Римэйхиндэ 6:4 - Шэнэ Хэлсээн

⁴ Уһаар арюудхуулхадаа бидэ Христостой хамта үхөөд хүдөөлүүлэгдэһэн байгаабди. Тиимэһээ Эсэгынь алдарта һүр хүсэнэй Христосые амидыруулһандал адляар бидэшье ажамидаралай шэнэ зүргөөр ябахабди.

Библи

⁴ Уһаар арюудхуулхадаа, бидэ Христоостой хамта үхөөд хүдөөлүүлэгдөөбди. Тиимэһээ Эсэгынь алдарта һүр хүсэнэй Христоосые амидыруулһандал адляар бидэшье ажамидаралай шэнэ зүргөөр ябахабди.

Римэйхиндэ 6:4 Referencias Cruzadas

Иоанн 11:40

– «Хэрбээ шүтэжэ ябаа һаа, Бурханай алдар солые үзэхэш», – гээд шамда би хэлээ бэшэ һэн аалби? – гэжэ Иисус Марфада харюусаба.

Иоанн 2:11

Иигэжэ Иисус Галилей можын Кана хотодо гайхамшаг үзэгдэлнүүдэйнгээ эхи табиба. Иигэжэ Иисус өөрынгөө алдарые харуулһан, тиин шабинарынь тэрээндэ этигэһэн юм.

Хэрэгүүд 2:24

Гэбэшье Бурхан тэрэниие үхэлэй зоболонһоо аршалан амидыруулаа, юундэб гэхэдэ, үхэл тэрэниие һабартаа барижа шадахагүй байгаа бшуу.

Хэрэгүүд 2:32

Бурхан Иисусые амидыруулаа, тиин бидэ булта энэ ушарай гэршэнэр болонобди.

Римэйхиндэ 6:19

Таанадай үшөөл гүйсэд болбосороогүй хада би юрын жэшээнүүдые хэрэглэнэб. Урдань таанад бузар муухай юумэнүүдые үйлэдэхэ зорилготойгоор махабад бэеынгээ эрхэтэнүүдые нүгэлэй барлаг болгоһон байгаат. Харин мүнөө махабад бэеынгээ бүхы эрхэтэнүүдые нангин хэрэгүүдые бүтээжэ байхаарнь зүб юумэнэй барлагууд болгогты.

Римэйхиндэ 6:3

Иисус Христостой нэгэдэн уһаар арюудхагдахадаа бидэ тэрэнэй үхэлыешье хубаалсан, тэрээнтэй нэгэдэһэн байгаабди гэжэ мэдэнэгүй аалта?

Римэйхиндэ 6:8

Христостой хамта үхэһэн хадаа бидэ тэрээнтэйл хамта амидархабди гэжэ этигэнэбди.

Римэйхиндэ 6:9

Ушарынь юуб гэбэл, Христос үхөөд амидыруулагдаһан байгаа, тиигээд дахин үхэхэгүй, юундэб гэбэл, үхэл тэрээн дээрэ ондоо ямаршье эрхэ засаггүй ха юм.

Римэйхиндэ 7:6

Харин мүнөө бидэ урдань маанадые хүлеэд байһан Хуулиин талаар үхөөд, эрхэ мэдэлһээнь мултараабди. Саашадаа бидэ бэшэгдэһэн Хуули сахижа, хуушан аргаар алба хэхэгүйбди, харин шэнэ аргаар Һүлдын мэдэлдэ байгаад, Бурханда алба хэхэбди.

Римэйхиндэ 8:11

Иисусые үхэхэдэнь амидыруулһан Бурханай Һүлдын зосоотнай оршожо байхадань, Христосые Амидыруулагша зосоотнай оршожо байһан Һүлдөөрөө таанадайшье үхэлтэ бэедэ ами үршөөхэл.

Коринфынхидтэ 1-дэхи 6:14

Бурхан Дээдын Эзэниие амидыруулаа, тиин бидэнииешье һүр хүсөөрөө амидыруулха.

Коринфынхидтэ 2-дохи 13:4

Хэрээһэн дээрэ хадуулан саазалуулхадаа тэрэ ахир һула байбашье, Бурханай хүсэ шадалаар амиды ябаа. Тэрээнтэй нэгэдэхэдээ бидэ ахир һуланууд байнабди, тиин тэрээнтэй хамта Бурханай хүсэ шадалаар амиды ябахыемнай таанад харахат.

Коринфынхидтэ 2-дохи 5:17

Христостой нэгэдэһэн хүн бүхэн шэнэ хүнүүд гээшэ: урданай юумэнүүд һүнэгдөөд, бүхы юумэн шэнэдхэгдэбэ.

Эфесэйхиндэ 4:17

Дэмы хооһон бодолтой, оюун ухааниинь балартаһан ондоо яһатанда адли бэеэ абажа ябахаяа болигты гэжэ би таанадые Дээдын Эзэнэй нэрээр гуйжа найжа байнаб. Сэдьхэл зүрхэниинь шулуундал адли шэрүүн байжа, Бурханиие мэдэрхэ гэжэ огто хүсэхэгүй байһан дээрэһээ тэдэнэр Бурханай хайрлажа байһан амидаралһаа хасагдаба.

Эфесэйхиндэ 5:8

Урдань таанад өөһэдөө харанхы мунхагта байгаат, харин Дээдын Эзэнэй хүнүүд болоходоо, гэрэл туяада байдаг болоот. Тиимэһээ таанад гэрэл туяагай хүнүүдтэ адляар амидарха ёһотойт.

Колоссынхидтэ 3:10

Таанад шэнэ хүнүүд болобот. Таанадта өөрыгөө бүрин мэдүүлхын тула Бурхан, Бүтээгшэ тиимэ хүнүүдые бүрил өөртөө адли болгон шэнэдхэдэг юм.

Колоссынхидтэ 4:1

Эзэд, өөһэдынгөө барлагуудта үнэн сэхээр хандажа байгты. Таанад өөһэдөө тэнгэридэ Эзэнтэй байһанаа мэдэнэ ха юмта.

Пётрой 1-дэхи хандалга 3:21

Тиигэжэ уһанһаа абарагдаһаниинь мүнөө бидэниие абаржа байдаг уһан арюудхалай бэлгэ тэмдэг болоо. Уһан арюудхалга бэеын муухайе арилгана бэшэ, харин Иисус Христосой амидыралгын ашаар һайн һайхан сэдьхэл үршөөхыень Бурханһаа гуйна.

Иоаннай 1-дэхи хандалга 2:6

Бурхантай нэгэн хамта байнаб гэгшэ болбол Иисустал адляар ажаһууха ёһотой.