1 Marena 10:1 - Sesotho 1909/1961 (SO)

¹ Mofumahadi wa Sheba a re a sa utlwa botumo ba Salomone bo hlahileng ka lebitso la Jehova, a tla ho mo leka ka dilotho.

BIBELE

¹ Ha mofumahadi wa Sheba a utlwa kamoo Morena a tumisitseng Solomone kateng, a mo etela, ho ya mo nonya maikutlo ka dipotso tse thata.

1 Marena 10:1 Referencias Cruzadas

Genese 10:28

le Obale, le Abimaele, le Seba;

Genese 10:7

Bara ba Kushe ke Saba, le Havila, le Sabta, le Raema, le Sabteka. Bara ba Raema ke Seba, le Dedane.

Genese 25:3

Jokshane a tswala Seba le Dedane; bara ba Dedane ya eba Baashurime, le Baletushime, le Baleummime.

1 Marena 10:24

Ba lefatshe lohle ba ne ba etela Salomone ho tla utlwa bohlale ba hae, boo Modimo o bo kentseng pelong ya hae.

1 Marena 4:31

A feta batho bohle ka bohlale, a feta le Ethane wa Esra, le Hemane, le Kalkole, le Darda, bara ba Mahole; mme lebitso la hae la tuma ditjhabeng tsohle tse kamathoko.

1 Marena 4:34

Ha tla ba matjhaba wohle, ho tla utlwa bohlale ba Salomone, ba romilwe ke marena wohle a lefatshe, a neng a utlwe tsa bohlale ba hae.

1 Marena 5:14

A romela kete tse leshome Lebanone ka kgwedi e nngwe le e nngwe, a nna a ba fapanya, hore ba dule kgwedi e nngwe Lebanone, kgwedi tse pedi ba di dule hae. Adonirame a bewa mohlahlobi wa ba kgethilweng.

Jobo 28:28

Wa ntoo re ho motho: Bona, ho tshaba Morena ke bona bohlale; ho sesefa bobe ke yona kutlwisiso.

Jobo 6:19

Makaba a Thema a a batla, dihlopha tsa baeti ba Seba di bea tshepo ya tsona teng.

Dipesaleme 49:4

Ke sekehela polelo tsa hlalefo ditsebe tsa ka, ke lotha selotho sa ka, ke ntse ke letsa harepa.

Dipesaleme 72:10

marena a Tarshishe le a dihlekehleke a tla ntsha dineo, marena a Seba le a Saba a tlise dinyehelo.

Dipesaleme 72:15

Ba tla nne ba phele, ba mo nee dikgauta tsa Seba, ba mo rapelle ka dinako tsohle, ba nne ba mmoke kamehla.

Isaia 60:6

O tla kwahelwa ke bongata ba dikamele le ba dipetsana tsa tsona tsa Midiane le tsa Efa; bohle ba Seba ba tla tla ba belesitse kgauta le dibano, mme ba tla tumisa dithoko tsa Jehova.

Jeremia 6:20

Dibano tse tswang Sheba e ka ba eng ho nna, le monko o monate la naha e hole nka le reng? Ditjheso tsa lona ha di nkgahlise, mahlabelo a lona ha a nnatefele.

Ezekiele 16:14

Lebitso la hao la nna la tuma hara ditjhaba ka baka la botle ba hao, hobane bo ne bo phethehile ka bokgabane ba ka boo ke neng ke o apesitse ka jona: ho rialo Morena Jehova.

Ezekiele 38:13

Sheba, le Dedane, le bahwebi ba Tarshishe, le ditawana tsohle tsa teng, ba tla re ho wena: Hleka o tlile ho hapa na? Hleka o bokeletse bongata boo ho tlatlapa thepa, hore o tle o be o ye le silefera le kgauta, o nke le mehlape le mesebetsi, ho hapa thepa e kgolo na?

Mattheu 12:42

Mofumahadi wa Borwa o tla ema kahlolong le moloko wona, a o tswe; hobane o ne a tlohe pheletsong tsa lefatshe, ho tla mamela bohlale ba Salomone; mme bonang, e moholo ho Salomone o teng mona.

Mattheu 13:11

A ba araba, a re: Ke hobane lona le neilwe ho tseba diphiri tsa mmuso wa mahodimo, empa bona ha ba ka ba newa.

Mattheu 13:35

hore ho etsahale polelo ya moporofeta, ya itseng: Ke tla ahlamisa molomo wa ka ka ditshwantsho, ke pepese ditaba tse neng di patilwe haesale lefatshe le thewa.

Mareka 4:34

O ne a se ke a ba bolella letho haese ka ditshwantsho; ere ha a le kathoko, a qaqisetse barutuwa ba hae ditaba tsohle.

Luka 11:31

Mofumahadi wa Borwa o tla ema kahlolong le banna ba moloko wona, mme o tla ba tswa; hobane o ne a tlohe pheletsong tsa lefatshe ho tla mamela bohlale ba Salomone, mme bonang, e moholo ho Salomone o teng mona.

Johanne 17:3

Mme bophelo bo sa feleng, ke hore ba o tsebe, wena Modimo o nnotshi wa nnete, le Jesu Kreste eo o mo romileng.