Sakaria 8:12 - KYERƐW KRONKRON

¹² Na nea wodua no asomdwoe mu, obobe, bɛsow n’aba, na asase ama ne nnɔbae, na ɔsoro bɛtɔ ne bosu, na mɛma ɔman yi nkae afa eyinom nyinaa adi.

Twerɛ Kronkron

¹² Na deɛ wɔdua no asomdwoeɛ mu, obobe, bɛso n’aba, na asase ama ne nnɔbaeɛ, na ɔsoro bɛtɔ ne bosuo, na mɛma ɔman yi nkaeɛ afa yeinom nyinaa adi.

Akuapem Twi Nkwa Asɛm

¹² “Aba no benyin yiye, bobe bɛsow nʼaba, asase no bɛbɔ nʼaduan na ɔsoro nso bɛtɔ ne bosu. Mede saa nneɛma yi nyinaa bɛma nkae yi sɛ wɔn agyapade.

New Revised Asante Twi Bible

¹² Na deɛ wɔdua no asomdwoeɛ mu, obobe, bɛso n’aba, na asase ama ne nnɔbaeɛ, na ɔsoro bɛtɔ ne bosuo, na mɛma ɔman yi nkaeɛ afa yeinom nyinaa adi.

Asante Twi Nkwa Asɛm

¹² “Aba no bɛnyini yie, bobe bɛso nʼaba, asase no bɛbɔ nʼaduane na ɔsoro nso bɛtɔ ne bosuo. Mede saa nneɛma yi nyinaa bɛma nkaeɛfoɔ yi sɛ wɔn agyapadeɛ.

KYERƐW KRONKRON

¹² Na nea wodua no asomdwoe mu, obobe, bɛsow n’aba, na asase ama ne nnɔbae, na ɔsoro bɛtɔ ne bosu, na mɛma ɔman yi nkae afa eyinom nyinaa adi.

Sakaria 8:12 Referencias Cruzadas

5 Mose 33:13

Na Yosef ho nso, ɔkae sɛ: AWURADE nhyira n’asase; ɔmma no ɔsoro nnepa, obosu ne ebun a ɛtrɛw ase no de,

1 Mose 27:28

Onyankopɔn mma wo ɔsoro bosu ne asase srade bi, ne aburow ne nsa pii.

Mateo 6:33

Na monhwehwɛ Onyankopɔn ahenni ne ne trenee kan; na wɔde eyinom nyinaa bɛka mo ho.

Sakaria 8:6

Sɛ asafo AWURADE se ni: Sɛ ɛyɛ ɔman yi nkae ani so nwonwa nna yi mu a, so m’ani so nso ɛbɛyɛ nwonwa? Asafo AWURADE asɛm ni.

Hagai 1:10

Ne saa nti na ɔsoro akame obosu, na asase akame ne nnɔbae,

Yoel 2:22

Wuram mmoa, munnsuro, na sare so wura momono refefɛw, na nnua resow n’aba, borɔdɔma ne bobe reyi n’ahoɔden ama.

Yakobo 3:18

Na wogu trenee aba asomdwoe mu ma wɔn a wɔyɛ asomdwoe ade.

1 Korintofo 3:21

Enti obiara nnhoahoa ne ho nnipa fam; na nneɛma nyinaa yɛ mo de,

Hosea 14:5

Mɛdan sɛ obosu mama Israel, ne nhwiren bɛhan sɛ sukooko, na wagye ntini sɛ Lebanon;

Hesekiel 36:30

na mɛma nnua aba ne mfuw mu nnɔbae adɔɔso, na moansoa ɔkɔm ho nsopa, amanaman mu bio.

Yesaia 61:7

Mo aniwu no ananmu mubenya mmɔho, na ahohora ananmu mubedi mo kyɛfa ho ahurusi; ɛno nti mubenya mmɔho, mo asase so, daa anigye bɛyɛ mo dea.

Yesaia 30:23

Na ɔbɛma osu agu w’aba a woagu ɛfam ne asase nnɔbae aduan so, na ayɛ aduan pa sɔɔsɔɔ. Wo mmoakuw bedidi da no, adidibea a ɛtrɛw so;

1 Mose 26:12

Na Isak duaa mfude wɔ asase no so, na onyaa nnɔbae mmɔho ɔha afirihyia no ara mu, na Awurade hyiraa no.

Hesekiel 36:12

Na mɛma nnipa anantew mo so, me man Israel no, na wɔafa wo ayɛ wɔn de, na woayɛ wɔn agyapade, na worenkɔ so mma wonni mmasigyaw bio.

Mmebusɛm 19:12

Ɔhene abufuw te sɛ gyata mmobom, na n’anisɔ te sɛ wura so bosu.

Nnwom 72:3

Mmepɔw bɛsow asomdwoe ama ɔman, na nkoko nso de trenee aba.

5 Mose 33:28

Na Israel bɛtena hɔ dwoodwoo, Yakob asubura no, ne nko na ɔbɛtena, ɔbɛtena aburow ne nsa asase so; ne soro nso bɛsosɔ obosu.

5 Mose 32:2

Me kyerɛ nsosɔ sɛ nsu, na me kasa ngu sɛ obosu, sɛ wura so mfetema ne nhaban so hasu.

1 Ahene 17:1

Na Tisbini Elia a ofi Gilead atubrafo no mu ka kyerɛɛ Ahab sɛ: Sɛ AWURADE Israel Nyankopɔn a migyina n’anim te ase yi, obosu anaa osu rentɔ mfe yi mu gye sɛ ɛnam m’asɛm so!

3 Mose 26:3

Sɛ mofa m'ahyɛde so na mohwɛ me mmara nsɛm na moyɛ a,

Nnwom 85:12

Nso AWURADE bɛma papa, na yɛn asase bɛma ne nnɔbae.

Hosea 13:3

Ne saa nti wɔbɛyɛ sɛ anɔpa mununkum ne obosu a etua ahema kɔ, sɛ ntɛtɛwa a ahum hwim fi awiporowbea ne owusiw a etu fa mfɛnsere mu kɔ no.

Hagai 2:18

Ao, munsusuw ho, Ao, munsusuw bere a abɛsen kɔ no ho. Na aba bi da so wɔ ɔsan so?. Bobe ne borɔdɔma ne atoaa aba ne ngodua sow anaa?. Afei monhwɛ mfi nnɛ da yi rekɔ, mumfi bosome a ɛto so akron no da a ɛto so aduonu anan a ɛne da a wɔhyɛɛ Awurade Asɔrefi no ase no nhwɛ ɛ. Ɛda yi na mefi ase ahyira mo.

Yeremia 31:12

Na wɔbɛba abɛto ahurusi dwom, Sion sorɔnsorɔmmea ho, na wɔn ani aka AWURADE nnepa ho, aduan ne nsa ne ngo ne nguammaa ne anantwi ho, na wɔn kra ayɛ sɛ turo a anya nsu pii, na wɔrenkɔ so ntɔ piti bio.

Hesekiel 34:28

Na wɔrenyɛ amanaman afow ade bio, na asase so mmoa rensɛe wɔn bio, na wɔbɛtena ase dwoodwoo a obi bi renyi wɔn hu.

Hesekiel 36:9

Na hwɛ, meredi mama mo, na madan maba mo nkyɛn, na wɔbɛdɔw mo, na wɔadua mo so aduan.

Yoel 2:19

Na AWURADE ka kyerɛɛ ne man sɛ: Hwɛ, merebrɛ mo aduan, nsamono ne ngo, na moamee, na meremfa mo memma ahohora amanaman mu bio.

Sefania 3:13

Israel nkae no renyɛ mfomsode, na wɔrenka atosɛm, na wɔrenhu nsisi tɛkrɛma wɔn anom, na wɔn de, wɔbɛyɛn wɔn ho na wɔabutubutuw hɔ, na obi renyi wɔn hu.

Malaki 3:11

Na mɛyaw odidifo no mama mo, na wammɛsɛe asase aba amma mo, na afuw mu bobe aba ammɔ mo, asafo Awurade na ose.