Hosea 10:8 - KYERƐW KRONKRON

⁸ Na wɔbɛsɛe Bet-awen sorɔnsorɔmmea a ɛne Israel bɔne no; nsɔe ne nnɛnkyɛnse befifi wɔn afɔremuka so, na wɔbɛka akyerɛ mmepɔw sɛ: Mommɛkata yɛn so! Ne nkoko sɛ: Mommɛhwe yɛn so!

Twerɛ Kronkron

⁸ Na wɔbɛsɛe Bet-awen sorɔnsorɔmmea a ɛne Israel bɔne no; nkasɛɛ ne nnɛnkyɛnse bɛfifiri wɔn afɔrebukyia so, na wɔbɛka akyerɛ mmepɔ sɛ: Mommɛkata yɛn so! ne nkokoɔ sɛ: Mommɛhwe yɛn so!

Akuapem Twi Nkwa Asɛm

⁸ Wɔbɛsɛe abosonnan a wodi awurukasɛm ne bɔne wɔ mu no. Nsɔe ne nnɛnkyɛnse befifi hɔ, na akata wɔn afɔremuka so. Afei wɔbɛka akyerɛ mmepɔw se, “Mommɛkata yɛn so!” na wase nkoko se, “Munnwiriw ngu yɛn so!”

New Revised Asante Twi Bible

⁸ Na wɔbɛsɛe Bet-awen sorɔnsorɔmmea a ɛne Israel bɔne no; nkasɛɛ ne nnɛnkyɛnse bɛfifiri wɔn afɔrebukyia so, na wɔbɛka akyerɛ mmepɔ sɛ: Mommɛkata yɛn so! ne nkokoɔ sɛ: Mommɛhwe yɛn so!

Asante Twi Nkwa Asɛm

⁸ Wɔbɛsɛe abosonnan a wɔdi awurukasɛm ne bɔne wɔ mu no. Nkasɛɛ ne nnɛnkyɛnse bɛfifiri hɔ, na akata wɔn afɔrebukyia so. Afei wɔbɛka akyerɛ mmepɔ sɛ, “Mommɛkata yɛn so!” na wase nkokoɔ sɛ, “Monnwiri ngu yɛn so!”

KYERƐW KRONKRON

⁸ Na wɔbɛsɛe Bet-awen sorɔnsorɔmmea a ɛne Israel bɔne no; nsɔe ne nnɛnkyɛnse befifi wɔn afɔremuka so, na wɔbɛka akyerɛ mmepɔw sɛ: Mommɛkata yɛn so! Ne nkoko sɛ: Mommɛhwe yɛn so!

Hosea 10:8 Referencias Cruzadas

1 Mose 3:8

Na wɔtee AWURADE Nyankopɔn nka sɛ ɔnam turom hɔ wɔ anwummere mfare mu. Na Adam no ne ne yere kohintaw fii AWURADE Nyankopɔn anim wɔ turom hɔ nnua mu.

1 Ahene 13:2

Na ɔnam AWURADE asɛm so teɛɛm hyɛɛ afɔremuka no sɛ: Afɔremuka, afɔremuka, sɛ AWURADE se ni: Hwɛ, wɔbɛwo ɔba ama Dawid fi a ne din de Yosia, na wo so na ɔde sorɔnsorɔmmea asɔfo a wɔhyew wo so aduhuam no bɛbɔ afɔre, na wahyew nnipa nnompe wɔ wo so.

1 Ahene 13:34

Na asɛm yi dan Yeroboam fi bɔne a ɛma wɔdwerɛw wɔn na wɔsɛee wɔn fii asase ani.

1 Ahene 14:16

Na Yeroboam bɔne a ɔyɛe na ɔde maa Israel yɛɛ bɔne no nti, obegyaa Israel mu ama.

2 Ahene 23:15

Bio nso afɔremuka a ɛwɔ Betel, sorɔnsorɔmmea a Nebat ba Yeroboam a ɔmaa Israel yɛɛ bɔne no yɛe no, afɔremuka no nso ne sorɔnsorɔmmea no, oburuwii, na ɔhyew sorɔnsorɔmmea no yam no fekɔfekɔ ma ɛyɛɛ mfuturu, na ɔhyew Asera nnua no.

2 Berɛsosɛm 31:1

Na wowiee eyi nyinaa no, Israelfo a wohuu wɔn hɔ no nyinaa fii adi kɔɔ Yuda nkurow mu, na wokobubuu adum, na wotwitwaa Asera nnua, na woburuw sorɔnsorɔmmea ne afɔremuka no, Yuda ne Benyamin nyinaa, ne nea ɛwɔ Efraim ne Manase no nso, de kosii sɛ wowiei. Ɛnna Israelfo no nyinaa san kokɔɔ wɔn de mu, wɔn nkurow mu.

Yesaia 2:19

Monhyɛn abodan ne abotan mu, ntokuru ne fam amoa mu, afi AWURADE ho hu anim, ne ne kɛseyɛ anuonyam no ho, da a ɔbɛsɔre abɛwosow asase no.

Yesaia 2:21

na wahyɛn abotan ntokuru ne abo mpaepae mu, afi AWURADE ho hu anim, ne ne kɛseyɛ anuonyam no ho, da a ɔbɛsɔre abɛwosow asase no.

Yesaia 32:13

Nsɔe ne nguare fuw me man asase no so, anigye kurow no mu anigye adan nyinaa so po.

Yesaia 34:13

Nsɔe befuw n’aban afɛfɛ mu, na ahyehyensa ne nkraadua afuw n’abandennen mu, na ayɛ sakraman tenabea ne nsohori adidibea.

Hosea 10:2

Wɔn koma mu apaepae, afei ɛso bebua wɔn. Ɔno na obedwiriw wɔn afɔremuka agu, na wasɛe wɔn ahoni adum no.

Hosea 10:5

Bet-awen nantwi mma nti na Samariafo besuro; na ne man di ne ho nkɔmmɔ, na n’asɔfo ho popo n’anuonyam ho, sɛ wɔatu afi wɔn mu kɔ.

Hosea 10:9

Israel, wufi Gibea nna no so ayɛ bɔne; ɛhɔ na wogyinae; Gibea sa a wotui mmabusufo no so no anto wɔn.

Hosea 2:6

Ne saa nti, hwɛ, mede nsɔe metwa wo kwan so ban, na mato so fasu, na wanhu kwan mu.

Hosea 4:13

Mmepɔw atifi na wɔbobɔ afɔre, na wɔhyew aduhuam nkoko so, odum ne duafufu ne odupɔn ase, efisɛ ne nwini ye. Enti mo mmabea bɔ aguaman, na mo sewnom sɛe aware.

Hosea 4:15

Ɛwom sɛ wo, Israel, wobɔ aguaman de, nanso mma Yuda nnni so. Na momman nnkɔ Gilgal, na mommforo mmma Bet-awen, na monnkeka ntam sɛ: Sɛ AWURADE te ase yi.

Hosea 5:8

Monhyɛn abɛn Gibea, monhyɛn torobɛnto Rama. Mommɔ ose Bet-awen, hwɛ w’akyi, Benyamin.

Hosea 8:5

O Samaria, wo nantwi ba no ho yɛ nwini, m’abufuw asɔ ahyɛ wɔn, enkosi da bɛn na wɔrentumi ɔbra a ɛho tew bɔ?

Hosea 9:6

Na hwɛ, ɔsɛe nti wɔatu kɔ; Misraim bɛboa wɔn ano, Memfis besie wɔn; wɔn dwetɛ nnwinne ananmu na nnɛnkyɛnse besi, na nsɔe befuw nea wɔn ntamadan sii no.

Amos 1:5

na mebubu Damasko pon akyi adaban, na matwa wɔn a wɔte Awen bon mu afi mu, ne ɔhempomakurafo no afi Bet-eden; na wobetu Siria man akɔ Kir, AWURADE na ose.

Amos 3:14

Sɛ ɛda a mɛba mabɛtwe Israel mmarato so aso no, mɛtwe Betel afɔremuka nso aso, na wɔatwitwa afɔremuka no mmɛn, na agu fam.

Amos 7:9

Na Isak sorɔnsorɔmmea no bɛdannan afoafo, na Israel kronkrommea no ayɛ agowagow, na mede afoa mɛsɔre mahyɛ Yeroboam fi.

Amos 8:14

wɔn a wɔkeka Samaria asodi ntam, na wose: Sɛ wo, Dan, wo nyame te ase yi! Ne sɛ Beer-seba kwan te ase yi no, wɔn de, wɔbɛtotɔ na wɔrensɔre bio.

Mika 1:13

Lakisfo, momfa teaseɛnam nsa ɔpɔnkɔ hoɔharefo; ɛyɛ Sion babea bɔne mfiase, sɛ mo mu na wohuu Israel mmaratode no.

Mika 1:5

Efi Yakob mmarato ne Israel fi nnebɔne nti na eyi nyinaa ba, Dɛn ne Yakob mmarato? So ɛnyɛ Samaria? Na dɛn ne Yuda sorɔnsorɔmmea? So ɛnyɛ Yerusalem?

Nahum 3:11

Wo nso ahohiahia bɛbow wo na woayera mu, na wobɛhwehwɛ guankɔbea ɔtamfo anim.

Luka 23:30

Ɛnna wobefi ase aka akyerɛ mmepɔw sɛ: Monhwe yɛn so! Ne nkoko sɛ: Monkata yɛn so!

5 Mose 9:21

Na mefaa mo bɔne a moyɛe a ɛne nantwi ba no, na mede ogya mehyewee, na misiw meyam no muhumuhu kosii sɛ efei sɛ mfutuma, na metow ne mfutuma no guu asu a efi bepɔw no so sen no mu.

Adiyisɛm 6:16

Na wɔka kyerɛɛ mmepɔw ne abotan no sɛ: Monhwe yɛn so mfa yɛn nhintaw mfi nea ɔte ahengua no so no ne oguammaa no abufuw ho,

Adiyisɛm 9:6

Na nna no mu no, nnipa bɛhwehwɛ owu, na wɔrennya, na wɔbɛpɛ sɛ wowu, nanso owu beguan wɔn.