2 Marena 2:4 - Sesotho 1909/1961 (SO)

⁴ Elia a re ho Elisha: Ako sale mona, hobane Jehova o nthomile Jeriko. Yena a re: Ka Jehova ya utlwang, le ka moya wa hao o utlwang, nke ke ka o tlohela. Mme ba ya Jeriko.

BIBELE

⁴ Elia a re ho Elisha: “Elisha, sala mona, ke a o rapela, hobane Morena o nthomile Jeriko.” Empa Elisha a re: “Ke hlapanya ka Morena ya phelang, le ka wena, hore nke ke ka kgaohana le wena.” Yaba ba ya Jeriko.

2 Marena 2:4 Referencias Cruzadas

1 Marena 16:34

Mehleng ya hae, Hiele wa Bethele a haha Jeriko; a o thea ka ho senyehelwa ke Abirame, mora hae e moholo, a tiisa dikgoro tsa wona ka ho senyehelwa ke Segube, mora hae e monyenyane, ha eba jwalokaha Jehova a ne a boletse ka Joshua, mora Nune.

2 Marena 2:2

Elia a re ho Elisha: Ako sale mona, hobane Jehova o nthomile mane Bethele. Empa Elisha a re: Ka Jehova ya utlwang, le ka moya wa hao o utlwang, nke ke ka o tlohela. Ba theohela Bethele.

2 Marena 4:30

Mma ngwana a re: Ka Jehova ya utlwang le ka moya wa hao o utlwang, nke ke ka o siya. Yaba o ema, a mo sala morao.

Luka 19:1

Jesu a kena Jeriko, a pholletsa hara motse.

Diketso 11:23

Eitse ha a fihla, mme a bona mohau wa Modimo, a thaba, mme a ba kgothatsa kaofela ho tiisetsa ho Morena ka pelo e pheheletseng.

Diketso 2:42

Ba ne ba tiisetsa thutong ya baapostola, le kopanong ya boena, le ho ngwathweng ha bohobe, le merapelong.

Joshua 6:1

Motse wa Jeriko o ne o kwetswe, o haheleditswe ke ho tshaba bana ba Iseraele; ho ne ho se motho ya tswang, leha e le ya kenang.

Joshua 6:26

Mohlang oo, Joshua a hlapanya, a re: Ho rohakwe pela Jehova motho ya tla tsosa le ho haha motse ona wa Jeriko; o tla o thea ka ho senyehelwa ke mora hae wa letsibolo, o tla tiisa dikgoro tsa wona ka ho senyehelwa ke mora hae wa ho fela.

Ruthe 1:16

Ruthe a re: O se ke wa mphehella hore ke o siye, ke tlohele ho ya le wena; hobane ke tla ya moo o yang, ke dule moo o dulang; tjhaba sa hao ke tjhaba sa ka, mme Modimo wa hao ke Modimo wa ka.

1 Samuele 1:26

Anna a re: Monghadi, ka moya wa hao o phelang, monga ka, ke nna mosadi yane, ya na beng a eme hona mona pela hao, a rapela Jehova.