2 Bakorinthe 9:15 - Sesotho 1909/1961 (SO)

¹⁵ Ho bokwe Modimo ka neo ya wona e se nang ho bolelwa.

BIBELE

¹⁵ A re leboheng Modimo ka mpho ya hae e ke keng ya lekanngwa!

Baasraak Sotho NT

¹⁵ A ho lebohuwe Modimo ka baka la neo ya hae e ke keng ya bolelwa.

Contemporary Southern Sotho Bible 2024

¹⁵ A ho lebohuwe Modimo ka baka la neo ya hae e ke keng ya bolelwa.

2 Bakorinthe 9:15 Referencias Cruzadas

1 Dikronike 16:35

Ereng: Re lopolle, Modimo wa topollo ya rona, o re bokelle hammoho, o re ntshe hara ditjhaba, re tle re binele lebitso la hao le halalelang, mme re ithorise ka ho o roka.

1 Dikronike 16:8

Rorisang Jehova, le rapele lebitso la hae; tsebisang hara ditjhaba diketso tsa hae tse phahameng.

Dipesaleme 30:12

Wa ba wa fetola dikgapa tsa ka nyakallo, wa lokolla lesela la ka le mahwashe, wa ntlama ka senyepa sa thabo, pelo ya ka e tle e o binele, e se ke ya kgutsa. Jehova, Modimo wa ka, ke rata ho o rorisa ka ho sa feleng.

Dipesaleme 30:4

Binelang Jehova, lona bakgethwa ba hae, le rorise lebitso la hae le halalelang.

Dipesaleme 92:1

Ho monate ho roka Jehova, le ho binela lebitso la hao, Mookamedi ya phahameng!

Isaia 49:6

O re: Ke ntho e nyenyane hore o be mohlanka wa ka, ho tsosa meloko ya Jakobo, le ho kgutlisetsa masala a setseng a Iseraele. Ke bile ke o beile lesedi la ditjhaba, o tle o be poloko ya ka ho isa pheletsong ya lefatshe.

Isaia 9:6

Hobane re tswaletswe ngwana, re neilwe mora; borena bo beilwe lehetleng la hae, mme o tla bitswa Moeletsi ya makatsang, Modimo o matla, Rabosafeleng, Morena wa kgotso;

Luka 2:14

Kganya e be ho Modimo mahodimong a hodimo, kgotso e be lefatsheng ho batho bao o kgahlwang ke bona.

Luka 2:38

Le yena a hlaha nakong yona eo, a boka Morena, mme a bolela tsa Jesu ho bohle ba lebeletseng topollo Jerusalema.

Johanne 1:16

Mme re amohetse bohle mohau hodima mohau, ho tletseng ho yena.

Johanne 3:16

Hobane Modimo o ratile lefatshe hakalo, o bile wa le nea Mora wa wona ya tswetsweng a nnotshi; hore e mong le e mong ya dumelang ho yena, a se ke a timela, a mpe a be le bophelo bo sa feleng.

Baroma 5:15

Empa neo ya mohau ha e dule jwaloka tlolo; kahobane ekare ha ba bangata ba shwele ka tlolo ya motho a le mong, mohau wa Modimo le neo e tswang mohaung wa motho a le mong, e leng Jesu Kreste, di atetse ba bangata ka ho fetisisa.

Baroma 6:23

Hobane moputso wa sebe ke lefu; empa neo ya mohau ya Modimo ke bophelo bo sa feleng, ka Jesu Kreste, Morena wa rona.

Baroma 8:32

Wona o sa kang wa qenehela Mora wa wona wa sebele, wa mpa wa mo tella rona bohle, na o ke ke wa re sitsa ka dintho tsohle le yena na?

1 Bakorinthe 15:57

A re leboheng Modimo o re neileng ho hlola ka Morena wa rona Jesu Kreste!

2 Bakorinthe 2:14

Ho roriswe Modimo o re neang ho hlola kamehla ka Kreste, o hasetsang hohle ka rona monkgo wa tsebo ya wona!

2 Bakorinthe 9:11

le tle le ene kahohle, mme le tsebe ho fana ruri, e leng ntho e tla etswa teboho ho Modimo ke rona.

2 Bakorinthe 9:14

Ke moo ba tla le rapella, mme ba tiye ho le rata, ka baka la mohau wa Modimo o le atetseng.

Baefese 5:20

Le lebohe kamehla Modimo, Ntata rona, ka baka la ntho tsohle, ka lebitso la Jesu Kreste, Morena wa rona.

Jakobo 1:17

Mpho e nngwe le e nngwe e ntle, leha e le neo e nngwe le e nngwe e phethehileng, e tswa hodimo, e theoha ho Ntata masedi, eo ho seng tikatiko ho yena, leha e le seriti sa ho fetoha.

Tshenolo 4:9

Mme dibopuwa tse phelang, enere ha di isa kganya, le hlompho, le teboho ho ya dutseng teroneng, ya phelang kamehla le mehla,