Baahlodi 13:2 - Sesotho 1909/1961 (SO)

² Monna o ne a le teng Tsorea, wa leloko la Dane, lebitso la hae e le Manowa; mosadi wa hae e ne e le nyopa, a sa tswale bana.

BIBELE

² Ho ne ho ena le monna ya bitswang Manowa, ya neng a ahile Sora. E ne e le wa morabe wa Dane. Mosadi wa hae e ne e le nyopa.

Baahlodi 13:2 Referencias Cruzadas

Genese 11:30

Empa Sarai e ne e le nyopa, a se na ngwana.

Genese 16:1

Sarai, mohatsa Abrame, o ne a sa mo tswalle bana, empa o ne a na le lekgabunyane le tswang Egepeta, le bitswang Agare.

Genese 25:21

Isaaka a rapela Jehova bakeng sa Rebeka, mosadi wa hae, hobane e ne e le nyopa; Jehova a utlwa thapelo ya hae, mme Rebeka, mosadi wa hae, a emola.

Genese 49:16

Dane o tla ikahlolela setjhaba sa hae jwaloka o mong wa mefuta ya Iseraele.

1 Dikronike 2:53

Masika a Kiryathe-Jearime ke Bajethre, Baputhe, Bashumathe, le Bamishrae; ho bona ho tswile Batsoreathe le Baeshtaole.

Luka 1:7

Empa ba ne ba se na ngwana, kahobane Elisabetha e ne e le nyopa, hape ba ne ba se ba hodile ba babedi.

Joshua 15:33

Lehwatateng, ke Esthaole, Tsorea, Ashna,

Joshua 19:41

Moedi wa lefa la bona ke Tsorea, le Eshthaole, le Ire-Shemeshe,

Baahlodi 2:1

Yaba lengeloi la Jehova le tloha Gilgale, la nyolohela Bokime, la re: Ke ne ke itse, ke tla le nyolla Egepeta, ke tle ke le tlise lefatsheng leo ke anneng hore ke tla le nea bontata lona; mme ke ne ke itse: Ha nka ke ka roba selekane sa ka seo ke se entseng le lona le ka mohla o le mong.