Eksoda 25:17 - Sesotho 1909/1961 (SO)

¹⁷ O tla etsa sekwahelo ka kgauta e hlwekileng; bolelele ba sona e be ditswe tse pedi tse nang le halofo, mme bophara ba sona e be setswe se nang le halofo.

BIBELE

¹⁷ “O tla etsa sekwahelo sa tefelo ya sebe ka kgauta e hlwekileng; bolelele ba sona e be disenthimethara tse lekgolo le leshome, bophara ba sona e be disenthimethara tse mashome a tsheletseng a metso e tsheletseng.

Eksoda 25:17 Referencias Cruzadas

1 Dikronike 28:11

Davida a nea Salomone, mora hae, setshwantsho sa mathule, le sa matlo, le sa dipolokelo, le sa dikamore tse kahodimo, le sa dikamore tse kahare, le sa ntlo ya serapello.

Eksoda 25:18

Hape, o etse dikerubime tse pedi tsa kgauta: o tle o di etse ka kgauta e teilweng, o di bee dintlheng tse pedi tsa sekwahelo.

Eksoda 26:34

O tla bea sekwahelo hodima areka ya bopaki, sehalaledisisong.

Eksoda 35:12

le areka le mejaro ya yona, le sekwahelo, le lesela le homilweng;

Eksoda 37:6

Ha etswa le sekwahelo sa kgauta e hlwekileng; bolelele ba sona ya eba tswe tse pedi tse nang le halofo, bophara ba sona ya eba setswe se nang le halofo.

Eksoda 40:20

Jwale, a nka bopaki, a bo kenya arekeng; a kenya mejaro arekeng; a ntoo bea sekwahelo hodima areka.

Ezekiele 28:14

O ne o le kerubime e dipheo tse otlolohileng, ya mosireletsi; ke ne ke o beile joalo, o ne o le thabeng e halalelang ya Modimo, o ne o tsamaya majweng a benyang.

Baroma 3:25

eo Modimo o mmeileng esale pele hore e be pheko ho ba dumelang mading a hae, o tle o bonahatse ho loka ha wona, kamoo Modimo o neng o lesitse dibe tsa pele kateng, mehleng ya boiphapanyo ba wona.

BaHebheru 4:16

Ka baka leo, a re atameleng ka tshepo terone ya mohau, hore re tle re bone mohau, mme re fumane lereko, re tle re thuswe nakong e loketseng.

BaHebheru 9:5

Kahodimo ho areka eo, ho ne ho le dikerubime tse kganyang, tse okametseng sekwahelo sa serapello. Empa jwale, hase sebaka sa ho bolela ntho tseo ka bonngwe.

1 Johanne 2:2

Ke yena e leng pheko ya dibe tsa rona; e seng ya tsa rona feela, empa e le le ya tsa lefatshe lohle.