Ester 3:1 - KYERƐW KRONKRON

¹ Nsɛm yi akyi no, ɔhene Akas-weros yɛɛ Agagni Haman a ɔyɛ Hamedata ba kɛse, na ɔmaa no so, na ɔmaa n’agua so sene mmapɔmma a wɔne no wɔ hɔ no nyinaa de.

Twerɛ Kronkron

¹ Nsɛm yi akyiri no, Ɔhene Akas-weros yɛɛ Agagni Haman a ɔyɛ Hamedata ba no kɛseɛ, na ɔmaa no so, na ɔmaa n’adwa so senee mmapɔmma a wɔne no wɔ hɔ no nyinaa deɛ.

Akuapem Twi Nkwa Asɛm

¹ Eyinom akyi no, ɔhene Ahasweros pagyaw Agagni Hamedata babarima Haman dibea, yɛɛ no ɔsoafo panyin wɔ ahemman no mu ma ɔbɛyɛɛ ɔhene abediakyiri.

New Revised Asante Twi Bible

¹ Nsɛm yi akyiri no, Ɔhene Akas-weros yɛɛ Agagni Haman a ɔyɛ Hamedata ba no kɛseɛ, na ɔmaa no so, na ɔmaa n’adwa so senee mmapɔmma a wɔne no wɔ hɔ no nyinaa deɛ.

Asante Twi Nkwa Asɛm

¹ Mmerɛ bi akyi, ɔhene Ahasweros pagyaa Agagni Hamedata babarima Haman diberɛ, yɛɛ no ɔsoafoɔ panin wɔ ahemman no mu ma ɔbɛyɛɛ ɔhene abadiakyire.

Ester 3:1 Referencias Cruzadas

1 Mose 41:40

Wubedi me fi so, na w'anom asɛm so na me man nyinaa bedi, gye ahengua nko so na mɛsen wo.

1 Mose 41:55

Na ɔkɔm kaa Misraim asase nyinaa no, ɔman no kosuu kɔm kyerɛɛ Farao. Na Farao ka kyerɛɛ Misraim nyinaa sɛ: Monkɔ Yosef nkyɛn, nea ɔbɛka akyerɛ mo no, monyɛ.

Esra 7:14

Efisɛ ɔhene ne n’agyinatufo baasɔn no asoma wo sɛ kɔ na kɔhwehwɛ Yuda ne Yerusalem mu sɛ wo Nyankopɔn mmara a ɛwɔ wo nsam no te.

Ester 1:14

na wɔn a wɔbɛn no ne: Karsena, Setar, Admata, Tarsis, Meres, Marsena, Memukan, Persia ne Media mmapɔmma baasɔn a wohuu ɔhene anim ne ahenni no mu atitiriw no),

Ester 3:10

Ɛnna ɔhene no yii ne pɛtea fii ne nsa de maa Agagni Haman a ɔyɛ Hamedata ba, Yudafo tamfo no.

Ester 5:11

Na Haman kaa wɔn n’ahonya anuonyam ne ne mma dodow ne kɛse a ɔhene ayɛ no nyinaa ne sɛnea wama no so asen mmapɔmma ne ɔhene nkoa no nyinaa,

Ester 7:6

Na Ester se: Onipa ɔhohiahiafo ne ɔtamfo no ne Haman otirimmɔdenfo yi. Ɛnna nketenkete kitaa Haman, ɔhene ne ɔhemmea no anim.

Ester 8:3

Na Ester kasae bio ɔhene anim, na ɔhwee ne nan ase, na osui kotow srɛɛ no sɛ onyi Agagni Haman bɔne ne n’adwene a ɔdwenee Yudafo no ho no.

Nnwom 12:8

Sɛ ahuhusɛm ahoran nnipa mma mu yi, abɔnefo abu so nennamee.

Mmebusɛm 29:2

Treneefo redɔɔso a, ɔman ani gye, na ɔbɔnefo di so a, ɔman si apini.

Ɔsɛnkafo 10:6

wɔama nkwasea so bebree, na adefo tete fam.

Daniel 6:2

ne wɔn so abirempɔn baasa a Daniel yɛ wɔn mu biako, sɛ amantam ahene no mmu akontaa nkyerɛ wɔn, na ɔhene ade ammɔ no.

4 Mose 24:7

Ne nsusaw ade mu nsu bubu so, na n'asefo tena nsu pii mu. Ne hene so sen Agag, na wɔbɛma n'ahenni so.

1 Samuel 15:33

Na Samuel se: Sɛ wo nkrante maa mmea dii mmasigyaw no, saa ara nso na wo na bedi basigyaw mmea mu. Na Samuel twitwaa Agag AWURADE anim wɔ Gilgal.

1 Samuel 15:8

Na ɔkyeree Amalek hene Agag animono, na ɔman no nyinaa de, ɔde nkrante sɛee wɔn pasaa.