Галадуудта 3:2 - Шэнэ Хэлсээн

² Таанад Хуули сахижа байһан дээрэһээ гү, али Христосто этигэһэн дээрэһээ Нангин Һүлдэдэ хүртэбэ гүт гэжэ би таанадһаа һураха һанаатай байнаб.

Библи

² Таанад Хуули сахижа байһан дээрэһээ гү, али Христоосто этигэһэн дээрэһээ Арюун Һүлдэдэ хүртэбэ гүт гэжэ би таанадһаа һураха һанаатайб.

Галадуудта 3:2 Referencias Cruzadas

Хэрэгүүд 15:8

Хүнүүдэй һанал бодол мэдэдэг Бурхан бидэндэ үгэһэндөөл адляар тэдэндэ Нангин Һүлдэ үгэхэдөө, өөрынгөө үршөөл хайра баһа бусад арадуудта үршөөбэ гээшэ.

Хэрэгүүд 2:38

– Нүгэл хэхэеэ болигты. Нүгэлыетнай Бурханай хүлисэхын тула хүн бүхэнтнай Иисус Христосой нэрэ алдараар уһаар арюудхуулаг. Тиихэдээ таанад Бурханай үршөөһэн Нангин Һүлдэдэ хүртэхэт.

Хэрэгүүд 8:15

Тэдэ хоёр Самари хүрэжэ ерээд, Нангин Һүлдэ эдэ зондо үгтэһэй гэжэ тэдэнэй түлөө зальбарба.

Римэйхиндэ 1:17

Гансал этигэл һүзэгэй ашаар хүнүүдые Бурханай үнэн сэдьхэлтэн болгодогынь Һайн Мэдээсэл соо элеэр харуулагдана. «Үнэн сэдьхэлтэн этигэл һүзэгэйнгөөл ашаар ажамидарха», – гэжэ Нангин Бэшэг соо бэшээтэй.

Коринфынхидтэ 1-дэхи 9:21

Хуулигүй бусад арадуудай дунда байхадаа, би тэдэниие татахын тула Хуулигүй бусад арадай түлөөлэгшэдэл адляар байгааб. Тиихэдээ би Бурханай Хуулиин мэдэлһээ гараагүйб, Христосой Хуули баримталжа байгааб.

Коринфынхидтэ 2-дохи 11:4

Хэрбээ хэн нэгэнэй таанадта маанадай номноһонһоо ондоо Иисусые номнобол, али маанадһаа тогтоожо абаһанһаа илгаатай ондоо һүлдые, һайн мэдээсэлые үгэбэл, таанад тэдэнииень амархан абахаар байна ха юмта.

Галадуудта 3:14

Иисус Христосоор дамжан найдуулагдаһан Нангин Һүлдые этигэлээрээ тогтоожо абахынь тула Абраһамай үршөөл хайра мүнөө бүхы арадуудта үгтэбэ гээшэ.

Галадуудта 3:3

Нангин Һүлдөөр дахуулжа ябаһан аад, мүнөө махабад бэедээ татуулаа гүт? Тиихэдээ таанад иимэ балар мунхаг хүнүүд гээшэ гүт?

Галадуудта 3:5

Хуули сахижа байһан дээрэһээтнай бэшэ, харин Христосто этигэһэн дээрэһээтнай Бурхан таанадта Нангин Һүлдые хайрлажа, гайхамшагта үйлэ хэрэгүүдые бүтээгээ юм.

Еврейнүүдтэ 2:4

Бурхан тэрэ гэршэлгэдэ элдэб янзын гайхамшагта үзэгдэлнүүдые болон дүлгэ тэмдэгүүдые нэмэн харуулжа, өөрынгөө һайн дураар Нангин Һүлдэ хайрлажа байгаа.

Еврейнүүдтэ 4:2

Сүл губяар ябаһан зондол тон адли бидэ Һайн Мэдээсэл дуулажа абаһан байгаабди. Тэдэнэр Бурханай үгые дуулаһаншье һаа, һайн болоогүй юм. Ушарынь хэлэхэдэ, тэдэ Бурханай үгые шагнажа байхадаа, тэрэ үгыень этигэл һүзэгтэйгээр тогтоожо абаагүй.

Еврейнүүдтэ 6:4

Һүзэг этигэлээ алдаһан хүнүүд яажа дахин гэм хэхэеэ болёод, Бурханда хандахаб? Тэдэнэр нэгэ үедэ Бурханай гэрэл туяада ябаа, тэнгэриин бэлэг абажа, Нангин Һүлдые тогтоожо абаһан байгаа.

Пётрой 1-дэхи хандалга 1:12

Өөһэдынгөө аша туһада бэшэ, харин һүзэглэгшэ таанадай аша туһада тэдэнэр алба хэнэ гэжэ Бурхан тэдэ лүндэншэдтэ элирхэйлээ, тиимэһээ тэнгэриһээ эльгээгдэһэн Нангин Һүлдын дамжуулһан Һайн Мэдээсэлые айладхаһан хүнүүдые таанад мүнөө шагнаба гээшэт. Тэрэ нюуса Бурханай Эльгээмэлнүүдшье нээжэ мэдэхэ хүсэлтэй байна.