Yakobo 1:12 - KYERƐW KRONKRON

¹² Nhyira ne onipa a ɔtɔ ne bo ase sɔhwɛ mu. Na sɛ onya yɛ emu tɔtorɔtɔɔ a, obenya nkwa abotiri a Awurade de ahyɛ wɔn a wɔdɔ no bɔ no.

Twerɛ Kronkron

¹² Nhyira ne onipa a ɔtɔ ne bo ase wɔ sɔhwɛ mu. Na sɛ ɔnya firi mu fi tɔtorɔtɔɔ a, ɔbɛnya nkwa abotire a Awurade de ahyɛ wɔn a wɔdɔ no no bɔ.

Akuapem Twi Nkwa Asɛm

¹² Nhyira nka onipa a onya gyidi wɔ amanehunu mu, efisɛ ɔno na obenya akyɛde a Onyankopɔn ahyɛ ho bɔ ama wɔn a wɔdɔ no no.

New Revised Asante Twi Bible

¹² Nhyira ne onipa a ɔto ne bo ase wɔ sɔhwɛ mu. Na sɛ ɔnya firi mu fi tɔtorɔtɔɔ a, ɔbɛnya nkwa abotire a Awurade de ahyɛ wɔn a wɔdɔ no no bɔ.

Asante Twi Nkwa Asɛm

¹² Nhyira nka onipa a ɔnya gyidie wɔ amanehunu mu, ɛfiri sɛ, ɔno na ɔbɛnya akyɛdeɛ a Onyankopɔn ahyɛ ho bɔ ama wɔn a wɔdɔ no no.

KYERƐW KRONKRON

¹² Nhyira ne onipa a ɔtɔ ne bo ase sɔhwɛ mu. Na sɛ onya yɛ emu tɔtorɔtɔɔ a, obenya nkwa abotiri a Awurade de ahyɛ wɔn a wɔdɔ no bɔ no.

Yakobo 1:12 Referencias Cruzadas

1 Mose 22:1

Na nsɛm yi akyi no, Onyankopɔn sɔɔ Abraham hwɛe, na ɔka kyerɛɛ no sɛ: Abraham! Na ose: Mini.

Nehemia 1:5

na mise: Ao, AWURADE, ɔsoro Nyankopɔn, Onyankopɔn kɛse a ne ho yɛ hu a wokora apam ne adɔe ma wɔn a wɔdɔ wo ne wɔn a wodi wo mmara nsɛm so no!

Hiob 2:10

Na Hiob buaa no sɛ: Sɛ mmea nnyennyentwi no mu bi kasa na wokasa yi. Yɛagye Onyankopɔn hɔ adepa, na adebɔne na yɛrennye anaa? Eyi nyinaa mu no Hiob amfa n’ano anyɛ bɔne.

Hiob 5:17

Hwɛ, nhyira ne ɔdesani a Onyankopɔn ka n’anim, na otumfo nteɛso no, ɔmpo!

Nnwom 11:5

AWURADE sɔ ɔtreneeni hwɛ, na ɔbɔnefo ne nea ɔpɛ amim de, ne kra tan no.

Nnwom 119:67

Wonnya mmrɛɛ me ase no, mefomee, na afei midi w’asɛm so.

Nnwom 119:71

Eye ma me sɛ wobrɛɛ me ase, na ama masua w’ahyɛde.

Nnwom 119:75

AWURADE, mahu sɛ w’atemmu yɛ trenee, na wode nokwaredi abrɛ me ase.

Nnwom 5:11

Na ma wɔn a woguan toa wo nyinaa ani nnye, na wɔmfa ahosan nhuro daa, efisɛ woakata wɔn so, na ma wɔn a wɔdɔ wo din no ani nka wo ho.

Nnwom 94:12

Nhyira ne onipa a wo, AWURADE, wotwe n’aso, na wufi wo mmara no mu kyerɛkyerɛ no,

2 Mose 20:6

na meyɛ mpem a wɔdɔ me na wodi me mmara nsɛm so adɔe.

Mmebusɛm 17:3

Kyɛmfɛre wɔ hɔ ma dwetɛ, na fononoo wɔ hɔ ma sika; na AWURADE na ɔsɔ koma hwɛ.

Yesaia 64:4

Na efi tete bemee wɔntee, ɛnkɔɔ obi asom, aniwa nso nhui Onyankopɔn bi a odi ma nea n’ani da no so, gye wo nko.

Sakaria 13:9

Na mede nkyɛmu a ɛto so abiɛsa no mɛfa ogya mu, na manan wɔn sɛ wɔnan dwetɛ, na mayiyi wɔn mu sɛ woyiyi sika mu. Wɔbɛbɔ me din, na me nso mebua wɔn; mɛka sɛ: Me man ne wɔn! Na wɔn nso aka sɛ: Awurade me Nyankopɔn!

Mateo 10:22

Na me din nti nnipa bɛtan mo; na nea obegyina ano akodu awiei no, ɔno na wobegye no nkwa.

Mateo 25:34

Ɛno na ɔhene bese wɔn a wɔwɔ ne nifa no sɛ: Mo a m’agya ahyira mo, mommra mmɛfa ahenni a wɔasiesie ama mo fi wiase mfiase no nni!

Luka 6:22

Nhyira ne mo sɛ nnipa kyi mo, na woyi mo fi wɔn mu, na wɔyaw mo, na wɔbɔ mo dimmɔne onipa ba no nti.

Romafo 5:4

na boasetɔ de osuahu ba, na osuahu de anidaso ba.

Romafo 8:28

Na yenim sɛ wɔn a wɔdɔ Onyankopɔn no, ade nyinaa di boa wɔn ma ewie wɔn yiye, wɔn a wɔnam n’atirimbɔ no so afrɛ wɔn no.

1 Korintofo 2:9

na mmom, sɛnea wɔakyerɛw sɛ nea aniwa nhui, na aso ntee, na ɛmaa onipa koma mu da ne nea Onyankopɔn asiesie ama wɔn a wɔdɔ no.

1 Korintofo 8:3

Na obi dɔ Onyankopɔn a, ɔno na Onyankopɔn nim no.

1 Korintofo 9:25

Na obiara a osi agodi kane no, ɔsɔre ne ho nneɛma nyinaa mu; na wɔn de, wɔyɛ na wɔanya abotiri a ɛsɛe, na yɛn de, nea ɛnsɛe.

5 Mose 13:3

ntie odiyifo anaa ɔdaesofo no nsɛm no, efisɛ AWURADE mo Nyankopɔn resɔ mo ahwɛ na wahu sɛ mode mo koma nyinaa ne mo kra nyinaa dɔ AWURADE mo Nyankopɔn anaa.

5 Mose 7:9

Enti hu sɛ AWURADE wo Nyankopɔn no, ɔno ne Nyankopɔn, Onyankopɔn nokwafo a ɔkora apam ne adɔe ma wɔn a wɔdɔ no na wodi ne mmara nsɛm so kosi awo ntoatoaso apem so,

5 Mose 8:2

Na kae ɔkwan a AWURADE wo Nyankopɔn ma wonantew so mfirihyia aduanan yi sare so no nyinaa, sɛ ɔrebrɛ wo ase asɔ wo ahwɛ, na wahu nea ɛwɔ wo koma mu, sɛ wubedi ne mmara nsɛm so anaasɛ worenni.

2 Timoteo 2:15

Bɔ mmɔden fa wo ho gyina Onyankopɔn anim sɛ nea ɔfata, sɛ odwumayɛni a enhia sɛ ɔfɛre, na ɔpɛɛpɛɛ nokwasɛm no mu pɛpɛɛpɛ.

2 Timoteo 4:8

Nea aka a ɛda me hɔ ne trenee abotiri a Awurade, ɔtemmufo trenee no, de bɛma me ɛda no, na ɛnyɛ me nko, na mmom wɔn a wɔdɔ n’ahoyi no nyinaa nso bi.

Hebrifo 10:32

Na monkae sɛ kan nna a munyaa hann no, mumiaa mo ani huu ɔko bebree mu amane.

Hebrifo 11:17

Gyidi nti na wɔsɔɔ Abraham hwɛe no, ɔde Isak kɔbɔɔ afɔre, na nea ogyee bɔhyɛ no, de ne ba koro no kɔmae.

Hebrifo 12:5

na mo werɛ afi afotu a ɛkasa kyerɛ mo sɛ mma no sɛ: Me ba, mmu Awurade asotwe ade ketewa, nanso oyi wo ntɛn a, mma w'aba mu mmu.

Hebrifo 6:15

Na ɔtɔɔ ne bo ase twɛnee saa no, ne nsa kaa bɔhyɛ no.

Yakobo 2:5

Me nuanom adɔfo, muntie! So Onyankopɔn mpaw wiase ahiafo sɛ wɔnyɛ gyidi mu ahonyafo ne ahenni a ɔde ahyɛ wɔn a wɔdɔ no bɔ no difo?

Yakobo 5:11

Hwɛ, yebu wɔn a wohuu amane tɔɔ wɔn bo ase wɔ mu no ahotɔfo. Moate Hiob amanehunu mu boasetɔ no, na moahu sɛnea Awurade ma ewiee no, sɛnea Awurade ayamye dɔɔso, na ɔyɛ timmɔbɔ.

1 Petro 3:14

Na sɛ trenee nti muhu amane nso a, nhyira ne mo. Na munnsuro wɔn ho hu, na mommma mo bo nntutu.

1 Petro 4:13

na mmom, sɛnea moayɛ Kristo amanehunu no fafafo no, momma mo ani nnye, na sɛ woyi n’anuonyam no adi a, mode ahosan ama mo ani agye nso.

1 Petro 4:14

Sɛ wɔyaw mo Kristo din nti a, nhyira ne mo, efisɛ anuonyam ne Onyankopɔn honhom wɔ mo so.

1 Petro 5:10

Na adom nyinaa Nyankopɔn a wafrɛ mo aba ne daa anuonyam no mu Kristo mu no, ɔno ara na sɛ munya hu amane kakra ansa a, obesiesie mo pɛ, ɔbɛma mo ase atim, ɔbɛhyɛ mo den, ɔbɛma moanya nnyinaso.

1 Petro 5:4

Na oguanhwɛfo panyin no yi ne ho adi a, moanya anuonyam abotiri a ɛrensɛe da no.

1 Yohane 4:19

Yɛdɔ, efisɛ ɔno na ɔdɔɔ yɛn kan.

Adiyisɛm 2:10

Nsuro amane a worebehu biara. Hwɛ, ɔbonsam de mo mu binom begu afiase, na wɔasɔ mo ahwɛ, na mubehu amane dadu. Di nokware kodu wu mu, na mɛma wo nkwa abotiri.

Adiyisɛm 3:19

Dodow a medɔ wɔn no, miyi wɔn ntɛn na metwe wɔn aso; enti bɔ mmɔden na sakra w’adwene!

Adiyisɛm 3:21

Nea odi nkunim no, mɛma ɔne me atena m’ahengua so, sɛnea me nso madi nkonim na me ne m’Agya te n’ahengua so no.