Bagalata 6:3 - Sesotho 1909/1961 (SO)

³ Hobane ekare ha e mong a itekanya hore ke letho, athe hase eng, o ithetsa e le yena.

BIBELE

³ Ha motho a ikgopola hore ke letho, empa e se letho, o a ithetsa.

Baasraak Sotho NT

³ Hobane ha motho a itekanya hore ke letho, athe hase letho, o a ithetsa.

Contemporary Southern Sotho Bible 2024

³ Hobane ha motho a itekanya hore ke letho, athe hase letho, o a ithetsa.

Bagalata 6:3 Referencias Cruzadas

Diproverbia 25:14

Ya ithorisang ka ho fana ha leshano, o jwaloka maru le moya o fokang, pula e le siyo.

Diproverbia 26:12

Ana o bone motho ya iponang bohlale? Lehlanya le tshepisa ho fetisa eo.

Luka 18:11

Mofarisi a ema, mme a iketsetsa thapelo, a re: Modimo, ke a o leboha ha ke se jwaloka batho ba bang, e leng mashodu, le bakgopo, le bafebi, leha e le jwaloka molekgetho enwa.

Diketso 5:36

Hobane kgajana ho ile ha hlaha Theudase, a ipolela hore ke motho e moholo; a latelwa ke batho ba batlileng ho ba makgolo a mane; a mpa a bolawa; mme bohle ba kgotsweng ke yena ba fatakanngwa, ba fela.

Baroma 12:16

Kgomarelanang hammoho ka pelo e le nngwe; le se ke la lakatsa tse phahameng, le mpe le ipapise le tse nyenyane. Le se ke la ipona bohlale.

Baroma 12:3

Hobane ka mohau oo ke o neilweng, ke bolella motho e mong le e mong hara lona, hore a se ke a itekanya boholo bo tlodisang moo a tshwanetseng ho lekanya teng; a mpe a ikgopole ka se mo lekaneng, e mong le e mong ka tekanyo ya tumelo eo Modimo o mo abetseng yona.

1 Bakorinthe 13:2

Mme leha nka ba le neo ya boporofeta, kapa leha nka tseba diphiri tsohle le bohlale bohle, leha nka ba le tumelo yohle, ka ba ka falatsa le dithaba, ha ke se na lerato, ha ke letho.

1 Bakorinthe 3:18

Motho a se ke a ithetsa; ekare ha e mong hara lona a itekanya hoba o bohlale lefatsheng lena, a ke a fetohe lehlanya, hore a tle a fetohe ya bohlale.

1 Bakorinthe 8:2

Ekare ha motho a lekanya hoba o tseba ntho, ha a eso ho tsebe letho kamoo a tshwanetseng ho tseba kateng.

2 Bakorinthe 12:11

Ha ke ithorisitse, ke fetohile lewatla, ke lona le ntshusumeleditseng teng; hobane ke ne ke tshwanelwa ke ho emelwa ke lona, hobane ha ke a ka ka fetiswa ka letho, leha le le leng, ke baapostola ba fetisang ka boholo, leha ke se eng.

2 Bakorinthe 3:5

E seng hore re ka tseba ho lekanya letho re nnotshi, jwaloka hoja le itswela ho rona; matla a rona a mpa a tswa ho Modimo;

Bagalata 2:6

Haele ba lekanngwang hoba ke bao e leng dihlooho — leha e kile ya eba ba jwang le ba jwang mohla monene, ho nna hase letho, etswe Modimo o sa ye ka tshobotsi ya motho — ke re, ba lekanngwang hoba ke ba baholo, ha ba ka ba nkekeletsa ka letho.

Bagalata 2:9

Jakobo, le Kefase, le Johanne, eitse ha ba lemoha mohau oo ke o neilweng, ba re nea matsoho a bolekane, nna le Barnabase, hore rona re ikele ho baditjhaba, mme bona ba ye ho ba lebollo.

2 Timothea 3:13

Empa batho ba lonya, ba thetsang, ba ya nne ba tswele pele tshenyong, ba ntse ba thetsa, ba ntse ba thetswa.

Jakobo 1:22

Le be baetsi ba lentswe, e seng bautlwi feela ba ithetsang.

Jakobo 1:26

Ekare ha e mong hara lona a lekanya hoba o na le borapedi, mme a sa tlame leleme la hae, a mpa a ithetsa pelo, borapedi ba motho eo ke ba lefeela.

1 Johanne 1:8

Ha re re, ha re na sebe, re a ithetsa, mme nnete ha e yo ho rona.