Филиппынхидтэ 1:1 - Шэнэ Хэлсээн

¹ Филипп хотын һүзэглэгшэдэй бүлгэм, танай хүтэлэгшэд болон танай туһалагшад, таанадта Иисус Христосой зарасанар болохо Павел Тимофей хоёр бэшэнэ.

Библи

¹ Филипп хотын һүзэглэгшэдэй бүлгэм, танай хүтэлэгшэд болон танай туһалагшад, таанадта Иисүүс Христоосой зарасанар болохо Павел Тимофей хоёр бэшэнэ.

Филиппынхидтэ 1:1 Referencias Cruzadas

Марк 13:34

Бүхы юумээ зарасанартаа даалгаад, холын замда мордоһон хүнтэй энэ байдал сасуулмаар юм. Тэрэ хүн зараса бүхэндөө даабари үгөөд, үүдэнэй харуулшанда һэргэг байхыень захидаг.

Иоанн 12:26

Намда алба хэдэг хүн минии хойноһоо дахаад ябаг! Минии байһан лэ газарта минии зараса байлсаха. Намда алба хэдэг хүниие минии Эсэгэ хүндэлхэ юм.

Хэрэгүүд 1:20

Энээн тухай «Бурханай дуунуудай ном» соо: «Тэрэнэй гэр байра хооһорхонь болтогой, тэндэ хэншье байрлахагүйнь болтогой», – гэжэ бэшэгдэнхэй. Үшөө ондоо газарта: «Тэрэнэй орондо ондоо хүн алба хэхэнь болтогой», – гэжэ бэшээтэй байдаг.

Хэрэгүүд 20:28

Нангин Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Хэрэгүүд 9:13

– Дээдын Эзэн, аа! Шамда һүзэглэдэг Иерусалимынхидта энэ хүн хэды ехэ хоро хүргөөб гэжэ би мэдэнэб. Энэ хүн тухай би олон хүнүүдһээ дуулаа һэнби.

Римэйхиндэ 1:1

Бурханай хайра дурада хүртэһэн, тэрэнэй нангин арадынь байхаар дуудуулагдаһан Рим хотын бүгэдэ зон, таанадта Иисус Христосой зараса, элшэнгээр һунгагдаһан Павел бэшэнэ. Манай Эсэгэ Бурхан ба Дээдын Эзэн Иисус Христос таанадта үршөөл хайра ба амгалан тайбаниие үршөөг лэ! Бурхан Һайн Мэдээсэл номнохыемни намайе шэлэжэ абаа юм. Нангин Бэшэг соо хэлэгдэһэнэй ёһоор Бурхан тэрэ Һайн Мэдээсэлые урдань лүндэншэдөөрөө дамжуулан найдуулһан байгаа. Тэрэ Мэдээсэлнь Бурханай Хүбүүн, манай Дээдын Эзэн Иисус Христос тухай. Иисус хүнэй бэе бэелхэдээ Давидай үри һадаһан боложо түрөө. Харин тэрэнэй һүр хүсэтэй Бурханай Хүбүүн байһыень, үхөөд амидырхадань Нангин Һүлдэ харуулаа. Бүхы яһатаниие, тиихэдэ Иисус Христосой дуудаһан таанадые этигэл һүзэгтэй, мэдэлдэ оросотой болгохын тула Бурхан Хүбүүгээрээ дамжан, тэрэнэй аша туһада намайе элшэн болгон үршөөгөө юм.

Коринфынхидтэ 1-дэхи 16:10

Хэрбээ Тимофейн таанадта ошобол, танай дунда айлта зоболтогүй байха тухайнь бодооройт, тэрэ намдал адли Дээдын Эзэнэй аша туһада ажаллажа байна ха юм.

Коринфынхидтэ 2-дохи 1:1

Коринф хотын һүзэглэгшэдэй бүлгэм, Ахайяын нютагта байһан Бурханай бүхы хүнүүд, таанадые Бурханай эрхэ мэдэлээр Христос Иисусай элшэн болохоор дуудуулагдаһан Павел болон һүзэглэгшэ Тимофей мэндэшэлнэ.

Галадуудта 1:10

Иигэжэ хэлэхэдээ би хүнүүдэй һайшаалда хүртэхэеэ оролдоно гүб, али Бурханай һайшаалда гү? Иихэдээ хүнүүдтэ һаймһархаяа оролдоһон болоно гүб? Хэрбээ би хүнүүдэй урда хойгуур гүйдэг байгаа һаа, Христосой зараса байхагүй һэм.

Галадуудта 3:26

Мүнөө таанад булта Иисус Христосто һүзэглэһэн этигэлээрээ Бурханай үхибүүд гээшэт.

Галадуудта 3:28

Тиимэһээ мүнөө еврейнүүдшье, бусад арадуудшье илгаагүй, барлагуудшье, сүлөөтэйшүүлшье илгаагүй, эрэшүүлшье, эхэнэрнүүдшье илгаагүй. Таанад булта мүнөө нэгэн адли боложо, Иисус Христостой нэгэдэбэт.

Эфесэйхиндэ 1:1

Иисус Христостой нэгэдэһэн Эфес хотын һүзэг этигэлтэй Бурханай хүнүүд, Бурханай эрхэ мэдэлээр Иисус Христосой элшэн болоһон Павел таанадые амаршална.

Эфесэйхиндэ 1:15

Тиимэһээ таанадай Дээдын Эзэн Иисуста һүзэглэжэ, Бурханай хүнүүдые бүгэдыень энхэржэ хайрлажа ябадаг тухай дуулахадаа,

Эфесэйхиндэ 6:24

Манай Дээдын Эзэн Иисус Христосто һүнэшэгүй хайра дураар дуратай хүн бүхэн үршөөл хайратай байһай!

Филиппынхидтэ 2:19

Таанад тухай мэдээсэл абажа өөрыгөө урмашуулха дуратай байнаб. Тиимэһээ Дээдын Эзэн Иисусай эрхэ мэдэлээр таанадта һаядаа Тимофейе эльгээхэб гэжэ найданаб.

Филиппынхидтэ 2:5

Таанад Иисус Христостол адли һанал бодолтой байгты:

Филиппынхидтэ 3:12

Би зорилго эрмэлзэлдээ хүрөөб, хэхэ ёһотой юумэеэ бүгэдыень хээб, эрхим түгэс болооб гэнэгүйб. Гэхэдээ Иисус Христос намайе ямар шагналда хүртөөхөөр өөртөө татажа абаа һэм, тэрэ шагналыень абаха гэжэ би оролдожо байнаб.

Филиппынхидтэ 3:3

Тэдэнэр бэшэ, харин бидэнэр жэнхэни «отолуулга» хэһэн зон гээшэбди, юуб гэбэл, бидэ Бурханай Һүлдын ашаар Бурханда мүргэжэ, Иисус Христостой нэгэдэһэндээ бахархан баясанабди. Бидэ бэеын эрхэтэнэй отолуулха ёһололдо найданагүйбди.

Филиппынхидтэ 3:8

Бүри үнэтэй сэнтэй юумэнһээ, минии Дээдын Эзэн Иисус Христосые мэдэрхэһээ гадна бусад бүхы юумэнүүдые би хэрэггүй ба дэмы хооһон гэжэ тоолоноб. Христосһоо боложо би бүхы юумэнһээ арсааб. Христосые оложо, тэрээнтэй сүм нэгэдэхын тулада би бусад бүхы юумые юун дээрэшье тоолоногүйб.

Фессалоникиинхидтэ 1-дэхи 1:1

Фессалоники хотын һүзэглэгшэдэй бүлгэм, таанадые Павел, Силуан, Тимофей гурбан амаршална. Эсэгэ Бурхан ба Дээдын Эзэн Иисус Христос таанадта үршөөл хайра ба амгалан тайбаниие үршөөг лэ!

Фессалоникиинхидтэ 1-дэхи 2:2

Филиппы хотодо байхадамнай ямар муугаар бидэндэ хандажа, бидэниие баһажа доромжолһыень таанад мэдэнэт. Манда эсэргүүсэһэн зоной олон байһаншье һаань, Һайн Мэдээсэлые номнохо зориг бидэндэ Бурхан үгөө юм.

Фессалоникиинхидтэ 2-дохи 1:1

Эсэгэ Бурхан болон Дээдын Эзэн Иисус Христостой нэгэдэһэн Фессалоники хотын һүзэглэгшэдэй бүлгэм, таанадые Павел, Сила, Тимофей гурбан амаршална.

Фессалоникиинхидтэ 2-дохи 1:10

Дээдын Эзэнэй тэрэ үдэр ерэхэдэнь, гэгээн арадынь, бүхы һүзэглэгшэдынь тэрэниие хүндэлхэ, тэрээндэ алдар соло дуудаха. Бидэнэй номноһон һургаалда этигэһэн хадаа таанадшье баһа тэрэ зоной дунда байлсахат.

Тимофейдэ 1-дэхи 3:8

Һүзэглэгшэдэй бүлгэмэй туһалагшад баһал һайхан зантай, билдагуушалдаггүй хүнүүд байха ёһотой. Тэдэ архи дарһанда болон алта мүнгэндэ шунахай бэшэ,

Тидтэ 1:1

Этигэл һүзэгөөрөө намтай нэгэдэһэн үнэн сэхэ Тит хүбүүмни, шамда Бурханай зараса, Иисус Христосой элшэн Павел бэшэнэ. Бурхан Эсэгэ болон манай Абарагша Иисус Христос шамда үршөөл хайра ба амгалан тайбаниие үршөөг лэ. Бурхан намайе шэлэжэ абаад, илгажа абаһан хүнүүдэйнгээ һүзэгые дэмжүүлхээр, шажанаймнай һургадаг үнэн зүйлдэ тэдэниие хүтэлүүлхээр намайе эльгээһэн байгаа юм. Энэ үнэн зүйл мүнхын амидаралда найдаха гол түшэг болодог юм. Худал юумэ хэлэдэггүй Бурхан мүнхын тэрэ амидаралые анханһаа нааша бидэндэ найдуулжа, тогтооһон сагтаа тэрэнээ өөрынгөө һургаалда нээжэ үгэһэн байгаа. Тэрэ һургаалынь намда үгтэжэ, манай Абарагша Бурханай захиралтаар би тэрэнииень номножо байнаб.

Тидтэ 1:7

Ушарынь юуб гэхэдэ, һүзэглэгшэдэй бүлгэмэй хүтэлэгшэ Бурханай ажалай хойноһоо хаража байгаа хадаа ямаршье гэмгүй байха зэргэтэй. Тэрэ омог бардам зан гаргадаггүй, уур сухалаа хүрэдэггүй, архидадаггүй, дошхордоггүй, алта мүнгэндэ шуналгүй,

Филимондо 1:1

Маанадтай хамта хүдэлдэг эрхим хүндэтэ Филимон, шамда Иисус Христосой түлөө түрмэдэ һууһан Павел ба һүзэглэгшэ Тимофей хоёр бэшэнэ. Манай Бурхан Эсэгэһээ болон Дээдын Эзэн Иисус Христосһоо үршөөл хайра ба амгалан тайбаниие айладханабди. Гэртэшни суглардаг һүзэглэгшэдэй бүлгэмдэ, хүндэтэ Апфи дүүдэмнай, бидэнтэй хамта алба хэдэг Архипда мэндые хүргөөрэй.

Еврейнүүдтэ 13:23

Манай дүү Тимофей түрмэһөө гараа гэжэ мэдэжэ байгты. Хэрбээ тэрэнэй һаяар хүрэжэ ерэбэлнь, би тэрээнтэй хамта таанадаа эрьехэб.

Яковай хандалга 1:1

Бүхы газар дэлхэйгээр тараһан арбан хоёр угсаата Бурханай зон, таанадые Бурханай болон Дээдын Эзэн Иисус Христосой Яков зараса мэндэшэлнэ.

Пётрой 1-дэхи хандалга 2:25

Таанад төөриһэн хонид мэтэ адуулагшагүй ябаат, мүнөө Адуулагшадаа, харууһалагшадаа таанад бусажа ерээт.

Пётрой 2-дохи хандалга 1:1

Манай Бурхан ба Абарагша болохо Иисус Христосой үршөөһэн үнэн сэдьхэлэй ашаар маанадтал адли этигэл һүзэгтэй болоһон хүнүүд, таанадта Иисус Христосой зараса болон элшэн Симон Пётр бэшэнэ.

Иудын хандалга 1:1

Эсэгэ Бурханай хайра дурада хүртэһэн, Иисус Христосой харьяалда байһан Бурханда дуудуулһан хүнүүд аа, таанадые Иисус Христосой зараса, Яковай дүү Иуда амаршална.

Гэршэлгэ 1:1

Һаяар юун болохоёо байнаб гэжэ бүгэдыень зарасанартаа харуулхын тула Иисус Христосой гэршэлгые Бурхан тэрээндэ даалгаа һэн. Христос Өөрынгөө зараса Иоаннда Бурханай Эльгээмэлые ябуулжа, энээн тухай соносхоһон юм.

Гэршэлгэ 1:20

Минии гартаа баряад байхые шинии хараһан долоон одонуудай, алтан долоон дэнгүүдэй нюусань иимэ: долоон одонууд һүзэглэгшэдэй долоон бүлгэмүүдэй Бурханай Эльгээмэлнүүд мүн, шинии хараһан долоон дэнгүүд һүзэглэгшэдэй долоон бүлгэмүүд мүн гээшэ.

Гэршэлгэ 19:10

Би газарта һунан хэбтэжэ, хүлдэнь мүргөөб. Теэд тэрэ намда хэлэбэ: «Иимэ юумэ бү хээрэй, мэдэжэ бай! Би Иисус тухай гэршэлдэг шамтайл адли, шинии аха дүүнэртэл адли зарасань гээшэб! Бурханда һүгэдэн мүргэ! Иисус тухай гэршэлэгшэд лүндэншэдые урмашуулдаг һүлдэтэй юм».

Гэршэлгэ 2:12

Пергамай һүзэглэгшэдэй бүлгэмэй түлөөлэгшэдэ бэшээрэй: «Хоёр тээһээ хурса эритэй һэлмэтэ иигэжэ хэлэнэ:

Гэршэлгэ 2:8

Смирнын һүзэглэгшэдэй бүлгэмэй түлөөлэгшэдэ иигэжэ бэшээрэй: «Үхөөд байһанаа амидырһаниинь, Түрүүшынхи, Һүүлшынхинь гээшэб:

Гэршэлгэ 22:9

Теэд эльгээмэл намда иигэжэ хэлээ: «Боли даа, иимэ юумэ бү хэ! Би шам шэнгил, шинии лүндэншэд – аха дүүнэр шэнгил, энэ номой үгэнүүдые сахин бэелүүлэгшэдтэйл адли зараса гээшэб. Ши Бурханда һүгэдэн мүргэ!»