Хэрэгүүд 13:2 - Шэнэ Хэлсээн

² Нэгэтэ тэдэнэй Дээдын Эзэндэ алба хэжэ, масаглажа байхада Нангин Һүлдэ тэдээндэ: – Ямар үүргэ хэрэг даалган Варнава Саул хоёрые дуудаа һэнби, тэрэ хэрэгыемни бүтээхыень тэдэ хоёрые намда табигты, – гэжэ хэлэбэ.

Библи

² Нэгэтэ тэдэнэй Эзэндэ алба хэжэ, масаглажа байхада Арюун Һүлдэ тэдээндэ: – Ямар үүргэ даалган Барнааба Саул хоёрые дуудаа һэнби, тэрэ хэрэгыемни бүтээхыень тэдэ хоёрые Намда табигты, – гэжэ хэлэбэ.

Хэрэгүүд 13:2 Referencias Cruzadas

Матвей 17:21

Эдэ мэтын ада шүдхэрнүүдые имагтал зальбаралаар, масаг сахин даража болохо юм».

Матвей 6:16

Масаглахадаа хоёр нюуртан мэтээр гунигтай шарай харуулхаяа бү оролдогты. Тэдэнэр масаглаһанаа хүн бүхэндэ мэдүүлхын тула уйдхартай барагар шарай үзүүлдэг юм. Тэдэнэр өөһэдынгөө шагнал энэ дээрээл абажа байна гэжэ танда үнэниие хэлэнэб.

Матвей 9:38

Тиимэһээ ургасаяа суглуулха хүдэлмэрилэгшэдые ябуулхыень Ургасын Эзэндэ зальбарагты».

Лука 10:1

Тэрэнэйнгээ һүүлээр Иисус үшөө далан хоёр хүниие шэлэжэ абаад, өөрынгөө ошохо гэһэн хото хүдөө руу хоёр хоёроор эльгээхэдээ, иигэжэ захиба:

Лука 2:37

Мүнөө тэрэ үдэр һүнигүй Бурханда мүргэжэ, масаг сахижа, Бурхан Һүмэһөө холододоггүй һэн.

Хэрэгүүд 10:19

Хараһан үзэгдэл тухайгаа Пётрой бодомжолжо байхада, Нангин Һүлдэ тэрээндэ: – Симон, гурбан хүн шамайе бэдэржэ байна, харана гүш?

Хэрэгүүд 10:30

– Гурбан үдэрэй урда тээ эгээл энэ сагта, үдын гурбан сагай багаар би гэртээ Бурханда зальбаржа байгаа һэнби. Гэнтэ ялалзаһан хубсаһатай хүн урдамни зогсоод:

Хэрэгүүд 13:3

Масаглажа, мүргэл зальбаралаа дүүргэһэн хойноо тэдэ зон үнөөхи хоёрые гараараа адислан табиба.

Хэрэгүүд 13:4

Нангин Һүлдын нүлөөгөөр харгы замдаа гараһан Варнава Саул хоёр Селевки хүрэжэ ерээд, тэндэһээ Кипр аралда тамаран ошобо.

Хэрэгүүд 14:26

Мүнөө тэдэ Атталиһаа Антиох руу бусажа тамарба. Түрүүн Антиохдо байхадань, Бурханай үршөөл хайра ажалаа ябуулхадань байха болтогой гэжэ зальбаран, Павел Варнава хоёрые ябуулаа бэлэй. Мүнөө тэдэнэр үнөөхи ажалаа бүтээгөөд, бусажа ерэбэд.

Хэрэгүүд 20:28

Нангин Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Хэрэгүүд 22:21

Тиихэдэ тэрэ намда: «Яба, би шамайе эндэһээ холо бусад арадуудта эльгээхэмни», – гэжэ хэлээ бэлэй.

Хэрэгүүд 4:36

Жэшээлхэдэ, элшэнэрэй дунда Варнава гэһэн алдартай («һанаа амаруулагша» гэжэ оршуулагдана), Кипрһээ уг гарбалтай Иосиф гэдэг левит хүн,

Хэрэгүүд 6:4

харин өөһэдөө Бурханай үгэ номножо, зальбаран амидаржа байхабди.

Хэрэгүүд 8:29

Нангин Һүлдэ Филипптэ: – Тэргэдэ дүтэлөөд, хажуудань яба, – гэжэ хэлэбэ.

Хэрэгүүд 9:15

Гэбэшье Дээдын Эзэн Ананияда: – Ошо! Би тэрэниие намда алба хүүлэхэ гэжэ шэлэжэ абааб. Тэрэ минии нэрэ алдар тухай бүхы арадуудта, хаашуулда, Израилиин хүн зондо дуулгаха.

Римэйхиндэ 1:1

Бурханай хайра дурада хүртэһэн, тэрэнэй нангин арадынь байхаар дуудуулагдаһан Рим хотын бүгэдэ зон, таанадта Иисус Христосой зараса, элшэнгээр һунгагдаһан Павел бэшэнэ. Манай Эсэгэ Бурхан ба Дээдын Эзэн Иисус Христос таанадта үршөөл хайра ба амгалан тайбаниие үршөөг лэ! Бурхан Һайн Мэдээсэл номнохыемни намайе шэлэжэ абаа юм. Нангин Бэшэг соо хэлэгдэһэнэй ёһоор Бурхан тэрэ Һайн Мэдээсэлые урдань лүндэншэдөөрөө дамжуулан найдуулһан байгаа. Тэрэ Мэдээсэлнь Бурханай Хүбүүн, манай Дээдын Эзэн Иисус Христос тухай. Иисус хүнэй бэе бэелхэдээ Давидай үри һадаһан боложо түрөө. Харин тэрэнэй һүр хүсэтэй Бурханай Хүбүүн байһыень, үхөөд амидырхадань Нангин Һүлдэ харуулаа. Бүхы яһатаниие, тиихэдэ Иисус Христосой дуудаһан таанадые этигэл һүзэгтэй, мэдэлдэ оросотой болгохын тула Бурхан Хүбүүгээрээ дамжан, тэрэнэй аша туһада намайе элшэн болгон үршөөгөө юм.

Римэйхиндэ 10:15

Тиихэдэ номногшодые ябуулаагүй һаа, яажа мэдээсэлые номнолтойб? «Һайн Мэдээсэл асаржа байһан номногшодой ерэхые харахада үзэсхэлэнтэ гоё юм», – гэжэ Нангин Бэшэг соо хэлэгдэнэ.

Римэйхиндэ 15:16

бусад арадуудай аша туһада Христос Иисусай зараса болооб. Бусад арадые Нангин Һүлдын ашаар Бурханда таатай арюун нангин үргэл болгохын тула би Бурханай Һайн Мэдээсэлые номнон, санаартанай ажал ябуулнаб.

Коринфынхидтэ 1-дэхи 12:11

Эдэ онсо абьяас бэлигүүдые нэгэл Һүлдэ хүн бүхэндэ өөрынгөө дураар хайрладаг юм.

Коринфынхидтэ 1-дэхи 7:5

Бэе бэетэйгээ инаглан харилсажа байгты, зальбаржа сагаа үнгэргэхэ гэжэ хоюулан зүбшэһэн сагтаа инаглан харилсахаяа болигты, тиигээд бэеэ барижа шадахагүй байхадатнай сатанагай таанадые хорхойтуулхагүйн тула дахин бэе бэедээ няалдагты.

Коринфынхидтэ 2-дохи 11:27

Би ажаллажа, тулин зүдэржэ, нойро зүүдэгүйшье ябааб, үлэн хооһон, эдихэ хоолгүй, ууха ундагүйшье байгааб, хүйтэн нойтондо, нюсэгэн салдаганшье ябааб.

Коринфынхидтэ 2-дохи 6:5

Бидэ сохюулһан, түрмэдэ һууһан, һүрэг зондо дайруулһан байгаабди. Бидэ аргагүй ехээр ажалладаг, амаралта нойргүй, эдеэ хоолгүй ябадаг һэмди.

Галадуудта 1:15

Үшөө эхынгээ умайда байхадамни Бурхан агууехэ үршөөл хайраараа намайе шэлэжэ абаад,

Эфесэйхиндэ 3:7

Бурханай хүсэ шадалай нүлөөгөөр намда үгтэһэн тусгай үршөөлөөр би Һайн Мэдээсэлэй зарасань болоһон байгааб.

Колоссынхидтэ 4:17

«Дээдын Эзэнэй даалгаһан ажалые бүтээгээрэй», – гэжэ Архипда хэлээрэйт.

Тимофейдэ 1-дэхи 2:7

Тиимэһээ һүзэг ба хайра дурын үгэ айладхахаар һургагша ба элшэнээр табигдан, би бусад арадуудта эльгээгдэһэн байгааб. Би худал юумэ хэлэнэгүйб, би үнэниие хэлэнэб.

Тимофейдэ 2-дохи 1:11

Һайн Мэдээсэл номнохымни тула Бурхан намайе элшэн ба һургагша болгон табяа.

Тимофейдэ 2-дохи 2:2

Олон гэршэнэрэй хажууда хүнүүдые һургаха шадабаритай, этигэлтэй зондо намһаа дуулажа абаһан һургаалаа дамжуулаарай.

Тимофейдэ 2-дохи 4:11

Гансал Лука намтай хамта байна. Ши Маркые дахуулжа ерээрэй, тэрэ ажалдамни туһатай байха.

Тимофейдэ 2-дохи 4:5

Харин ши ямаршье ушарта бэеэ барижа, зоболонгуудые дабажа, Һайн Мэдээсэл дэлгэрүүлхэ ажалаа бүтээжэ, Бурханай зарасын дүүргэхэ ёһотой уялга гүйсэдхэжэ байгаарай.

Еврейнүүдтэ 5:4

Хүн өөртөө ахамад санаартын нэрэ хүндые олгодоггүй, харин Аарондол адли Бурханай уряалаар ахамад санаарта болодог.