Римэйхиндэ 9:5 - Шэнэ Хэлсээн

⁵ Тэдэнэр агууехэ үбгэ эсэгэнэртэй юм, тиихэдэ Бурханай табисуурта махабад бэеэрээ баһал тэдэнэй яһанай хүн юм. Бүхы юумые захиржа байһан Бурхан хэтын хэтэдэ магтаал солотой байһай гэжэ би зальбарнаб! Болтогой!

Библи

⁵ Тэдэнэр агууехэ үбгэ эсэгэнэртэй, тиихэдэ Бурханай табисуурта бэеэрээ баһал тэдэнтэй нэгэ яһанай хүн юм. Бүхы юумые захиржа байһан Бурхан хэтын хэтэдэ магтаал солотой байһай гэжэ би зальбарнаб! Болтогой!

Римэйхиндэ 9:5 Referencias Cruzadas

Матвей 28:20

Таанарта минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб».

Матвей 6:13

Горидолго хорхойтуулгада маниие бү оруулыш даа, муу мэхэтэй шолмосһоо аршалжа байгыш даа! Хаан түрэ, хүсэ шадал, алдар соло мүнхэдөө шинии ха юм. Болтогой!»

Лука 20:44

Зай, Давид хаан Бурханай табисууртые Эзэмни гэжэ нэрлэнэ. Тиихэдэнь тэрэ яагаад Давидай үри болохоб?» – гэжэ Иисус асууба.

Иоанн 10:30

Эсэгэ бидэ хоёр – нэгэн хамтабди.

Хэрэгүүд 20:28

Нангин Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Хэрэгүүд 3:13

Абраһам, Исаак, Яковай Бурхан, манай үбгэ эсэгэнэрэй Бурхан өөрынгөө зараса Иисусые алдаршуулаа. Таанад Иисуста урбаһан байнат, тэрэниие Пиладай сүлөөлэн табиха гэхэдэнь, таанад арсаһан байнат.

Римэйхиндэ 1:25

Тэдэнэр Бурхан тухай үнэн зүбые худал хуурмагаар һэлгээ, тиигээд хэтын хэтэдэ магтаал солотой байха Бүтээгшэ Бурханда шүтэхын орондо Бурханай бүтээһэн юумэнүүдтэ шүтэжэ байна.

Римэйхиндэ 10:12

Еврей хүн гү, али ондоо яһанай хүн гү, ямаршье илгаагүй юм. Дээдын Эзэн хүн бүхэндэ ори ганса юм, тиин тэрээндэ хандаһан хүн бүхэниие тэрэ элбэг дэлбэгээр үршөөлдөө хүртөөдэг.

Римэйхиндэ 11:28

Бусад арадууд таанадай аша туһада Һайн Мэдээсэлые буруушааһан еврейнүүд Бурханай дайсадынь болоо. Харин Бурханай шэлэжэ абаһанай, үбгэ эсэгэнэртэнь үгэһэн найдуулгын ашаар тэдэнэр Бурханай нүхэдынь юм.

Коринфынхидтэ 1-дэхи 14:16

Хэрбээ шинии һүнэһэ һүлдөөрөө Бурханда баясхалан хүргэжэ байбалшни, хэлэһэн юумыешни ойлгохогүй байһан юрын хүн хайшан гээд шинии баясхаланда «болтогой» гэжэ хэлэхэ юм.

Коринфынхидтэ 2-дохи 11:31

Бурхан болон Дээдын Эзэн Иисусай Эсэгэ хэтын хэтэдэ үреэл магтаалда хүртэжэ байһай: хэзээшье худалаар хэлэдэггүй байһыемни тэрэ мэдэхэ.

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Нангин Һүлдэ харуулаа, Тэрэ өөрыгөө Эльгээмэлнүүдтэ харуулаа. Арадуудай дунда тэрээн тухай номноо, бүхы газар дэлхэйн зон тэрээндэ этигээ, Тиигээд тэрэ тэнгэридэ дэгдэһэн байгаа.

Тимофейдэ 1-дэхи 6:15

Ори ганса Захирагша, хаануудай Хаан, эзэдэй Дээдын Эзэн болохо үршөөлтэ Бурхан хэрэгтэй сагта Христосой ерэхые харуулха.

Тимофейдэ 2-дохи 2:8

Минии номноһон Һайн Мэдээсэлэй ёһоор үхөөд амидырһан Давидай үри һадаһан болохо Иисус Христосые һанажа байгаарай.

Еврейнүүдтэ 7:24

Харин Иисусай мүнхэ амидаржа байһан хадань тэрэнэй санаартын албан баһа мүнхэ юм.

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, тэрэнэй Иисус Христостой нэгэн хамта байнабди. Иисус Христос хадаа ёһотой Бурхан гээшэ, хэтэ мүнхын амидарал гээшэ.

Гэршэлгэ 1:18

би амидыб; үхөөд байһанаа мүнөө хэтэ мүнхэдөө амиды ябахаб; үхэлэй ба үхэлэй ороной түлхюурнүүдынь намда бии юм.

Гэршэлгэ 22:16

«Иимэ гэршэлгые таанадта һүзэглэгшэдэй бүлгэмүүдэй дамжуулхынь тула өөрынгөө эльгээмэлые би, Иисус, ябуулһан байнаб. Би Давидай Үндэһэ, Һалааниинь гээшэб. Би үүрэй ялагар одон гээшэб».

Гэршэлгэ 22:20

Энээниие гэршэлэн баталагша иигэжэ хэлэнэ: «Тиимэ даа, би һаядаа ерэхэб!» Болтогой, Дээдын Эзэн Иисус, заларжа ерэ!

Гэршэлгэ 5:14

Дүрбэн амитадынь: – Болтогой! гэбэд. Ахамадуудынь газарта дохин унажа, һүгэдэн мүргэбэ.