Baahlodi 2:5 - Sesotho 1909/1961 (SO)

⁵ Kahoo, ba rea nqalo eo lebitso la Bokime (balli), mme ba hlabela Jehova teng.

BIBELE

⁵ Sebaka seo ba se rea lebitso la Bokime, ba etsetsa Morena mahlabelo hona moo.

Baahlodi 2:5 Referencias Cruzadas

Genese 35:8

Debora, mofepi wa Rebeka, a shwa, mme a patwa katlase ho Bethele, tlasa sefate sa eike, mme a se rea lebitso la Allone-Bakuthe (eike ya dillo).

Joshua 7:26

Ba etsa sefika se seholo sa majwe hodima hae; se sa le teng le kajeno. Yaba Jehova o bohla bohaleng ba ho halefa ha hae. Ka baka lena, bitso la teng la bitswa sekgutlo sa Akore (pherekanyo) ho fihlela kajeno.

Baahlodi 13:19

Yaba Manowa o nka potsanyane le nyehelo, a di beela Jehova lefikeng. Lengeloi la etsa ho makatsang, Manowa le mosadi wa hae ba ntse ba tadimile.

Baahlodi 2:1

Yaba lengeloi la Jehova le tloha Gilgale, la nyolohela Bokime, la re: Ke ne ke itse, ke tla le nyolla Egepeta, ke tle ke le tlise lefatsheng leo ke anneng hore ke tla le nea bontata lona; mme ke ne ke itse: Ha nka ke ka roba selekane sa ka seo ke se entseng le lona le ka mohla o le mong.

Baahlodi 2:4

Lengeloi la Jehova la re le sa bolella bana bohle ba Iseraele taba tseo, setjhaba sa bokolla, sa lla.

Baahlodi 2:6

Haele Joshua, o ne a kgutlisitse setjaba, mme bana ba Iseraele ba ne ba ile e mong le e mong lefeng la hae, ho rua lefatshe.

Baahlodi 6:24

Ebile Gideone o hahela Jehova aletare hona teng, a e rea lebitso la Jehova-Shalome (Jehova ke kgotso). E sa le teng Ofra wa Baabiesere ho fihlela kajeno.

1 Samuele 7:9

Yaba Samuele o nka konyana e anyang, a e hlabela Jehova ka mokgwa wa setjheso se tjheswang kaofela. Samuele a ntoo howeletsa ho Jehova bakeng sa Iseraele, mme Jehova a mo utlwa.