Yohane 3:34 - KYERƐW KRONKRON

³⁴ Na nea Onyankopɔn asoma no no ka Onyankopɔn asɛm; na Onyankopɔn nsusuw Honhom ansa na ɔde ma.

Twerɛ Kronkron

³⁴ Na deɛ Onyankopɔn asoma no no ka Nyankopɔn nsɛm; na Onyankopɔn de Honhom ma mmorosoɔ.

Akuapem Twi Nkwa Asɛm

³⁴ Nea Onyankopɔn asoma no no ka Onyankopɔn asɛm, efisɛ Onyankopɔn de ne Honhom ahyɛ no ma.

New Revised Asante Twi Bible

³⁴ Na deɛ Onyankopɔn asoma no no ka Nyankopɔn nsɛm; na Onyankopɔn de Honhom ma mmorosoɔ.

Asante Twi Nkwa Asɛm

³⁴ Deɛ Onyankopɔn asoma no no ka Onyankopɔn asɛm, ɛfiri sɛ, Onyankopɔn de ne Honhom ahyɛ no ma.

KYERƐW KRONKRON

³⁴ Na nea Onyankopɔn asoma no no ka Onyankopɔn asɛm; na Onyankopɔn nsusuw Honhom ansa na ɔde ma.

Yohane 3:34 Referencias Cruzadas

Asomafo 10:38

Yesu a ofi Nasaret: sɛnea Onyankopɔn de Honhom Kronkron ne tumi sraa no, na okyinii yɛɛ yiye, na ɔsaa wɔn a ɔbonsam hyɛɛ wɔn so no yare, efisɛ Onyankopɔn ka ne ho.

Yohane 15:26

Na Okyigyinafo a mɛsoma no mabrɛ mo afi Agya no nkyɛn, nokware Honhom a ofi Agya no nkyɛn reba no, sɛ onya ba a, ɔno na obedi me ho adanse;

Mateo 12:18

Hwɛ, m’abofra a mayi no, nea medɔ no a me kra ani sɔ no; Mede me honhom megu no so, na waka atemmu akyerɛ amanaman mufo.

Kolosefo 2:9

efisɛ Kristo mu na Onyame ankasa mayɛ nyinaa te nipadua mu,

Yohane 5:26

Na sɛnea Agya no wɔ nkwa n’ankasa mu no, saa ara na ɔde ama Ɔba no nso sɛ onnya nkwa n’ankasa mu;

Luka 4:18

Awurade honhom wɔ me so, na enti wasra me sɛ memmɛka asɛmpa menkyerɛ ahiafo; wasoma me sɛ memmɛka ogye menkyerɛ nnommum ne adehu menkyerɛ anifuraefo, na memmrɛ wɔn a wɔapɛtɛw wɔn no fawohodi,

Kolosefo 1:19

Efisɛ ɛsɔɔ Onyankopɔn ani sɛ ne mayɛ nyinaa bɛtena ne mu,

Romafo 8:2

Na Kristo Yesu mu nkwa honhom mmara no agye me afi bɔne ne owu mmara no mu.

Yohane 7:16

Yesu buaa wɔn kae sɛ: Me kyerɛkyerɛ nyɛ me dea, na nea ɔsomaa me no dea.

Yohane 3:17

Na Onyankopɔn ansoma Ɔba no wiase sɛ ommebu wiase atɛn, na mmom sɛ wɔmfa no so nnye wiase.

Yohane 1:16

Na efi ne mayɛ mu na yɛn nyinaa anya adom de abɔ adom so.

Efesofo 3:8

Me a mene ahotefo nyinaa mu akumaa na wɔde adom yi adom me, sɛ menka Kristo ahonya a emu nni hwehwɛbea no ho asɛmpa menkyerɛ amanaman mufo,

Yohane 8:47

Nea ofi Nyankopɔn mu no tie Nyankopɔn asɛm; nea enti muntie wɔn ne sɛ, mumfi Nyankopɔn mu.

Adiyisɛm 22:1

Na ɔkyerɛɛ me nkwa nsu asubɔnten a ani tew sɛ ahwehwɛ a efi Nyankopɔn ne Oguammaa no ahengua no mu,

Yohane 16:7

Na meka mo nokware, eye ma mo sɛ mekɔ. Na sɛ mankɔ a, Okyigyinafo no remma mo nkyɛn; na sɛ mekɔ a, mɛsoma no aba mo nkyɛn.

2 Ahene 2:9

Na wotwae no, Elia ka kyerɛɛ Elisa se: Bisa nea menyɛ mma wo ansa na wɔafa me afi wo nkyɛn akɔ. Na Elisa sɛ: Ma wo honhom abupɛn abien mmra me so.

4 Mose 11:25

Na AWURADE sian omununkum no mu na ɔkasa kyerɛɛ no, na ɔde ne honhom a ɛwɔ no so no bi guu mpanyimfo aduɔsɔn no so; na honhom no bae wɔn so no, wɔkaa adiyisɛm, bere tiaa bi mu a wɔansan anyɛ bio.

Adiyisɛm 21:6

Na ɔka kyerɛɛ me sɛ: Wɔawie! Mene Alfa ne Omega, mfiase ne awiei no. Me na mede nkwa nsuti mu nsu mɛkyɛ obiara a osukɔm de no kwa.

Yohane 8:40

na afei morehwehwɛ me akum me, me a maka mo nokware a mate Onyankopɔn nkyɛn no. Eyi de, Abraham anyɛ.

Yesaia 59:21

Na me de, eyi ne me ne wɔn apam no, AWURADE na ose: Me honhom a ɛwɔ wo so no ne me nsɛm a mede mahyɛ w’anom no, ɛremfi w’anom ne w’asefo anom ne w’asefo asefo anom, AWURADE na ose, efi sesɛɛ de bɛkɔ akosi daa.

Nnwom 45:7

Wodɔ trenee, na wotan abɔnefosɛm, enti na Onyankopɔn, wo Nyankopɔn, de anigye ngo asra wo sen wo mfɛfo.

Asomafo 1:2

de besii da a ɔnam Honhom Kronkron so maa asomafo a ɔpaw wɔn no ahyɛde, na wɔfaa no kɔɔ soro no ho no.

3 Mose 7:35

Eyi ne Aaron kyɛfa ne ne mma kyɛfa a efi AWURADE gya afɔre mu, ɛda a wɔde wɔn bae sɛ wommedi AWURADE asɔfo,