Baahlodi 15:2 - Sesotho 1909/1961 (SO)

² Hape, ntatae a re: Ke lekantse hobane o mo hloile ruri, ke bile ke mo neile moetsana wa hao. Ha ke re, moenae o mo feta ka botle na? A e be yena mosadi wa hao, bakeng sa eo.

BIBELE

² Eo ntata mosadi a re ho yena: “Ke ile ka hopola hore ruri o mo hloile; ka baka leo, ke ile ka mo nea molekane wa hao. Na moena eo wa mosadi wa hao ha a mo fete ka botle? Mpe o nke yena bakeng sa enwa, ke a o kopa.”

Baahlodi 15:2 Referencias Cruzadas

Genese 38:14

Yaba o hlobola diaparo tsa hae tsa bohlolohadi, a ikapesa ka lesira, a ipopa, a ye dula kgorong ya Enaime, e tseleng ya Thimna; hobane o ne a bona hoba Shela o hodile, a mpa a sa mo newe hore e be mosadi wa hae.

Diketso 26:9

Haele nna, efela ke ne ke lekantse hore ke tshwanetse ho etsa ho hongata ho lwantsha lebitso la Jesu wa Nasaretha ka hona.

Baahlodi 14:16

Mosadi wa Samsone a nna a lla pela hae, a re: O fela o ntlhoile, ha o nthate hle; o beetse bana ba setjhaba sa heso selotho, mme ha o a ka wa ntlhalosetsa sona. A re ho yena: Bona, ha esita ntate le mme ke sa ka ka ba hlalosetsa sona, nka o hlalosetsa sona ka mokgwa o jwang na?

Baahlodi 14:20

Empa mosadi wa Samsone a newa molekane wa hae, eo a neng a mo entse moetsana wa hae.

Baahlodi 15:3

Samsone a re ho bona: Kajeno, ke tla hloka molato ho Bafilesta, leha nka ba etsa hampe.