Diproverbia 11:3 - Sesotho 1909/1961 (SO)

³ Bokgabane ba ba lokileng bo tla ba tsamaisa; empa bokgopo ba ba babe bo tla ba timetsa.

BIBELE

³ Ba tshepahalang ba tataiswa ke botshepehi ba bona, ba sa tshepahaleng bona ba timela, ba timetswa ke ho se tshepahale ha bona.

Diproverbia 11:3 Referencias Cruzadas

Dipesaleme 25:21

Bokgabane le ho loka a di ke di ntiise, hobane ke o tshepile.

Dipesaleme 26:1

Nkahlolele, Jehova! hobane ke phela ka toka ya ka; ke itshepetse Jehova, ha ke sisinyehe.

Diproverbia 11:5

Ho loka ha motho ya lokileng ho tla mo hlekela tsela, empa e mobe o tla dihelwa ke bobe ba hae.

Diproverbia 13:6

Ho loka ho boloka ya lokileng tseleng tsa hae; empa bokgopo bo dihela moetsadibe.

Diproverbia 19:3

Bowatla ba motho bo mo kgelosa tsela, eba pelo ya hae e hlonamela Jehova!

Diproverbia 2:22

Empa ba babe ba tla kgaolwa hodima lefatshe, ba lonya ba fotholwe ho lona.

Diproverbia 21:7

Ho senya ha baetsadibe ho tla ba kuka, hobane ba hana ho etsa ho lokileng.

Diproverbia 22:12

Mahlo a Jehova a fadimehela tsebo, empa o fedisa ditaba tsa mothetsi.

Diproverbia 28:18

Ya tsamayang ho lokeng o tla bolokeha; empa ya kgopo, ya yang ka tsela tse pedi, o tla wela ho e nngwe.

Moeklesia 7:17

O se ke wa iketsa e mobe ka ho fetisisa, o se ke wa ipea lewatla; hobane ke ha o ne o tla shwelang, e eso ho be nako ya hao?

Isaia 1:28

Empa bahanyetsi le baetsadibe ba tla thuhwa hammoho, ba kwenehetseng Jehova ba ya timela.

Numere 31:8

Ba bolaya marena a Midiane; boEvi, le Rekeme, le Tsure, le Hure, le Reba, marena a mahlano a Midiane, le yena Balaame, mora Beore, ba mmolaya ka lerumo.

Johanne 7:17

Ekare ha motho a rata ho etsa thato ya hae, o tla tseba thuto hore na e tswa ho Modimo, kapa ke bua ke iqalla tsa ka.