Diproverbia 5:3 - Sesotho 1909/1961 (SO)

³ Hobane molomo wa mosadi wa seotswa o rothisa dinotshi, lehano la hae le boreledi jwaloka mafura.

BIBELE

³ Molomo wa mosadi wa sehlola o qhitsa dinotshi, leme la hae le borethe ho feta leokwana;

Diproverbia 5:3 Referencias Cruzadas

Dipesaleme 55:21

Puo tsa bona di bonolo jwaloka sereledi, empa pelo tsa bona di rata ntwa feela; mantswe a bona a fetisa ole ka monate, empa ke marumo a tsomotsweng.

Diproverbia 2:16

o tle o namolelwe mosading wa letekatsi, mosading wa letekatsi, mosading wa seotswa ya qekisang ka dipolelo tsa hae,

Diproverbia 22:14

Molomo wa basadi ba diraburabu ke lemena le tebileng; ya manyala ho Jehova o tla wela teng.

Diproverbia 5:20

Mora wa ka, o ka hapuwa jwang ke mosadi wa letekatsi, wa ikamanya jwang sefuba sa mosadi osele na?

Diproverbia 6:24

ho o phemisa mosadi wa seotswa le leleme le lekang la mosadi ya lelerang.

Diproverbia 7:21

A mo menamena ka dipuo tse ngata tse monate, a mo hlola ka molomo o qekisang.

Diproverbia 7:5

di tle di o fapose mosadi wa sehlola le sefebe se nyekang ka leleme la sona.

Moeklesia 7:26

Mme ka fihlela hoba mosadi eo pelo ya hae e kang matlowa le difi, eo matsoho a hae e leng ditlamo, o baba ho fetisa lefu. Ya molemo pela Modimo o tla mo phonyohela, empa moetsadibe o tla tshwaswa ke yena.

Sefela sa Salomone 4:11

Melomo ya hao, molebeletswa wa ka, e rotha dinotshi; dinotshi le lebese di katlasa leleme la hao; monko wa diaparo tsa hao eka monko wa Lebanone.