Yesaia 2:12 - KYERƐW KRONKRON

¹² Na asafo AWURADE da bi wɔ hɔ a ɛbɛba atia nea ɛkorɔn na ɛyɛ sorɔnsorɔn nyinaa, ne nea wɔama so nyinaa so,

Twerɛ Kronkron

¹² Na asafo AWURADE da bi wɔ hɔ a ɛbɛba deɛ ɛkorɔn na ɛyɛ sorɔnsorɔn nyinaa ne deɛ wɔama soɔ nyinaa so, na abrɛ ase;

Akuapem Twi Nkwa Asɛm

¹² Asafo Awurade ahyɛ da bi ama ahomasofo nyinaa ne nea ɛma ne ho so nyinaa (wɔbɛbrɛ wɔn ase),

New Revised Asante Twi Bible

¹² Na asafo AWURADE da bi wɔ hɔ a ɛbɛba deɛ ɛkorɔn na ɛyɛ sorɔnsorɔn nyinaa ne deɛ wɔama soɔ nyinaa so, na abrɛ ase;

Asante Twi Nkwa Asɛm

¹² Asafo Awurade ahyɛ da bi ama ahomasofoɔ nyinaa ne deɛ ɛma ne ho so nyinaa (wɔbɛbrɛ wɔn ase),

KYERƐW KRONKRON

¹² Na asafo AWURADE da bi wɔ hɔ a ɛbɛba atia nea ɛkorɔn na ɛyɛ sorɔnsorɔn nyinaa, ne nea wɔama so nyinaa so,

Yesaia 2:12 Referencias Cruzadas

Malaki 4:1

Na hwɛ, ɛda no reba a ɛbɛhyew sɛ fononoo, na ahantanfo nyinaa ne obiara a odi abɔnefosɛm bɛyɛ sakran, na ɛda a ɛreba no bɛhyew wɔn, asafo Awurade na ose, na ɛrennyaw wɔn ntini anaa baa.

Yesaia 23:9

Asafo AWURADE abɔ ne tirim, sɛ obegurow ahoɔfɛ ne ahantan nyinaa, na wahura asase so anuonyamfo nyinaa ho.

Luka 14:11

Na obiara a ɔma ne ho so no, wɔbɛbrɛ no ase; na nea ɔbrɛ ne ho ase no, wɔbɛma no so.

Mmebusɛm 16:5

Koma mu kwasiarefo nyinaa yɛ AWURADE akyide, ampa ara, ne ho renyɛ tɔtorɔtɔɔ.

Yakobo 4:6

Nanso ɔma ɔdom bebree mmom. Enti na kyerɛw no se: Onyankopɔn siw ahantanfo kwan, na ɔdom ahobrɛasefo.

1 Tesalonikafo 5:2

Efisɛ mo ankasa munim yiye sɛ Awurade da no bɛba sɛ owifo ba anadwo.

1 Korintofo 5:5

momfa onii no nhyɛ Satan nsa, na ɔhonam no nsɛe, na wɔagye honhom no nkwa, Awurade da no.

Mateo 23:12

Na obiara a ɔbɛma ne ho so no, wɔbɛbrɛ no ase; na obiara a ɔbɛbrɛ ne ho ase no, wɔbɛma no so.

Malaki 4:5

Hwɛ, meresoma odiyifo Elia mabrɛ mo, ansa na Awurade da kɛse a ɛyɛ hu no aba.

Amos 5:18

Wonnue, wɔn a wɔfe AWURADE da no! AWURADE da yi bɛyɛ mo dɛn? Ɛyɛ esum, na ɛnyɛ hann.

Daniel 4:37

Afei me, Nebukadnesar, mekamfo ɔsoro hene mema no so miyi no ayɛ, sɛ ne nneyɛe nyinaa yɛ nokware, na n’akwan yɛ atɛntrenee, na wɔn a wɔnam ahantan so no, otumi brɛ wɔn ase.

Hesekiel 13:5

Mommforoo nnkogyinaa ntokuru no mu, na munntwaa Israel fi ho ban, sɛ ebegyina akono, AWURADE da no.

Yeremia 46:10

Saa da no yɛ AWURADE, asafo AWURADE de, aweretɔ da a ɔbɛtɔ n’atamfo so were. Na afoa bedidi amee, na wɔn mogya ama abow, na AWURADE, asafo AWURADE, wɔ okum afɔre, benkum fam asase so, wɔ asu Eufrate ho.

Yesaia 24:21

Ɛda no, AWURADE bɛtwe ɔsoro dɔm aso, ɔsoro, ne fam ahene aso, ɛfam.

Yesaia 24:4

Asase abotow na akisa, asase asɛe, na akisa, na ɔsoro ne asase so anuonyamfo asɛe.

Yesaia 13:9

Hwɛ, AWURADE da no reba, atirimmɔden ne anibere ne abufuhyew, sɛ ɔrebɛdan asase no afo, na wasɛe ɛso nnebɔneyɛfo afi so.

Yesaia 13:6

Munsu na AWURADE da no abɛn; ɛreba sɛ ɔsɛe a efi Otumfo no.

2 Samuel 22:28

Na ɔman a wohu amane no wugye wɔn, na w’ani sa ahantanfo na woabrɛ wɔn ase.

Hiob 24:1

Adɛn nti na Otumfo nhyɛ bere ntua abɔnefo ka, na wɔn a wonim no no nhu ne bere no?

Nnwom 131:1

AWURADE, me koma mma ne ho so, na m’ani ntra ne ntɔn, na menyɛ apɔmpɔmpɛ, na menhwehwɛ anwonwade a ɛkyɛn me.

Yesaia 42:15

Mɛma mmepɔw ne nkoko atwintwam, na mama ɛso nhaban nyinaa agunguan; na madan nsubɔnten nsupɔw, na mayow atare nyinaa.

Yesaia 61:2

na mempae AWURADE anisɔ afe, ne yɛn Nyankopɔn aweredi da no; menkyekye nkɔmmɔdifo nyinaa werɛ,

Yeremia 30:7

Buei! Ɛda no so a ebi renyɛ sɛ ɛno, na ɛyɛ ahohia bere ma Yakob; nanso wobefi emu hɔ ara agye no nkwa.

Mika 2:3

Enti sɛ AWURADE se ni: Hwɛ, meredwen abusua yi ho bɔne a morentumi nyiyi mo kɔn mfi mu, na morenyi akyea ahantan so nso, na ɛbɛyɛ bere bɔne.

Mika 5:11

na matwitwa w’asase so nkurow agu, na madwiriw w’abandennen nyinaa;

Sefania 1:16

torobɛnto ne osebɔ da a ɛreba afasu mu nkurow ne aban atenten ano sorɔnsorɔn so.

Sefania 3:11

Ɛda no w’ani renwu wo nneyɛe a wode too me mmara no nyinaa ho bio, na emu na meyi wɔn a wodi ahantan mu ahurusi no afi wo mu, na worenkɔ so nkyerɛ wo ho, me bepɔw kronkron no so.

Nnwom 18:28

Na wo na woma me kanea dɛw, AWURADE me Nyankopɔn, hyerɛn me sum mu.

Nnwom 37:13

AWURADE serew no, efisɛ wahu sɛ ne da reba.

Nnwom 94:2

Asase temmufo, ma wo ho so, tua ahokyerɛfo ka.

Yesaia 5:15

Na wɔabrɛ nnipa ase, na wɔde mmarima ahwe fam, na wɔabrɛ ahantanfo aniwa ase;

Yesaia 10:12

Na sɛ Awurade nya yɛ n’ade a ɔbɛyɛ, Sion bepɔw so ne Yerusalem wie a, mɛba mabetua Asaria hene komapirim ne n’ani a atra ne ntɔn no so ka.

Yesaia 10:33

Hwɛ, AWURADE, asafo AWURADE, de tumi a ɛyɛ hu resuaw nnubaa kusuu no, nnutan a ɛwowaree no, wobetwa agu, na nea ɛkorɔn no abrɛ ase;

Yesaia 13:11

Na mɛba mabɛtwe wiase aso, ne bɔne ho, ne abɔnefo aso, wɔn amumɔyɛ ho, na mama ahantanfo ahomaso no to atwa, na ahupoofo ahokyerɛ abrɛ ase;

Yesaia 14:15

Mmom asaman na woresian akɔ akodu amoa no ase tɔnn.

Yesaia 40:23

Ɔno na ɔma abirempɔn yɛ sɛ wɔnyɛ hwee, ɔdan asase so akannifo sɛ ahuhude.

Yeremia 12:9

So m’agyapade adan me ɔkɔre a ɔdɛnsow? So akɔre atwa ne ho ahyia? Monkɔ nkɔboaboa wuram mmoadoma nyinaa ano mmra, na wommedidi.

Yeremia 13:9

Sɛ AWURADE se ni: Saa ara na mɛsɛe Yuda ahantan ne Yerusalem ahantan bebrebe no.

Yeremia 50:31

Ɔhantanni, hwɛ, me ne wo na anya, AWURADE, asafo Nyankopɔn, asɛm ni, efisɛ wo bere adu, w’asotwe bere adu.