ke lefa la bontata motho, empa mosadi ya kelello ke mpho ya Jehova.

Isaia 7:11

Ikopele pontsho ho Jehova, Modimo wa hao, o kope hore e hlahe tlase lebitleng, leha e le hodimo lehodimong.

Baroma 1:10

ke ntse ke kopa kamehla merapelong ya ka hore na, ha e ka ba ho rata ha Modimo, nke ke ka fuwa sebaka se setle sa ho ya ho lona.

Baahlodi 18:5

Ba re ho yena: Ako botse Modimo, re tle re tsebe ha ekaba leeto la rona le tla atleha na?

Baahlodi 6:17

Gideone a re ho yena: Ha ekaba ke bone mohau ho wena, ako nnee pontsho ya hobane ke wena ya buang le nna.

Baahlodi 6:37

bona, ke tla bea letlalo lena la nku le nang le boya seotlong; ha phoka e lala hodima letlalo feela, ha oma kahohle fatshe, ke tla tseba kahoo hobane o tla namolela Iseraele ka letsoho la ka, jwalokaha o boletse.

1 Samuele 20:7

Ha a ka re: Ke teng, e tla ba kgotso ho mohlanka wa hao; ha a halefa haholo, o tsebe hobane o hopotse bobe.