Yosua 7:12 - KYERƐW KRONKRON

¹² Na Israelfo rentumi nnyina wɔn atamfo anim, wɔn akyi na wɔbɛdan akyerɛ wɔn atamfo, efisɛ wɔayɛ ahyirade; merenkɔ so minni mo akyi, gye sɛ muyi ahyirade no hɔ fi mo mu.

Twerɛ Kronkron

¹² Na Israelfoɔ no rentumi nnyina wɔn atamfoɔ anim, wɔn akyiri na wɔbɛdane akyerɛ wɔn atamfoɔ, ɛfiri sɛ wɔayɛ ahyiradeɛ. Merenkɔ so menni mo akyi, gye sɛ moyi ahyiradeɛ no hɔ firi mo mu.

Akuapem Twi Nkwa Asɛm

¹² Ɛno nti na Israelfo adi nkogu na wɔreguan afi wɔn atamfo anim. Mprempren de, wɔayi Israel asi hɔ ama ɔsɛe. Merenka mo ho bio, gye sɛ mosɛe biribiara a ɛwɔ mo nkyɛn a anka ɛsɛ sɛ mosɛe no.

New Revised Asante Twi Bible

¹² Na Israelfoɔ no rentumi nnyina wɔn atamfoɔ anim, wɔn akyiri na wɔbɛdane akyerɛ wɔn atamfoɔ, ɛfiri sɛ wɔayɛ ahyiradeɛ. Merenkɔ so menni mo akyi, gye sɛ moyi ahyiradeɛ no hɔ firi mo mu.

Asante Twi Nkwa Asɛm

¹² Ɛno enti na Israelfoɔ adi nkoguo na wɔredwane afiri wɔn atamfoɔ anim. Seesei deɛ, wɔayi Israel asi hɔ ama ɔsɛeɛ. Merenka mo ho bio, gye sɛ mosɛe biribiara a ɛwɔ mo nkyɛn a anka ɛsɛ sɛ mosɛe no.

KYERƐW KRONKRON

¹² Na Israelfo rentumi nnyina wɔn atamfo anim, wɔn akyi na wɔbɛdan akyerɛ wɔn atamfo, efisɛ wɔayɛ ahyirade; merenkɔ so minni mo akyi, gye sɛ muyi ahyirade no hɔ fi mo mu.

Yosua 7:12 Referencias Cruzadas

Yesaia 59:2

na mmom mo amumɔyɛ ne nea ɛma mo ne mo Nyankopɔn ntam pan, na mo bɔne na akata n’ani afi mo ho a enti ontie.

Atemmufo 2:14

Na AWURADE bo fuw Israel, na ɔde wɔn hyɛɛ afowfo nsa na wɔfow wɔn, na ɔtɔn wɔn hyɛɛ wɔn atamfo a wɔatwa wɔn ho ahyia no nsa, na wɔantumi annyina wɔn atamfo anim bio.

4 Mose 14:45

Ɛnna Amalekfo ne Kanaanfo a wɔte bepɔw no so no sian bae bekunkum wɔn bobɔɔ wɔn pete koduu Horma.

Yosua 6:18

Mo ho yiye ara na monhwɛ nea AWURADE de ne nsa ato so no ho, na moamfa bi, na moamfa Israel nsra no amfa nea AWURADE de ne nsa ato so no amma amane amma so.

5 Mose 7:26

Na mfa akyide nkɔ wo fi, na woanyɛ abusude sɛ ɛno; ma ɛnyɛ wo tan na kyi, efisɛ ɛyɛ abusude.

Habakuk 1:13

Wo a w’aniwa yɛ kronkron a wuntumi nhwɛ bɔne na wuntumi nhwɛ ɔhaw, ɛdɛn nti na wohwɛ nkɔnkɔnsafo, na ɔbɔnefo mene ɔtreneeni a ɔteɛ sen no a, woyɛ komm?

Hosea 9:12

Na sɛ wɔyɛn wɔn mma po a, mɛma wɔadi awommawu na obi anka; na sɛ metwe me ho mifi wɔn ho a, wonnue ara!

Yeremia 23:33

Na sɛ ɔman yi anaa odiyifo anaa ɔsɔfo bi bisa wo sɛ: AWURADE atemmusɛm ne dɛn? A, ɛnne kyerɛ wɔn atemmusɛm ko no, na mesum mo magu, AWURADE asɛm ni.

Yeremia 6:8

Yerusalem, ma wɔnteɛ wo so, na me kra antwe amfi wo ho, na mamma woannan amamfo, asase a obiara nte so.

Mmebusɛm 28:1

Abɔnefo guan bere a obi ntaa wɔn, na treneefo de, wɔyɛ nnam sɛ gyataforo.

Atemmufo 2:4

Na AWURADE bɔfo no kaa nsɛm yi kyerɛɛ Israelfo no nyinaa no, ɔman no maa wɔn nne so sui.

4 Mose 14:39

Na Mose kaa nsɛm yi nyinaa kyerɛɛ Israelfo no nyinaa; na ɔman no dii nkɔmmɔ pii.

Atemmufo 16:20

Na ɔkae sɛ: Filistifo gu wo so, Samson! Na onyan fii ne nna no mu, na ose: Mefi adi sɛ kan no, na mahwanyan me ho. Nso na onnim sɛ AWURADE afi no ho.

1 Samuel 14:38

Ɛnna Saul kae sɛ: Mo dɔm mu atitiriw nyinaa, muntwiw mmɛn ha, na monhwɛ nhu dekode a enti bɔne yi aba nnɛ.

Nnwom 44:10

Woma yɛdan yɛn akyi kyerɛɛ yɛn ahoguanfo, na wɔn a wɔtan yɛn fow yɛn.

Nnwom 60:10

Ɛnyɛ wo, Nyankopɔn, na woasum yɛn agu yi, na wo, Nyankopɔn, ne yɛn dɔm ankɔ?

4 Mose 14:42

Mommforo nnkɔ, na AWURADE nni mo mu, na moantotɔ mo atamfo anim;

4 Mose 14:43

na Amalekfo ne Kanaanfo wɔ mo anim hɔ, na mobɛtotɔ nkrante ano; na sɛ moasan afi AWURADE akyi yi, AWURADE nso renni mo akyi.