Yesaia 1:5 - KYERƐW KRONKRON

⁵ Ɛdɛn nti na wɔmmɔ mo ara na mokɔ so tew atua yi? Ti mu no nyinaa yare, na koma mu no nyinaa agurow;

Twerɛ Kronkron

⁵ Adɛn nti na wɔmmɔ mo ara, sɛ morekɔ so ara te atua yi? Etire mu no nyinaa yare, na akoma mu no nyinaa ahodwo.

Akuapem Twi Nkwa Asɛm

⁵ Adɛn nti na mopɛ sɛ wɔkɔ so boro mo? Adɛn nti na moda so tew atua? Wɔapira mo ti, na mo koma nso di yaw.

New Revised Asante Twi Bible

⁵ Adɛn nti na wɔmmɔ mo ara, sɛ morekɔ so ara te atua yi? Etire mu no nyinaa yare, na akoma mu no nyinaa ahodwo.

Asante Twi Nkwa Asɛm

⁵ Adɛn enti na mopɛ sɛ wɔkɔ so boro mo? Adɛn enti na moda so te atua? Wɔapira mo tiri, na mo akoma nso di yea.

KYERƐW KRONKRON

⁵ Ɛdɛn nti na wɔmmɔ mo ara na mokɔ so tew atua yi? Ti mu no nyinaa yare, na koma mu no nyinaa agurow;

Yesaia 1:5 Referencias Cruzadas

2 Ahene 1:13

Na ɔhene san somaa aduonum so safohene a ɔto so abiɛsa ne n’aduonum. Na aduonum so safohene a ɔto so abiɛsa no foro kɔe, na ɔkɔkotow ne nankoroma anim Elia anim, na ɔpaa no kyɛw ka kyerɛɛ no sɛ: Onyankopɔn nipa, ma me kra ne wo nkoa aduonum yi kra bo nyɛ den w’ani so.

2 Berɛsosɛm 28:22

Na n’ahohia bere mu no ɔhene Ahas no ara kɔɔ so fom AWURADE,

Nehemia 9:34

na yɛn ahene, yɛn mmapɔmma, yɛn asɔfo ne yɛn agyanom no anni wo mmara so, nanso wɔantie wo mmara nsɛm ne w’adanse a wudii wɔn no.

Yesaia 1:23

Wo mansohwɛfo yɛ mansotwefo ne awifo nnamfo; wɔn nyinaa pɛ ademmude na wodi akatua akyi; wonni mma nyisaa, na akunafo asɛm nnu wɔn anim.

Yesaia 31:6

Monsan mmra nea Israel mma wae fii ne ho no nkyɛn.

Yesaia 33:24

Na ɔmanfo no mu bi renka sɛ: Magurow! Ɔman a wɔte mu no, wɔde wɔn amumɔyɛ befiri wɔn.

Yesaia 9:13

Na ɔman no ansan amma nea ɔhwee wɔn no nkyɛn, na asafo AWURADE akyi kwan nso, wɔnhwehwɛe ɛ.

Yesaia 9:21

Manase we Efraim, na Efraim we Manase, na wɔn baanu nyinaa sɔre hyɛ Yuda. Eyi nyinaa mu no n’abufuw nnyaee ɛ, na ne nsa ateɛ ara.

Yeremia 13:23

So Etiopiani betumi asakra ne were, anaasɛ ɔsebɔ bɛsakra ne ho nworannworan? Ɛnne mo nso mubetumi ayɛ papa, mo a bɔneyɛ akokwaw mo.

Yeremia 17:9

Koma wɔ hɔ yi, ɛyɛ okontomponi sen ade nyinaa na ɛyɛ nsɛmmɔnedifo pa ara, hena na obenya mu ahuye?

Yeremia 2:30

Teta ara kwa na mebobɔɔ mo mma ade; wɔannye nteɛso. Mo afoa akunkum mo adiyifo sɛ gyata a ɔsɛe ade.

Yeremia 44:15

Ɛnna mmarima a wonim sɛ wɔn yerenom hyehyew aduhuam maa anyame foforo no nyinaa ne mmea a wogyinagyina hɔ no nyinaa, asafo kɛse, ne ɔman a wɔte Patros, Misraim asase so no nyinaa buaa Yeremia sɛ:

Yeremia 5:3

O AWURADE, so w’aniwa nsa nokware? Wobobɔ wɔn, na ɛnte wɔn; wodwɛre wɔn, wɔpo nteɛso; wɔahyɛ wɔn ani den sen ɔbotan, wɔmpɛ sɛ wonu wɔn ho.

Yeremia 5:31

Adiyifo hyɛ nkɔntoro, na asɔfo nam wɔn so di wɔn koko so asɛm; me man nso pɛ no sa, nanso n’awiei no, mobɛyɛ no dɛn?

Yeremia 5:5

Ma menkɔ nnipa akɛse no nkyɛn na menkasa nkyerɛ wɔn, efisɛ wɔn na wonim AWURADE akwan ne wɔn Nyankopɔn mmara no. Nanso wɔn nyinaa abubu kɔndua no atetew nkyehama no.

Yeremia 9:3

Na wɔdannan wɔn tɛkrɛma de yɛ wɔn ta di atoro, na wodi asase so tumi a wonni mma nokware, na wofi bɔne mu kɔ bɔne mu, na me de, wonnim me, AWURADE asɛm ni.

Kwadwom 5:17

Eyi nti na yɛn koma agurow, eyinom nti na yɛn ani so ayɛ kusuu.

Hesekiel 24:13

Wo fi mu wɔ abusude; sɛ matwiw wo ho na efi nti, wo ho rentew mfi wo fi no mu bio, de bɛkɔ akosi sɛ mɛma m’abufuhyew adwo wo ho.

Hesekiel 34:16

Nea wayera no, mɛhwehwɛ no, na nea wɔapam no no, mɛkɔ makɔfa no aba, na nea wabubu no, mɛkyekyere no, na nea ɔyare no, mɛhyɛ no den; na nea wadɔ srade ne nea ne ho yɛ den no, mɛhwɛ no so; mɛhwɛ wɔn trenee mu.

Hesekiel 34:4

Wɔn a wɔagurow no, monhyɛ wɔn den, na ayarefo nso, monsa wɔn yare; nea wabubu no, monkyekyere no, nea wɔapam no no, monkɔfa no mma, na nea wayera no, monhwehwɛ no, na mmom ɔhyɛ ne atirimɔden na mode di wɔn so.