2 Samuele 12:15 - Sesotho 1909/1961 (SO)

¹⁵ Yaba Nathane o boela hae. Jehova a otla ngwana ya tswaletsweng Davida ke mosadi wa Uria, a kula haholo.

BIBELE

¹⁵ Yaba Nathane o ikela tlung ya hae. Morena a otla ngwana eo mosadi wa Uriya a ileng a mo tswalla Davida. Ngwana eo a kula haholo.

2 Samuele 12:15 Referencias Cruzadas

2 Samuele 12:14

Leha ho le jwalo, ka baka la hobane o nyefodisitse dira tsa Jehova ka taba eo, ngwana ya tswaletsweng wena o tla shwa ruri.

2 Samuele 12:16

Davida a rapella ngwana ho Modimo; Davida a itima le dijo; mme ha a kene tlung ya hae, a sekama fatshe le bosiu bohle.

2 Marena 15:5

Empa Jehova a otla morena, ya eba molepera ho isa ho shweng ha hae, a dutse tlung e kathoko. Mme Jothame, mora morena, a bewa modisa wa ntlo ya morena, a ahlolela setjhaba sa lefatshe.

2 Dikronike 13:20

Matsatsing a Abija, Jeroboame ha a ka a hlola a ipha matla, Jehova a ba a mo otla, a shwa.

Dipesaleme 104:29

Ha o pata sefahleho sa hao, di tsielehe; ha o di amoha phefumoloho, di fele, mme di kgutlele leroleng.

Diketso 12:23

Empa lengeloi la Morena la phakisa la mo otla, kahobane ha a ka a busetsa letlotlo ho Modimo: a jewa ke diboko, a ba a shwa.

Deuteronoma 32:39

Tadimang jwale hobane ke nna, e, ke nna feela, mme ha ho modimo o mong, haese nna; ke a bolaya, mme ke a phedisa; ke etsa leqeba, mme ke a le fodisa; ha ho motho ya ka o namolelang letsohong la ka.

1 Samuele 25:38

Eitse hobane ho fete tshiu tse leshome, Jehova o otla Nabale, a shwa.

1 Samuele 26:10

Davida a eketsa, a re: Ka Jehova ya utlwang, ke yena Jehova ya tla mmolaya; kapa ho tla tjhaba tsatsi la hae la ho shwa, kapa o tla ya ntweng, a timele teng.