Nnwom 101:5 - KYERƐW KRONKRON

⁵ Nea ohintaw twiri ne yɔnko no, ɔno na metwa no; ahantan ani ne koma a ɛhoran merempene no.

Twerɛ Kronkron

⁵ Deɛ ɔhunta twiri ne yɔnko no, ɔno na mɛtwa no; ahantan ani ne akoma a ɛhoran merempene no.

Akuapem Twi Nkwa Asɛm

⁵ Obiara a odi ne yɔnko ho nseku wɔ kokoa mu no, ɔno na mɛsɛe; nea ɔwɔ ahantan ani ne ahomaso koma, ɔno na merennyigye no so.

New Revised Asante Twi Bible

⁵ Deɛ ɔhunta twiri ne yɔnko no, ɔno na mɛtwa no; ahantan ani ne akoma a ɛhoran merempene no.

Asante Twi Nkwa Asɛm

⁵ Obiara a ɔdi ne yɔnko ho nsekuro wɔ kɔkoam no, ɔno na mɛsɛe; deɛ ɔwɔ ahantan ani ne ahomasoɔ akoma, ɔno na merennyegye ne so.

KYERƐW KRONKRON

⁵ Nea ohintaw twiri ne yɔnko no, ɔno na metwa no; ahantan ani ne koma a ɛhoran merempene no.

Nnwom 101:5 Referencias Cruzadas

Nnwom 138:6

Na AWURADE wɔ ɔsorosoro, na ɔhwɛ ahobrɛasefo, na ahantanfo de, ohu wɔn wɔ akyirikyiri.

Nnwom 15:3

Ɔmfa ne tɛkrɛma nni nseku, na ɔnyɛ ne yɔnko bɔne, na ɔmmɔ ne mfɛfo ahohora.

Nnwom 18:27

Na wo na wugye ahobrɛasefo, na wobrɛ ahantanfo ase.

Nnwom 50:20

Wotena ase ka wo nua ho nsɛm, wo na ba mpo, wosopa no.

2 Mose 20:16

Nni wo yɔnko ho adansekurum.

2 Mose 23:1

Ntie atesɛm hunu. Wo ne ɔbɔnefo nnni nsawɔso sɛ wubedi nkontompo adanse.

Mmebusɛm 10:18

Nea ɔkata nitan so no wɔ atoro ano, na nea otwiri obi no yɛ ɔkwasea.

Mmebusɛm 20:19

Nea okyin di nseku no yi ahintasɛm adi, na mfa wo ho mmɔ okurokurofo ho.

Mmebusɛm 21:4

Ani a ɛtra ntɔn ne koma a ɛhoran, abɔnefo kanea, ɛyɛ bɔne.

Mmebusɛm 25:23

Atifi fam mframa wo osu, na ntwiri tɛkrɛma wo abufunim.

Mmebusɛm 30:13

Nnipa bi wɔ hɔ a wɔn ani tra wɔn ntɔn, na wɔamoma wɔn anisuatɛtɛw so!

Yesaia 2:11

Nnipa ahantan aniwa bɛbrɛ ase, na mmarima ahomaso ahwe fam, na wɔama AWURADE nko so ɛda no.

Hesekiel 22:9

Nkontompo wɔ wo mu, sɛ wobehwie mogya agu, na mmepɔw so na wodidi wo mu, na ahohorade na wɔyɛ, wo mfinimfini.

Daniel 4:37

Afei me, Nebukadnesar, mekamfo ɔsoro hene mema no so miyi no ayɛ, sɛ ne nneyɛe nyinaa yɛ nokware, na n’akwan yɛ atɛntrenee, na wɔn a wɔnam ahantan so no, otumi brɛ wɔn ase.

3 Mose 19:16

Nkyin wo nkurɔfo mu nni nseku; nsɔre nhyɛ wo yɔnko mogya: Mene AWURADE.

Luka 18:14

Mise mo sɛ: Oyi de bem kɔɔ ne fi mmom sen obiako no; na obiara a ɔma ne ho so no, wɔbɛbrɛ no ase, na nea ɔbrɛ ne ho ase no, wɔbɛma no so.

1 Korintofo 5:11

Na afei makyerɛw mo sɛ, sɛ obi a wɔfrɛ no onua yɛ oguamammɔfo anaa oniberefo anaa ɔbosonsonni anaa ntɔkwapɛfo anaa ɔsabofo anaa omimfo a, mo ne no mmmɔ; saa onipa no, mo ne no nnnidi mpo.

1 Timoteo 3:11

Mmea no nso anim nyɛ duru saa ara, wɔnnyɛ nsekufo, wɔn ani so nna hɔ, wonni ade nyinaa mu nokware.

Tito 2:3

Mmerewa nso mmu wɔn bra sɛnea ɛfata nnipa kronkron, wonni nseku, wɔnnyɛ asadweam; wɔnkyerɛkyerɛ nsɛm pa,

1 Samuel 2:3

Monnkasa ahantan kasa bebree sa, mommma ahomaso kasa mmfi mo anom, na AWURADE ne Nyankopɔn a ohu ade nyinaa, na ɔno na ɔkari nneyɛe.