Римэйхиндэ 11:1 - Шэнэ Хэлсээн

¹ Зай, тиихэдээ Бурхан өөрынгөө арадһаа арсаба гээшэ гү гэжэ би һуранаб. Үгыл даа! Би өөрөөшье Израилиин хүн, Абраһамай үри һадаһан, Вениаминай обогой хүн гээшэб.

Библи

¹ Зай, тиихэдээ Бурхан Өөрын арадһаа арсаба гү гэжэ би һуранаб. Үгыл даа! Би өөрөөшье Израилиин хүн, Абраһаамай үри һадаһан, Бэньямиинэй обогой хүмби.

Римэйхиндэ 11:1 Referencias Cruzadas

Лука 20:16

Эзэн ерээд, тэдэ үзэмшэдые алаха, тиигээд ондоо үзэмшэдтэ сэсэрлигээ даалгаха». Хэлэхыень шагнаһан хүнүүд: «Үгы даа, тиимэ юумэн болохогүй!» – гэлдэбэ.

Хэрэгүүд 22:3

– Би Килики ороной Тарс хотодо түрэһэн еврей хүнби. Тэрэ хотодо Гамалиилай хүтэлбэри доро үбгэ эсэгэнэрэй Хуули ехэ нягтаар сахижа хүмүүжүүлэгдэһэн хүнби. Би таанадтал адли Бурханай урда бүхы үүргэнүүдээ оролдосотойгоор дүүргэдэг һэнби.

Хэрэгүүд 26:4

Минии ажамидарал эдир залуу наһанһаа эхилэн еврейнүүдэй дунда мэдээжэ. Би түрүүн өөрынгөө арад зоной дунда, һүүлдэнь Иерусалимда ажаһуудаг һэм.

Римэйхиндэ 11:11

Тиигэбэл еврейнүүд дахин хэзээшье һэргэжэ бодохогүйгөөр бүдэржэ унаа гү гэжэ би һуранаб. Үгыл даа! Тэдэнэй нүгэл шэбэлдэ унахада, атаархалынь хүргэжэ байхаар бусад арадууд абаралда хүртөө.

Римэйхиндэ 3:4

Үгыл даа. Хүн бүхэнэй худал хуурмаг юумэ хэлэжэ байбашье, Бурхан үнэн зүбые хэлэдэг юм. «Хэлэһэншни үнэн зүб байһыеш баталха, Зарга шүүбэриин болоходо ши илажа гарахаш», – гэжэ Нангин Бэшэг соо Бурхан тухай хэлэгдэнэ.

Римэйхиндэ 9:3

Өөрынгөө арадые абархын түлөө Бурханай хараалда хүртөөд, Христосһоо холодуулхадашье би бэлэнби.

Коринфынхидтэ 2-дохи 11:22

Тэдэнэр еврейнүүдбди гэнэ гү? Тиин бишье тиимэб. Тэдэнэр израильшууд гү? Тиин бишье тиимэб. Тэдэнэр Абраһамай үри һадаһад гү? Тиин бишье тиимэб.

Филиппынхидтэ 3:5

Би түрэһөөр наймадахи үдэртөө бэлгээ отолуулһан байгааб. Би болбол Израильһаа уг изагууртай, Вениаминай обогой жэнхэни еврей хүнби. Моисейн Хуули хэшээлтэйгээр сахижа байдаг фарисей байхадаа,