Diketso 10:4 - Sesotho 1909/1961 (SO)

⁴ Yena ha a le tadima, a tshoha, mme a re ho lona: Taba ke efe, Morena? La re ho yena: Merapelo ya hao le dithuso tsa hao di nyolohetse pela Modimo, di tle di hopolwe.

BIBELE

⁴ A le tadima, a tshoha, mme a re: “Keng, Morena?” La re ho yena: “Dithapelo le dithuso tsa hao ho mafutsana di amohelehile ho Modimo, mme o o hopotse.

Baasraak Sotho NT

⁴ Eitse ha a mo tadima, a tshoha, a re: Ke eng, Morena? A re ho yena: Merapelo ya hao le dithuso tsa hao di nyolohetse ho ba kgopotso pela Modimo.

Contemporary Southern Sotho Bible 2024

⁴ Eitse ha a mo tadima, a tshoha, a re: Ke eng, Morena? A re ho yena: Merapelo ya hao le dithuso tsa hao di nyolohetse ho ba kgopotso pela Modimo.

Diketso 10:4 Referencias Cruzadas

2 Dikronike 32:24

Tshiung tseo, Esekiase a kula, a batla a eshwa; a rapela Jehova, mme Jehova a bua le yena, mme a mo nea mohlolo.

2 Dikronike 6:33

o mamele, o le mahodimong, tulong tsa hao, mme o etse ka tsohle tseo motho eo wa moditjhaba a tla di kopa ho wena, hore ditjhaba tsohle tsa lefatshe di tle di tsebe lebitso la hao, mme di tshabe, jwalokaha setjhaba sa hao sa Iseraele se o tshaba; mme di tsebe hobane lebitso la hao le rapelwa hodima ntlo ena ke e hahileng.

Dipesaleme 141:2

Thapelo ya ka a e ke e nyolohele jwaloka dibano tse nkgang hamonate pela hao, le kemiso ya matsoho a ka e be jwaloka sehlabelo sa mantsiboya!

Dipesaleme 20:3

A ke a hopole dinyehelo tsa hao kaofela, a amohele ditjheso tsa hao! (Sela.)

Isaia 43:26

Nkgopotse, re tseke hammoho! Bolela, o tle o bonahale o le ya lokileng!

Isaia 45:19

Ha ke a ka ka bolela sephiring, leha e le nqalong e lefifi ya lefatshe, ha ke a ka ka re ho moloko wa Jakobo: Le mpatle feela. Nna, Jehova, ke bolela nnete, ke tsebisa se lokileng.

Daniele 10:11

A re ho nna: Daniele, monna ya ratwang, mamela ditaba tseo ke o bolellang tsona, o nne o eme maotong a hao; hobane jwale ke romilwe ho wena. Eitse hobane a bue jwalo le nna, ka ema ke ntse ke thothomela.

Levitike 2:2

O tla le isa ho baprista, bara ba Aarone; moprista o tla qotsa ho lona lefi la phofo le tshetsweng ka ole ka seatla, le dibano kaofela, mme moprista o tla di tjhesa aletareng, e be kgopotso aletareng, e le sehlabelo se tjhesitsweng ka mollo, se monko o monate ho Jehova.

Malakia 3:16

Yaba ba tshabang Jehova ba buisana hammoho, e mong le e mong le ngwanabo, mme Jehova a theetsa tsebe, a mamela; buka ya kgopotso ya ngolwa pela hae, ya ngollwa ba tshabang Jehova le ba hlokomelang lebitso la hae.

Mattheu 26:13

Kannete ke re ho lona: Hohle lefatsheng, moo Evangeli ena e tla bolelwa teng, se entsweng ke yena se tla bolelwa, a tle a hopolwe ka sona.

Luka 1:29

Maria, eitse ha a le bona, a tshoha ke polelo ya lona, mme a nahana hore tumediso ya lona e reng?

Luka 24:5

Eitse basadi ha ba sa tshohile, ba kobotetse fatshe, ba re ho bona: Ya phelang na le mmatlelang hara bafu?

Diketso 10:31

a re: Kornele, thapelo ya hao e utlwilwe, mme dithuso tsa hao di ile tsa hopolwa ke Modimo.

Diketso 14:9

Yare ha a ntse a mametse Pauluse ha a bua, Pauluse a mo sheba, mme ha a bona hobane o na le tumelo ya ho fodiswa,

Diketso 22:10

Ka re: Morena, ke tla etsang na? Morena a re ho nna: Ema, o ye Damaseka; ke moo o tla bolellwa tsohle tseo o tshwanetseng ho di etsa.

Diketso 3:4

Empa Petrose a mo hlaba ka mahlo, a ena le Johanne, a re: Re tadime.

BaFilipi 4:18

Ke fela ke amohetse tsohle, mme ke atetswe haholo; ho tletse ho nna, ka ho nka ho Epafrodite tse tswang ho lona, tseo e leng monkgo o monate le sehlabelo se amohetsweng ke Modimo, se o kgahlisang.

BaFilipi 4:6

Le se ke la belaella letho; empa nthong tsohle seo le se batlang, le ke le se tsebise Modimo ka thapelo le ka kopo e nang le teboho.

BaHebheru 13:16

Le se ke la lebala ho etsa batho hantle, le ho fana; hobane Modimo o kgahliswa ke mahlabelo a jwalo.

BaHebheru 6:10

Hobane Modimo ha o kgopo; o ke ke wa lebala mesebetsi ya lona, le kamoo lerato la lona le sebeditseng kateng ka baka la lebitso la wona, ha le babaletse bahalaledi, le jwale le sa ba baballa.

Tshenolo 8:4

Mosi wa dibano o tswang letsohong la lengeloi wa nyolohela ho Modimo, o ena le merapelo ya bahalaledi.

1 Samuele 3:10

Jwale Jehova a tla, a ema, a bitsa jwaloka hapele: Samuele! Samuele! Samuele a re: Bua, hobane mohlanka wa hao o mametse.