Dipesaleme 41:3 - Sesotho 1909/1961 (SO)

³ Jehova o tla mo tshehetsa, ha a le diphateng tsa bolwetse; o lokisa malao a hae kaofela bohlokong ba hae.

BIBELE

³ Morena o tla mo sireletsa, a mo phedise hamonate lefatsheng; a ke ke a tlohella dira tsa hae ho etsa borata ka yena.

Dipesaleme 41:3 Referencias Cruzadas

2 Marena 1:16

A re ho yena: Jehova o re: Erekaha o rometse manqosa ho botsa Baale-Sebube, modimo wa Ekrone, jwaloka eka ha ho Modimo Iseraeleng, oo o ka botsang taba ho wona, ka baka leo, ha o ka ke wa theoha malaong ana o robetseng ho wona, empa o tla shwa ruri.

2 Marena 1:6

A re ho yena: Monna e mong o tlile, a re kgahlanyetsa, a re ho rona: Boelang ho morena ya le romileng, le re ho yena: Jehova o re: Na ke ho re, ha ho Modimo Iseraeleng, haele moo o rometse ho botsa Baale-Sebube modimo wa Ekrone na? Ka baka lena, o ke ke wa theoha malaong ao o robetseng ho wona, empa o tla shwa ruri.

Dipesaleme 73:26

Nama ya ka le pelo ya ka di ntse di fela; lefika la pelo ya ka le kabelo ya ka ke Modimo, ka ho sa yeng kae!

Deuteronoma 6:24

Jehova o re laetse ho etsa ka melao eo kaofela, re ntse re tshaba Jehova, Modimo wa rona, re tle re be le lehlohonolo kamehla, mme re bolokwe ke yena, jwaloka kajeno.