Фессалоникиинхидтэ 1-дэхи 5:11 - Шэнэ Хэлсээн

¹¹ Тиимэһээ таанад бэе бэеэ урмашуулдаг, бэе бэедээ туһалдаг заншалаа үргэлжэлүүлжэл байгты.

Библи

¹¹ Тиимэһээ таанад бэе бэеэ урмашуулдаг, бэе бэедээ туһалдаг заншалаа үргэлжэлүүлжэл байгты.

Фессалоникиинхидтэ 1-дэхи 5:11 Referencias Cruzadas

Римэйхиндэ 14:19

Тиимэһээл бидэ энхэ тайбаниие найруулдаг, бэе бэеынгээ этигэл һүзэг бэхижүүлдэг юумэнүүдтэ зорижо байха ёһотойбди.

Римэйхиндэ 15:14

Аха дүүнэрни, таанад эрхим һайнта, элдэб янзын эрдэм мэдэрэлтэйт, бэе бэеэ һургаха аргатайт гэжэ би хатуу этигэлтэй байнаб.

Римэйхиндэ 15:2

Бусад һүзэглэгшэдэй эрхим һайн байхын түлөө, этигэл һүзэгынь бата бэхи болгохын тула бидэ булта тэдэндэ аша туһатай юумэ хэхэ ёһотойбди.

Коринфынхидтэ 1-дэхи 10:23

Бидэ ямаршье юумэ хэхэ эрхэтэйбди гэжэ зарим хүнүүд хэлэдэг, гэхэтэй сасуу бүхы юумэн һайн бэшэ юм. «Бидэ ямаршье юумэ хэхэ эрхэтэйбди», гэхэтэй сасуу бүхы юумэн аша туһатай бэшэ юм.

Коринфынхидтэ 1-дэхи 14:12

Таанад оюун сэдьхэлэй абьяас бэлигтэй байхые хүсэжэ байгаа юм хадаа һүзэглэгшэдэй бүлгэмые бэхижүүлхэ абьяас бэлигүүдтэ элбэгээр хүртэхэеэ оролдогты.

Коринфынхидтэ 1-дэхи 14:29

Хоёр гү, али гурбан хүн Бурханай мэдээсэл элирүүлэг, харин бусад зон хэлэһэн тухайнь бодомжолжо байг.

Коринфынхидтэ 1-дэхи 14:5

Тиимэһээ танигдахагүй хэлэнүүд дээрэ дуугарһайт гэжэ би та бүхэндэ хүсэнэб, гэхэтэй сасуу Бурханай мэдээсэл элирүүлхэ абьяастай байһайт гэжэ би бүришье ехээр хүсэнэб. Юундэб гэхэдэ, мэдээсэл элирүүлһэн хүн танигдахагүй хэлэнүүд дээрэ дуугаржа байһан хүнһөө бүри шухала, зүгөөр һүзэглэгшэдэй бүлгэмдэ һургаал дамжуулхын тула танигдахагүй хэлэн дээрэ хэлэһэн юумэеэ тайлбарилха аргатай хүниие би энэ тоодо оруулнагүйб.

Коринфынхидтэ 2-дохи 12:19

Таанадай урда бэеэ хамгаалжа байнабди гэжэ ман тухай таанад саг үргэлжэ бодожо байнат гэжэ би мэдэнэб. Бидэ Бурханай урда Христосой маанадһаа дуулаха дуратай юумыел хэлэнэбди. Тиин, инаг хайрата аха дүүнэрни, маанадай бэшэжэ байһан юумэнүүд таанадайл аша туһада бэшэгдэнэ.

Эфесэйхиндэ 4:12

Тэрэ Бурханай хүнүүдые Бурханда алба хэхэ ажалда бэлдэхын тула, Христосой бэеые бодхохын тула тиигээ юм.

Эфесэйхиндэ 4:16

Христосой хүтэлбэри доро бэеын эрхэтэнүүд бүхэ зангилаагаар холбогдонхой байһанһаа боложо бэе өөрөө бүрин бүтэн байна. Эрхэтэн бүхэн өөрынгөө хэхэ ёһотой үүргые дүүргээд, бүхы бэе хайра дурын ашаар ургажа, өөрыгөө бүрилдүүлнэ.

Эфесэйхиндэ 4:29

Хорото үгэнүүд аманһаатнай бү гараг. Шагнажа байһан хүнүүдтэ хэрэгтэй, һүзэгыень бэхижүүлхэ аргатай, аша туһатайл үгэнүүдые хэлэжэ байгты.

Фессалоникиинхидтэ 1-дэхи 4:10

Таанад Македонидо ажаһуугаа бүхы һүзэглэгшэдтэ дуратайт. Аха дүүнэрнай, бүришье ехээр бэе бэедээ дуратай байгты гэжэ таанадые гуйнабди.

Фессалоникиинхидтэ 1-дэхи 4:18

Иигэжэл, эдэ үгэнүүдээр бэе бэеэ урмашуулжа байгты.

Тимофейдэ 1-дэхи 1:4

Арсалдаан лэ гаргадаг үльгэрнүүдээ, дууһашагүй угай бэшэгүүдээ хөөрэхэеэ болигты гэжэ тэдээндэ захираарай. Һүзэгынь Бурханай түсэбтэй таарахагүй байһаниинь мэдээжэ.

Еврейнүүдтэ 10:25

Маанадай зариман суглаагаа хаяжа ошодог заншалтай. Тиигэхэеэ болёод, орондонь Дээдын Эзэнэй ерэхэ Үдэрэй ойртохо туһамынь бэе бэеэ бүри ехээр зоригжуулжа, урмашуулжа байял.

Еврейнүүдтэ 3:13

Таанадай хэн нэгэнэй нүгэлөөр хорхойтуулагдан дошхорхогүйн тула, Нангин Бэшэгтэ бэшээтэй «мүнөөдэр» гэдэг үгын маанадта хандажа байхада, та бэе бэеэ үдэр бүхэндэ урмашуулжа байха ёһотойт.

Пётрой 2-дохи хандалга 1:12

Эдэ бүгэдые мэдээд, таанадта үгтэһэн үнэн зүбые хатуу баримталжа байгаашье һаатнай, би эдэниие таанадта дахин дахин һануулжа байхаб.

Иудын хандалга 1:20

Харин таанад, хүндэтэ аха дүүнэрни, Дээдын Эзэн Иисус Христосой хизааргүй үршөөлөөрөө таанадта мүнхын амидарал үгэхыень хүлеэжэ байхадаа, өөһэдыгөө нангин һүзэг дээрэ һуурижуулан ургуулжа байгты. Нангин Һүлдын урмашуулгаар зальбаржа, Бурханда дуратай байгты.