1 Marena 1:53 - Sesotho 1909/1961 (SO)

⁵³ Ebile morena Salomone o romela ho mo theola aletareng; Adonija a tla, a inama pela morena Salomone, mme Salomone a mmolella, a re: Ikele ha hao.

BIBELE

⁵³ Kgosi Solomone a romela maqosa ho ya mo tlosa aletareng. Adoniya a fihla a obamela kgosi Solomone. Yaba Solomone o re ho yena: “Eya ha hao!”

1 Marena 1:53 Referencias Cruzadas

2 Samuele 1:2

Ka la boraro, ha tshoha ho fihla monna ya tswang ntweng, ho Saule, a hahotse diaparo tsa hae, a ithuntsheditse ka mobu hloohong. Eitse ha a fihla ho Davida, a itihela fatshe, a kgumama.

2 Samuele 14:24

Morena a mpa a re: A ke a ye tlung ya hae, a se ke a bona sefahleho sa ka. Kahoo, Absalome a ya tlung ya hae, a se ke a bona sefahleho sa morena.

2 Samuele 14:28

Absalome a dula lemo tse pedi Jerusalema, a ntse a sa bone sefahleho sa morena.

2 Samuele 14:33

Yaba Joabe o tla ho morena, a mo phetela. Morena a bitsa Absalome; a tla ho morena, a inama fatshe ka sefahleho pela morena, mme morena a aka Absalome.

1 Marena 1:16

Bathe-Sheba a kgumama, a inama pela morena. Morena a re: Taba ya hao ke efe?

1 Marena 1:31

Bathe-Sheba a inama, a kgumama fatshe ka sefahleho pela morena, a re: Ha ho phele morena Davida, monga ka, kamehla!

1 Marena 1:52

Salomone a re: Ha a ka tsamaya jwaloka motho ya kgabane, ha ho qoba le e nngwe ya moriri wa hae e tla wela fatshe; empa ha ho ka fumanwa molato ho yena, o tla shwa.

1 Marena 2:1

Nako ya ho falla ha Davida ha e se e atametse, a laela mora hae Salomone, a re:

1 Marena 2:36

Jwale, morena a romela ho bitsa Shimei, a re ho yena: Ikgahele ntlo Jerusalema, o dule teng; o se ke wa tloha teng ho ya mane le mane;

Diproverbia 24:21

Ngwana ka, tshaba Jehova le morena, o se ke wa itlwaetsa babelaedi;