Diketso 1:12 - Sesotho 1909/1961 (SO)

¹² Yaba ba tloha thabeng eo, e bitswang ya Mehlwaare, bohaufi ba yona le Jerusalema bo le kale ka leeto la Sabatha, mme ba kgutlela Jerusalema.

BIBELE

¹² Yaba ba theoha thabeng e bitswang Thaba ya Mehlwaare, e haufi le Jerusalema, ba kgutlela Jerusalema, e leng leeto le lekanang le la letsatsi la Sabatha.

Baasraak Sotho NT

¹² Jwale ba kgutlela Jerusalema ba tloha thabeng e bitswang Mehlwaare, e bohole ba leeto la Sabatha ho tloha Jerusalema.

Contemporary Southern Sotho Bible 2024

¹² Jwale ba kgutlela Jerusalema ba tloha thabeng e bitswang Mehlwaare, e bohole ba leeto la Sabatha ho tloha Jerusalema.

Diketso 1:12 Referencias Cruzadas

Sakaria 14:4

Maoto a hae a tla ema, ka tsatsi leo, hodima thaba ya Mehlwaare e pela Jerusalema ka nqa botjhabela; mme thaba ya Mehlwaare e tla petsoha, ho qala ka bohare ho isa nqa botjhabela le nqa bophirimela, ho be ho hlahe kgohlo e kgolohadi; karolo e nngwe ya thaba e tla suthela nqa leboya, e nngwe e suthele nqa borwa.

Mattheu 21:1

Yare ha ba atametse Jerusalema, ba se ba fihlile Bethefage, thabeng ya Mehlwaare, Jesu a roma barutuwa ba le babedi;

Mattheu 24:20

Le rapele hore paleho ya lona e se hlahe mariha, leha e le ka Sabatha.

Mattheu 24:3

Eitse hobane a dule thabeng ya Mehlwaare, barutuwa ba hae ba tla ho yena ba nnotshi, ba re ho yena: Re bolelle nako taba tseo di tla etsahala ka yona, le ntho eo e tla ba pontsho ya ho tla ha hao, le ya ho fela ha lefatshe.

Mattheu 26:30

Eitse hobane ba bine dithoko, ba ya thabeng ya Mehlwaare.

Luka 19:29

Eitse ha a atametse Bethefage le Bethania, pela thaba e bitswang ya Mehlwaare, a roma barutuwa ba hae ba le babedi,

Luka 21:37

Jesu o ne a ruta tempeleng motshehare; bosiu o ne a etswa, a ya dula thabeng e bitswang ya Mehlwaare.

Luka 24:50

A ba isa kantle, ho ya fihla Bethania, a emisa matsoho a hae, a ba hlohonolofatsa.

Luka 24:52

Haele bona, ba mo kgumamela, ba ntoo kgutlela Jerusalema ka thabo e kgolo.

Johanne 11:18

Mme Bethania o ne a le haufi le Jerusalema, sebaka e le sa distadia tse ka bang leshome le metso e mehlano.