Diketso 9:3 - Sesotho 1909/1961 (SO)

³ A re a sa ya, a se a atametse Damaseka, a tshoha lesedi le tswang lehodimong le mo teela hare.

BIBELE

³ Ha a ntse a tsamaya, a se a le haufi le Damaseka, hanghang ha phatsima lesedi le tswang lehodimong, la mo teela hare.

Baasraak Sotho NT

³ Eitse ha a ntse a eta, a atamela Damaseka, mme hanghang lesedi le tswang lehodimong la mo teela hare.

Contemporary Southern Sotho Bible 2024

³ Eitse ha a ntse a eta, a atamela Damaseka, mme hanghang lesedi le tswang lehodimong la mo teela hare.

Diketso 9:3 Referencias Cruzadas

Dipesaleme 104:2

O ipopa ka lesedi jwaloka hola ke kobo, o menolla mahodimo jwaloka lesela la tente;

Diketso 22:6

Ka re ke ntse ke tsamaya, ke se ke atametse Damaseka, ka nako ya motshehare, hang ka teelwa hare ke lesedi le leholo, le tswang lehodimong.

Diketso 9:17

Yaba Ananiase o ya, a kena ka tlung, a mmea matsoho, a re: Saule, ngwaneso, Morena o nthomile, yena Jesu ya ipontshitseng ho wena tseleng eo o tlileng ka yona, hore o boele o bone, le hore o tlale Moya o Halalelang.

Diketso 9:27

Yaba Barnabase o mo nka, a mo isa ho baapostola, a ba phetela kamoo a boneng Morena tseleng kateng, a bileng a buile le yena, le kamoo a boletseng lebitso la Jesu ka matla motseng wa Damaseka kateng.

1 Bakorinthe 15:8

Mme kamorao ho bohle, a bonwa le ke nna ke leng jwaloka sefolotsana;

1 Bakorinthe 9:1

Ana ha ke a lokoloha na? Ha ke moapostola na? Ha ke a ka ka bona Morena wa rona Jesu Kreste na? Ha le mosebetsi wa ka Moreneng na?

1 Timothea 6:16

e leng yena a nnotshi ya nang le ho se shwe, ya ikahetseng leseding le sa atamelweng, eo ho seng le a mong ho batho ya kileng a mmona, eo ho seng ya ka mmonang, eo hlompho le matla a sa feleng e leng tsa hae. Amen!

Tshenolo 21:23

Motse ha o na ho boneswa ke letsatsi le kgwedi; hobane o boneswa ke kganya ya Modimo, mme Konyana ke lebone la wona.

Tshenolo 22:5

Bosiu ha bo sa tla hlola bo eba teng, mme ha ba sa hloka lesedi la lebone, leha e le la letsatsi; hobane Morena Modimo o tla ba bonesa, mme ba tla busa kamehla le mehla.