Римэйхиндэ 15:5 - Шэнэ Хэлсээн

⁵ Маанадые тэсэбэритэй байлгадаг, урмашуулдаг Бурхан Христос Иисусай жэшээгээр таанадые нэгэ һанал бодолтой байлгаһай.

Библи

⁵ Маанадые тэсэбэритэй байлгадаг, урмашуулдаг Бурхан Христоос Иисүүсэй жэшээгээр таанадые нэгэ һанал бодолтой байлгаһай.

Римэйхиндэ 15:5 Referencias Cruzadas

Хэрэгүүд 4:32

Һүзэглэгшэд булта нэгэ һанал бодолтой байгаа. Тэдэнэй хэнииньшье хубита зөөри зөөшэеэ минии гэдэггүй һэн, харин байһан бүхы юумэеэ бэе бэетэйгээ хубаалсажа байдаг һэн.

Римэйхиндэ 12:16

Хоорондоо нэгэ һанал бодолтой байгты. Омогорхон бахархангүй, юрын хүнүүдтэй нүхэсэжэ байгты. Өөһэд тухайгаа сэсэн ухаантайбди гэжэ бү бодогты.

Римэйхиндэ 15:13

Найдал үршөөдэг Бурхан этигэл һүзэгэйтнай ашаар таанадые бүтэн баяр жаргалаар ба амгалан байдалаар дүүргэг лэ, тиигэжэ Нангин Һүлдын хүсөөр этигэл найдалтнай нэмэгдэжэ байг лэ.

Римэйхиндэ 15:3

Юундэб гэбэл, Христосшье ганса бэеэ бодожо байгаагүй юм. Харин: «Шамайе доромжолһон баһалтанууд нам дээрэ буугаа», – гэжэ Нангин Бэшэг соо бэшэгдэһэнэй ёһоор болоо юм.

Коринфынхидтэ 1-дэхи 1:10

Аха дүүнэр, хоорондоо хубааралдажа байхагүйн тула һаналаа нэгэдүүлжэ байгты, нэгэ һанал бодолтой, нэгэ зорилготой байгты гэжэ Манай Дээдын Эзэн Иисус Христосой нэрэ түрөөр та бүхэндэ гуйн ханданаб.

Коринфынхидтэ 2-дохи 13:11

Мүнөө, аха дүүнэрни, баяртай! Заһарха гэжэ оролдожо, хэлэһэн юумэнүүдыемни анхаржа, хоорондоо эбтэй эетэй, энхэ тайбан байгыт даа. Хайра дуран ба энхэ тайбан үршөөдэг Бурхан таанадтай оршожо байһай!

Коринфынхидтэ 2-дохи 7:6

Харин сэдьхэлээрээ унаһан зониие урмашуулдаг Бурхан маанадта Титые эльгээжэ урмашуулаа.

Эфесэйхиндэ 5:2

Христосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.

Филиппынхидтэ 1:27

Эдэ бүгэдэндэ нэмэжэ хэлэбэл, таанад Христос тухай Һайн Мэдээсэлэй һургаһан ёһоор амидарха ёһотойт. Тиимэһээ таанадта ошоно гүб, али ошонгүй байна гүб, таанад булта нэгэ зорилготой, Һайн Мэдээсэлэй һүзэгэй түлөө һанал нэгэн тэмсэнэт гэжэ дуулаһайб.

Филиппынхидтэ 2:2

таанад нэгэ һанал бодолтой, бэе бэедээ хайра дуратай, һанал нэгэн, бодол нэгэн байжа, намайе бүрин баяр жаргалтай болгыт даа.

Филиппынхидтэ 3:16

Яабашье бидэ мүнөө ойлгожо абаһан гуримаа саашадаашье баримталха ёһотойбди.

Филиппынхидтэ 4:2

Эводи Синтихи, та хоёр һамгад хоорондоо хэрүүл хэхэеэ болигты гэжэ ехэл гуйнаб, та хоёр Дээдын Эзэнэй мэдэлдэ байна ха юмта.

Пётрой 1-дэхи хандалга 3:20

Нойн томо корабль барижа дүүргэхые Бурханай ехэ тэсэбэритэйгээр хүлеэжэ байха үе сагта тэдэ һүлдэнүүд мэдэлдэнь байхаяа арсаа бэлэй. Нойн бариһан корабльда үсөөн хүн, хамтадаа найман хүн уһанһаа абарагдаһан юм.

Пётрой 1-дэхи хандалга 3:8

Түгэсхэлдэнь хэлэхэдэ, таанад булта нэгэ һанал бодолтой байгты, адляар юумэндэ хандажа байгты, бэе бэедээ аха дүүнэдтэл адли дуратай байгты, бэе бэеэ хайрлажа, даруухан ажамидарагты.

Пётрой 2-дохи хандалга 3:15

Бидэндэ абарагдаха боломжо үгэн, манай Дээдын Эзэн аргагүй удаан тэсэжэ байна гэжэ бодогты. Тон тиигэжэл хайрата Павел аха Бурханай хайрлаһан ухаанай хүсөөр таанадта бэшээ бэлэй.

Пётрой 2-дохи хандалга 3:9

Дээдын Эзэн найдуулһан юумэеэ бэелүүлхэеэ яаранагүй гэжэ зарим хүнүүд һанадаг. Үнэндөө болбол тэрэ маанадай нэгэшье хүнэй хосоронгүй, нүгэлөө мэдэрэн гэмшэхыемнай тэсэбэритэйгээр хүлеэжэ байгаа юм.