Yakobo 2:4 - KYERƐW KRONKRON

⁴ ɛno ɛnyɛ ɔpae na mopaepae mo mu, na moayɛ atemmufo a wokura adwemmɔne?

Twerɛ Kronkron

⁴ ɛno ɛnyɛ paeɛ na mopaepae mo mu, na moayɛ adwemmɔne atemmufoɔ?

Akuapem Twi Nkwa Asɛm

⁴ wudi fɔ sɛ wugyina atemmu a efi adwemmɔne mu de nyiyimu abɛto mo mu no ho.

New Revised Asante Twi Bible

⁴ ɛno ɛnyɛ paeɛ na mopaepae mo mu, na moayɛ adwemmɔne atemmufoɔ?

Asante Twi Nkwa Asɛm

⁴ wodi fɔ sɛ wogyina atemmuo a ɛfiri adwemmɔne mu de nyiyimu abɛto mo mu no ho.

KYERƐW KRONKRON

⁴ ɛno ɛnyɛ ɔpae na mopaepae mo mu, na moayɛ atemmufo a wokura adwemmɔne?

Yakobo 2:4 Referencias Cruzadas

Yohane 7:24

Mummmu ntɛn sɛnea muhu kwa; na mummu ntɛn a ɛteɛ!

Hiob 34:19

Nea ɔnhwɛ atitiriw anim, na ommu ɔdehye nsen mmɔboroni; efisɛ ne nsa ano adwuma ne wɔn nyinaa.

Yakobo 4:11

Anuanom, munnnidi mo ho nseku! Nea odi onua ho nseku na obu ne nua atɛn no, odi mmara ho nseku na obu mmara atɛn. Na sɛ wubu mmara atɛn a, na wonyɛ mmara no yɛfo, na mmom woyɛ ne temmufo.

Malaki 2:9

Enti me nso mɛma mo anim agu ase, na moabrɛ ase ɔman no nyinaa anim, sɛnea munni m’akwan so na mohwɛ nnipa anim, mmara mu no ara pɛ.

Nnwom 82:2

Da bɛn na mubebu ntɛnkyew, na moahwɛ abɔnefo anim akosi? Sela

Nnwom 58:1

Mo atumfo, ampa ara moka asɛntrenee? Oo, nnipa mma, mubu atɛntrenee anaa?

Nnwom 109:31

sɛ ogyina ohiani nifa, na ɔregye no afi wɔn a wobu ne kra atɛn nsam.

Hiob 21:27

Hwɛ, minim mo adwene ne adwemmɔne a mowɔ no me ho no,

Luka 18:6

Na Awurade se: Muntie nea ɔtemmufo a ɔnteɛ yi ka!

Yakobo 3:17

Na nyansa a efi soro no de, nea edi kan ne sɛ ɛho tew, ɛwɔ asomdwoe, ɛwɔ odwo, ɛwɔ asoɔmmerɛw; mmɔborohunu ne aba pa ayɛ no ma, ennye akyinnye, ɛnyɛ nyaatwom.