2 Samuele 23:22 - Sesotho 1909/1961 (SO)

²² Tseo tsa etswa ke Benaia, mora Jehojada; a iketsetsa lebitso hara bahale bao ba bararo.

BIBELE

²² Tsena ke tsona diketso tsa Benaya, mora wa Jehoyada, tse ileng tsa mo tumisa hara ba mashome a mararo.

2 Samuele 23:22 Referencias Cruzadas

2 Samuele 20:7

Ha ho le jwalo, banna ba Joabe ba ya le yena, hammoho le Bakerethe le Bapelethe, le bahale bohle, ba tloha Jerusalema ho phallela Sheba, mora Bikri.

2 Samuele 23:20

E mong ke Benaia, mora Jehojada, mora mohale e mong wa Kabtseele; a ba moholo ka diketso tsa hae. A bolaya tau tse pedi tse matla tsa Moabe; a boela a theoha, a bolaya tau e nngwe lemeneng, mohla lehlwa le kgethehang.

2 Samuele 23:21

A bolaya le monna wa Moegepeta, ya sebopeho se tshabehang; leha Moegepeta a ne a tshwere lerumo letsohong la hae, yena Benaia a theohela ho yena ka molamu, a rutla lerumo letsohong la Moegepeta, a ba a mmolaya ka lona lerumo leo la hae.

2 Samuele 23:23

Ho ba mashome a mararo, ya eba yena ya roriswang, a mpa a se ke a fihla ho ba bararo ba pele. Davida a mmea monna wa lekgotla la hae.

2 Samuele 8:18

Benaia, mora Jehojada, e ne e le molaodi wa Bakerethe le Bapelethe; bana ba Davida bona e ne e le matona a morena.